Efesios 4:18 - Bible in Tzeltal de Oxchuc y Tenejapa

¹⁸ Ay ta ijc' q'uinal te yo'tanique. Ma'yuquic ta stojol te Diose yu'un ma'yuc bi ya sna'ic ta scaj te boloben te yo'tanique.

Nuevo Testamento Tzeltal de Amatenango

¹⁸ sok te ijkꞌuben ay te yoꞌtanike. Te stukelike makꞌ skꞌupinik te xkuxlejalik te ya xtal ta stojol te Diose. Porke yuꞌun ma snaꞌik kꞌinal ta skaj te stulanil yoꞌtanike.

Bible in Tzeltal Bachajón

¹⁸ te ay ta yihc'al q'uinal te spensaric soc namal ayic ta stojol te cuxlejal yu'un Dios ta scaj te ma sna'ic q'uinal, ta scaj te tulan te yo'tanique.

Efesios 4:18 Referans Kwoze

San Mateo 13:15

Te melel c'ax pimix yo'tanic te alumale. Ma xc'ot ta xchiquinic te c'ope. Smuts'oj sitic, yu'un ma sc'an yilic ta sitic, soc ma sc'an yaiyic stojol c'op ta xchiquinic, soc ma sc'anic te ya xc'ot ta yo'tanique, soc ma sc'an sujt'es yo'tanic ta jtojol, jich ma ba ya staic coltayel cu'un”, xi' te Diose.

Efesios 2:12

Ta neelal to, ma'yuquex ta swenta te Cristoe. Ma junuc ayex soc te lum Israele, soc ma'yuc ta awentaic te bila yaloj ta tratoetic te Diose. Jich nax cuxulex ta q'uinal. Ma'yuc smuc'ul awo'tanic soc ma'yuc Dios ta awo'tanic ta balumilal.

San Juan 12:40

“Dios la sc'atp'un ta ma'sit soc la yac' tulanajuc yo'tanic, swenta yu'un ma xyilic q'uinal ta sitic, ni ya xc'ot ta yo'tanic te bila ya x'albotique. ‘Ma ba ya sujt'es yo'tanic ta jtojol swenta ya jlamantes te xchamel’, xi' te Diose”, te xie.

1 Tesalonicenses 4:5

Ma me scajuc nax xchijilil abaq'uetalic te ya awic' awinaminic te antse, jich bit'il ya spasic te ants-winiquetic te ma sna'beyic sba te Diose.

Santiago 4:4

¡Jmulawil ants-winic! ¿Yu'un bal ma x'ana'ic te mach'atic jun yo'tan sba soc te balumilale ja' scontroinejic te Diose? Mach'auc a te jun yo'tan sba soc te balumilale, yu'un nanix ja' spasoj ta contro a te Diose.

2 Corintios 4:4

Melel te dios yu'un in balumilal to, sc'atp'unej ta ma'sit te mach'atic ma ba xch'uunejic te Diose. Jich ma xju' ya sna'ic stojol xujt'uc. Swenta yu'un jich ma xyilbeyic xojobil yutsilal te lec yach'il c'op yu'un te Cristoe, melel te Cristoe pajal yilel soc te Diose.

Colosenses 1:21

Te ja'exe q'uejel ayex ta neelal to, soc contro la awil abaic ta awo'tanic soc te Diose, yu'un c'aemex ta spasel spisil te bila ma lecuque.

1 Juan 2:11

Yan te mach'a yilintayej te yermanoe, yu'un nanix ainem ta ijc' q'uinal, tey yac ta beel a. Jich ma sna' te banti ya xbajt'e, melel ma'sit c'oem yu'un te ijc' q'uinale.

Gálatas 4:8

Ta namey tel ma la ana'beyic sba te Diose, ja' la awac' abaic ta abatinel yu'un te bitic ay ta balumilal te ma diosuque.

Romanos 11:25

Quermanotac, ya jc'an te ya ana'ic stojol in c'op to, te ma ac'ot ta na'el ta neelal toe. Ya me calbeyex awaiyic, swenta yu'un ma ba ya atoy abaic yu'un te ac'oplalique. Melel te sts'umbal Israele tulanuben yo'tanic ja' to teme ochic spisilic te mach'atic jyanlumetique.

Romanos 1:28

In te bit'il ma la sc'an sna'beyic sba ta melel te Diose, jich ijq'uitayotic yu'un Dios. Jich jowejic ta jyalel, ja' la spasic te bila ma jichuc ya sc'an pasele.

