Efesios 4:17 - Bible in Tzeltal de Oxchuc y Tenejapa

¹⁷ Jich yu'un ya calbeyex mandal ta swenta sbiil te Cajwaltique: Ma me jichuc cuxulex ta q'uinal te bit'il te mach'atic ma ba xch'uunejic te Diose, te ja' nax cuxulic ta spasel te bila snopoj ta yo'tanic te xujt' ma'yuc swentaile.

Nuevo Testamento Tzeltal de Amatenango

¹⁷ Jich yuꞌun ya kalbeyex y ya jpasex ta mantal ta skuenta te Kajwaltike: Te ma me jichukix ya xꞌanex te tutꞌil yanetik genteetike te ma xchꞌuunejikuk te Diose, te jaꞌ nax ya spasik te tut ya snop ta jowil nax spensarike,

Bible in Tzeltal Bachajón

¹⁷ Hich ya calbeyex soc hich ya jpasex ta mandar ta scuenta te Cajwaltic, te ma me hichuc atalelic te bin ut'il stalel te jyanlumetic, te biluc nax ya slomic ta pasel ta scaj te ma sna'ic q'uinal,

Efesios 4:17 Referans Kwoze

Romanos 1:21

Jich sna'ojbeyic sba te Diose. Ja'uc me to, ma la sc'an yalbeyic yutsilal te bit'il ja' Dios stuquele soc ma sc'an yalbeyic wocol. Nojelix ta jowil c'op te yo'tanic, soc jc'axel ayic ta ijc' q'uinal.

2 Pedro 2:18

Melel puro toyba c'op sti'inejic te ma'yuc stuul xujt'uque. Ja' ya xlo'laywanic a te sbic'tal yo'tanique soc te bila ya smulan spasel te sbaq'uetalique. Jich ya xchijtesbeyic yo'tanic te mach'atic colelic to loq'uel tey a ta yolil te mach'atic jowejemic ta q'uinale.

Colosenses 2:4

Spisil in to ya calbeyex awaiyic swenta yu'un ma me ayuc mach'a ya slo'layex ta swenta nax sp'ijil sc'op.

1 Pedro 1:18

Yu'un Dios la scoltayex loq'uel tey a ta bay te bila la yac'beyex anopic spasel te me'il-tatiletic awu'unique. Soc ana'ojic stojol ta lec te ma ja'uc tojbil jcoleltic a te bila ya xlaje, jich bit'il te oroe soc te platae.

Hechos 20:21

Jamal la calbey yaiy te judioetique soc te jyanlumetique, te ya sc'an ya sujt'es yo'tanic ta stojol Dios soc te ya yac' xch'uunjel yo'tanic ta stojol te Cajwaltic Jesucristoe.

Hechos 18:5

Te c'alal julic te Silas soc te Timoteo te jilemic ta Macedonia, te Pablo ja' nax caj yat'elin yalel te lec yach'il c'ope. Jamal la yalbey te judioetic te ja' Cristo te Jesuse.

Hechos 14:15

—Winiquetic, ¿bistuc te jich ya apasique? Melel te jo'otique winicotic uuc jich te bit'ilexe. Ja' tal calbeyex te ya awijq'uitayic ta pasel te bila xujt' ma'yuc stuule soc te ya asujt'es awo'tanic ta stojol te cuxul Dios te ja' la spas te ch'ulchane te balumilale te mare soc spisil te bitic ay tey a.

Jeremías 42:19

Ja'ex te cuxulex jilel te yajwalex Judá, te Cajwaltic ya spasex ta mandal te ma me xbaex ta Egipto. Na'aic me ta lec, jo'on ya cac'beyex ana'ic.

2 Timoteo 4:1

Ya jpasat ta mandal ta stojol te Diose soc ta stojol te Cajwaltic Jesucristoe, te ya xtal ta muc' ajwalile soc te ya yilbey bi yilel yat'el spisil te mach'atic cuxulique soc te mach'atic lajemique.

1 Timoteo 6:13

Ta ora to ya jpasat ta mandal ta stojol Dios te yac'ojbey xcuxlejal spisil te bitic aye, soc ta stojol Jesucristo te jamal la yal sba ta stojol te Poncio Pilatoe.

1 Timoteo 5:21

Ya calbat mandal ta stojol te Diose soc ta stojol te Cajwaltic Jesucristoe soc ta stojol te ch'ul abatetic tsabilic yu'une, te jich me xapas spisil ora. Ma me tsabiluc nax awu'un te mach'a ya achajbane.

