Efesios 4:15 - Bible in Tzeltal de Oxchuc y Tenejapa

¹⁵ Ja' ya sc'an te ya jt'untic bael te smelelil c'op ta swenta xc'uxul co'tantic, ya sc'an ya xch'iotic jpisiltic ta stojol te mach'a jolol cu'untique, ja' bi ja' te Cristoe.

Nuevo Testamento Tzeltal de Amatenango

¹⁵ Jaꞌ lek ya kaltik sok skꞌuxul koꞌtantik te tut batsꞌi jich. Jich ya xmukꞌubotik ta spisil te tutꞌil ay te Cristoe, te jaꞌ jolol yuꞌun te machꞌatik yuꞌune.

Bible in Tzeltal Bachajón

¹⁵ pero smelelil ya xc'opojotic ta scuenta sc'uxul co'tantic, spisil behbehucotic me ta muc'ubel ta stojol te Jolal, ha te Cristo,

Efesios 4:15 Referans Kwoze

1 Juan 3:18

Cal-jnich'nab, ma me sbauc nax jti'tic ya jmulantic yalel te c'ux ya caiy jbajtique. Ac'a me chicnajuc ta cat'eltic te bit'il c'ux ya caiy jbajtic ta melele.

Efesios 4:25

Jich yu'un ma me xapasiquix lot. Juju-jtulex c'opona abaic ta puro smelelil soc te apat-axujq'ue, yu'un jun nax ayotic ta jpisiltic.

Zacarías 8:16

Pero ya calbeyex te bila spisil ora ya sc'an ya apasique: Mero meleluc me te ac'opic te ya awalbey abaique, mero stojil me te ya xchajbanwanex, bayaluc me sc'oplal ta awo'tanic te ya xlamaj q'uinal awu'unic ta swenta chajbanwanej awu'unique.

1 Pedro 1:22

Jich yu'un utstesbilix acuxlejalic ta swenta te bit'il la ach'uuniquix te smelelil c'op [ta swenta te Ch'ul Espiritue,] swenta yu'un smelelil te c'ux ya awaiy abaic soc te awermanotaque. Jich yu'un ya sc'an te talel c'axel c'ux ya awaiy abaic, ma me ayuc bila ay ta awo'tanic juju-jtulex.

2 Pedro 3:18

Ja'uc me to, na'beyaic xan sba ta lec te Cajwaltic Jesucristoe te Jcoltaywanej cu'untique. Ac'a esmajuc xan ta awo'tanic te xc'uxul yo'tane. Jelawen yutsilal sc'oplal stuquel te Cajwaltique ta ora to soc ta sbajt'el q'uinal. Jichuc.

Efesios 2:21

Ja' ta swenta te ya x'ipaj moel sts'ajc'ul a te nae. Jich yac ta muc'ubel swenta yu'un ch'ul templo yu'un Dios ya xc'oex te bit'il jun nax ayex soc te Cajwaltique.

Efesios 1:22

La yac'bey scajtijibin yacan Cristo spisil te bitic aye. Soc nix te Cristo ja' jolol c'ot yu'un spisil te jch'uunjeletique.

1 Pedro 2:2

Jichuquex me te bit'il alaletic te ayinelic toe, c'anaic me te lequil chu'ul yu'un te Espíritu te ma'yuc bila capal ae. Jich me ya xmuc'ubex yu'un stuquel, soc jich me ya ata acolelic ta swenta.

Romanos 12:9

C'ux me x'awaiy abaic ta melel. Ilayaic te bila amene; ja' me x'at'unic te bila leque.

San Juan 1:47

Te Jesús la yil te Natanael te yac ta talel ta stojole. Jich la yal: —Ja' mero israel-winic in to, te ma'yuc lo'laywanej ta yo'tane —xi' sc'oplal yu'un.

Efesios 5:23

Melel ja' sjolinejic te smamlalique; jich bit'il te Cristoe, ja' jolol yu'un te jch'uunjeletique, te ja' sbaq'uetal, soc ja' Jcoltaywanej yu'unic.

2 Corintios 4:2

La quijq'uitaytiquix jilel te bila la jpastic ta muquen te ya xq'uexawotic yu'une. Ma ba ya caiytic lo'laywanej, soc ma ba ya jcaptic ta lotil p'ijubtesel te sc'op Diose. Ja' nax ya caltic te bila smelelile. Jich ya cac'tic ta ilel ta stojol spisilic te bit'il ay te co'tantic ta stojol te Diose.

Salmos 32:2

Bin nax yutsil te mach'a ma'yuc lo'laywanej ta yo'tan, soc te ma'yuc falta ya x'ac'bot scuch yu'un te Cajwaltique.

Jueces 16:15

Jich la yal te ants: —Jpas-lotat. Tojol ya xjelawat ta c'op te buen c'uxon ta awo'tan ta ac'ope. Ja' yoxebalix buelta a te ya awilbon co'tane, ma to bay ya awalbon caiy te bay ya xtal spisil te awipe —xi'.

2 Corintios 8:8

Ma yu'unuc ya calbeyex mandal. Ja' nax ya jc'an te ya ana'ic stojol te bit'il toyol yo'tanic te yantique, swenta yu'un tey me ya jna' a teme ay xc'uxul awo'tanic ta mero melele.

Malaquías 4:2

Yan te ja'ex te awich'ojonic ta muc', ya me xtil ta atojolic jichuc xojobil c'aal te chajbanel cu'une; te xojobile ya me yac' cuxlejal. Ja' yu'un te ja'ex ya me xwilex yu'un sbujts' awo'tanic, jichuc alal wacaxetic te c'alal ya xloq'uic bael ta yawil swe'elique.

1 Corintios 11:3

Ja'uc me to, ya jc'an te ya ana'ic stojol te ja' jolol yu'un spisil winiquetic te Cristoe, soc ja' jolol te winic yu'un te antse, soc ja' jolol yu'un Cristo te Diose.

Efesios 1:4

Namey tsabilotic yu'un Dios ta swenta Cristo te c'alal ma to chicanuc a te balumilale, swenta yu'un ya xch'ultesotic soc ma'yuc bila ts'ilajemotic yu'un a te ya jtejc'an jbatic ta stojole.