Efesios 4:19 - Bible in Tzeltal de Oxchuc y Tenejapa

¹⁹ Tulanuben te yo'tanique. Yac'oj sbaic ta spasel spisil te bila smulanej te sbaq'uetalique. Ma xch'uunic comel yu'un spasel spisil ta jchajp te bila amene.

Nuevo Testamento Tzeltal de Amatenango

¹⁹ Maꞌyukix kꞌexlal ya yaꞌiyik yuꞌun te mulile, y lijk yakꞌ sbaik ta spasel te tut ya skꞌan te stiꞌbalulike, jaꞌ te spisil ta jkaj te tutik ma lekuke.

Bible in Tzeltal Bachajón

¹⁹ C'alal ch'ay sq'uexlalic, la yac' sbahic ta spasel mulil ta sbaq'uetalic, hich spisil yo'tanic la spasic te bintic chopol ta pasele.

Efesios 4:19 Referans Kwoze

1 Timoteo 4:2

Soc ya me xjajch' yantaybeyic sc'op te mach'atic cheb yo'tanique, te puro lotil c'op ya yalique, te jc'axel pimuben yo'tanic. Ma'yuc bila ya xc'otix ta yo'tanic xujt'uc.

Colosenses 3:5

Jich yu'un, ac'aic ta lajel spisil te bitic ya ana'ic spasel ta swenta nax in balumilal to: Ja' te yalel ta mulile, te chijil-o'tanile, te sbic'tal asit ta mulanwaneje, soc spisil te bic'tal-o'tanile, soc teme yu'uninejbeyex awo'tanic te c'ulejalile te ja' pajal soc te xch'uunel loc'ombaetique.

Judas 1:11

¡Ac'a me yil sbaic stuquelic! Melel snopojbeyic yo'tan te Caine. Sganar nax sna'ojic, jich jowejemiquix jich bit'il te Balaame. Soc jich ya xlajic bit'il te Coré te ac'ot ta lajel yu'un te bit'il la scontroin te Moisese.

Apocalipsis 18:3

Yu'un yuch'ojbeyic svino spisil ta jchajp te nacionetique, ja' bi, sboltesej sbaic soc ta swenta te smulweje. Te muc' ajwaliletic ta balumilale yaiyojiquix mulwej soc. Te jp'olmaletic ta balumilale staojiquix bayal sc'ulejalic ta swenta spisil te bila mulanbil yu'un sbaq'uetal te muc'ul lume”, xi' ta aw.

2 Pedro 2:22

Ja'uc me to, jich c'otix ta pasel ta swentaic te bit'il ay ta alele: “Te ts'i'e, sujt' xan bael ta xcha'lo'el xan xe”, te xie. Soc xan: “Te me' chitam te yich'ojix poquele, sujt' xan bael la xcha'balan xan sba ta ajch'al”, te xie.

1 Pedro 4:3

Tic' a te ch'ay bayal c'aal awu'unic ta neelal to ta spasel te bila mulanbil yu'un te mach'atic ma sna'beyic sba te Diose. Ja' bi ja' te chijubele, bic'tal-o'tanil, yacubel, q'uinwej, slajinel taq'uin te ma'yuc swentaile, soc xch'uunel lotil diosetic te ilaybil yu'un te Diose.

Efesios 4:17

Jich yu'un ya calbeyex mandal ta swenta sbiil te Cajwaltique: Ma me jichuc cuxulex ta q'uinal te bit'il te mach'atic ma ba xch'uunejic te Diose, te ja' nax cuxulic ta spasel te bila snopoj ta yo'tanic te xujt' ma'yuc swentaile.

Isaías 56:11

Jichic te bit'il wi'nal ts'i'etic te jc'axel ma xnoj te xch'ujt'ique, ja'ic jcanan-chijetic te ma'yuc bitic ya xc'ot ta yo'tanic jtebuque. Juju-jtul sleoj sbeic stuquelic, ja' nax ya sleic te bila ya sc'an yo'tanique.

Job 15:16

ja'uc to balix a jiche te winic te boloben soc te ilaybil sba, te ya yuch' c'oem te bila amen te bit'il ay ta uch'el te ja'e.

San Marcos 7:22

te bic'tal-o'tanile, te uts'inwaneje, te lo'laywaneje, soc te bila amen ta pasel te mulanbil sbae, te jex-o'tanil, soc ayantaywanej, soc toybail, soc bol-o'tanil.