1 Tesalonicenses 4:6

Ma me ayuc mach'a ya yac'bey swocol yantic soc ma me ayuc ya slo'lay yermano, melel ya me x'ac'bot tulan castigo yu'un te Cajwaltic teme jich ya spasique, jich bit'il tulan sc'oplal la calbeyex awaiyic ta neelal to.

Colosenses 2:18

Ma me xawaq'uic ta pojel te amajt'anic yu'un te mach'atic te jowil nax peq'uel ya yac' sbaic ta c'axem to xan, soc te ya slajin sbaic ta stojol te ch'ul abatetique. Scuyoj sbaic te ay bila ac'botix yil ta swaichic ta sc'opique. Muc' yac'oj sbaic yu'un te bila snopojic ta swenta nax te sbaq'uetalique.

Efesios 4:22

Ijq'uitayaic me te apocol cuxlejalic jich te bit'il ayex ta neelal toe. Melel spisil boloben te apocol cuxlejalique, yu'un c'aemix abaq'uetalic a te mulile.

Efesios 1:22

La yac'bey scajtijibin yacan Cristo spisil te bitic aye. Soc nix te Cristo ja' jolol c'ot yu'un spisil te jch'uunjeletique.

Gálatas 5:3

Te mach'a ya xch'uun yich'el te circuncisione, ya calbey xan yaiyic te puersa me ya xch'uun spasel spisil te bila ya yal te mandalile.

Gálatas 3:17

Ja' ya cal in to: Te Dios la spas trato soc te Abrahame, ja' swentail te ma teyuc laj sc'oplal a te bit'il lajuneb xcha'winic xcha'bajc' (430) ja'wil ta patil, chicnaj te mandalile. Melel te mandalil te patil chicnaje, ma ja'uc la slajinbey sc'oplal te bila la yal Dios ta stojol te Abrahame.

2 Corintios 9:6

Na'aic me in to: Te mach'a jteb nax ya yaiy awale, ja' nanix jich, jteb nax te bila ya sc'aje. Soc te mach'a bayal ya yaiy awale, ja' nanix jich, bayal ya sc'aj.

1 Corintios 15:50

Quermanotac, ya calbeyex in to: Te ch'ich'-baq'uete ma xju' ya xc'o ainuc tey a ta banti ay ta ajwalinel te Diose. Te bila swenta c'a'ele, ma xju' ya xc'o sjoin tey a te bila stalel ma xc'a' stuquele.

1 Corintios 1:12

Ja' ya calbeyex ta jamal te ay jich ya awalic juju-jtul te ja'exe: “Jo'on ayon ta swenta Pablo”. “Jo'on ayon ta swenta Apolos”. “Jo'on ayon ta swenta Pedro”. “Jo'on ayon ta swenta Cristo”, te xaexe.

Hechos 2:40

Te Pedro la to yalbey xan yaiyic ta lec te sc'op Diose, soc la stac'uy. Jich la yalbey yaiyic: —Ac'a abaic ta coltayel. Ma me xbaex ta ch'ayel soc te mach'atic cuxulic ta q'uinal ta ora to te amen yo'tanique —xi'.

Nehemías 13:15

Ja' nix ta yorail a la quil ta sq'uinal Judá te ay mach'atic ya st'us ta yacanic sts'usubic yu'un vino ta sc'aalelal cux-o'tanil, soc la scuchic tombil trigoetic, te burroetic yu'unique la yac'beyic scuch vino, soc chexelchex ts'usubetic, soc higoetic soc ta spisil te ijc'atsiletic. Ta sc'aalelal cux-o'tan la yich'ic bael ta Jerusalén. Ja' yu'un la calbey ta sit te ma xyaiyic chonbajel a ta c'aal in to.

San Lucas 16:28

Yu'un ay jo'tul xan quijts'inab. Ac'a ba xcholbon yaiy swenta yu'un ma ba ya xtalic li'to te banti ayon ta castigoe”, xi'.

Levítico 15:18

“Te winic soc ants te ya sta sbaique, ya me spoc sbaic xchebalic ta ja', ma ba lec ya xjilic sc'oplal c'alal yijc'ubel q'uinal.

Deuteronomio 27:10

Jich yu'un, ch'uunbeyaic me sc'op, ya me apasbeyic bael spisil ta jchajp te mandaliletic yu'une te yacon ta yalel ta atojolic ta ora in to —xi'.