Hechos 17:30

Te Diose, ma'yuc bila la yal yu'un te jich yipal c'aal ayiquix tel te ants-winiquetic te bit'il ma la sna'ic stojole. Yan ta ora to, ya spasix ta mandal spisil ants-winiquetic ta bayuc te ya sujt'es yo'tanique.

1 Corintios 1:21

Ja'uc me to, ta swenta sp'ijil te Diose, te mach'atic ayic ta balumilal ma la sna'beyic sba Dios ta swenta nax te sp'ijilique. Ja' lec la yaiy ta yo'tan Dios te ya scoltay te mach'atic ya xch'uunic te sc'ope, manchuc teme jowil c'op nax c'oem ta yo'tanic te yantique.

Romanos 2:19

Soc jich ay ta awo'tan te ya xju' awu'un stojobtesel te ma'site, soc te ya awac' sacubuc q'uinal ta stojolic te mach'atic ayic ta ijc' q'uinale.

San Marcos 3:5

Te Jesús la yil ta sjoyobal te ants-winiquetic. Ilin yu'un soc la smel yo'tan yu'un te bit'il tulan te yo'tanique. La yalbey ts'iin te winique: —Toya jajch'el te ac'abe —la yut. La stoy jajch'el sc'ab te winique. Jich lecub te sc'abe.

Daniel 5:20

Pero c'alal noj ta yo'tan toybail, soc te tulan la yac' sba ta scaj te stoybaile, la yich' pojbeyel te yipe, soc te yutsil sc'oplal ta muc' ajwalile.

Salmos 74:20

Ma me xach'ay ta awo'tan te bila trato apasoj; melel te q'uinal nojel ta ixta-o'tanetic c'alal mero slajibal sti'il.

2 Corintios 3:14

Ja'uc me to, ma c'ot ta yo'tanic te bila la yilique. Ja' to c'alal ta ora to, te c'alal ya yilic te pocol tratoe, ja' nanix jich macal to sitic yu'un te paq'ue. Melel ja' nax ta swenta Cristo te ya xju' ya xloc' te paq'ue.

Isaías 25:7

Ja' ta bay wits to, ya sjin Cajwaltic te pac' te smucoj spisil te lumetique, ja' te pac' spotsoj spisil te nacionetique.

Hechos 3:17

“Quermanotac, jna'oj stojol te yu'un ma la ana'ic stojol te bila la apasique soc ma la sna'ic stojol uuc te jwolwanejetic cu'untique.

Romanos 11:7

¿Bit'il ayix a jiche? Te bila yacalic ta sleel te israeletique, ma ba staojic. Yan te mach'atic tsabilique, staojix stuquelic. Yan te yantique la yac' tulanubuc yo'tanic stuquelic,

1 Corintios 2:8

Te ajwaliletic swenta in balumilal to, ma la sna'beyic swentail. Te yu'unuc la sna'ique, ma la smilic ta cruz te Ajwalil yu'un utsilal te jichuque.

Efesios 2:1

Jich te ja'exe, Dios la yac'beyex acuxlejalic te c'alal lajemex yu'un te la ac'axintayic mandal soc te la ale amulique.

Hebreos 5:2

In te bit'il ma'yuc yip yo'tan uuc, jich ya sna' stojtesel te mach'atic ya xjowejic te ma sna'ic te bila ya spasique.

Hebreos 9:7

Yan ta bay te xcha'tsalale, ja' nax stuquel te muc' sacerdote te ya x'och bael jun buelta ta jun ja'wil. In te c'alal ya x'och baele, puersa ya yich' ochel xch'ich'el chambalametic te ya xc'o stsijts'an tey a swenta xch'ayjibal te smule soc xch'ayjibal smul uuc te slumale te ma'yuc ta yo'tanic te bila mulil te la spasique.

1 Pedro 1:14

Lequil alnich'anuquex me ta xch'uunel te smandale. Ma me ja'uc xach'uunic xan spasel te bila mulanbil sba ta pasel awu'unic ta neelal to te c'alal ma to ana'ojbeyic sba a te Diose.

Levítico 11:16

avestruz, lechuza, gaviota soc spisil yantic gavilanetic,

Ezequiel 14:5

“Jo'on me ya jtijbey yo'tan ta spisilic te ya spit sbaic ta jtojol ta scaj te loc'ombaetic yu'unique.