Efesios 4:14 - Bible in Tzeltal de Oxchuc y Tenejapa

¹⁴ Ma me jichucotic xan te bit'il alaletic te jteb stael yo'tanic, soc te ora nax ya x'eanot bael yu'un yic'al te biluc yach'il nopjibal te ay ta alel ya yaiyique. Ma me jch'uuntic lo'layel yu'un te sp'ijil sc'op ants-winiquetic te ora ya xju' yu'unic lo'laywanej a te sp'ijilique.

Nuevo Testamento Tzeltal de Amatenango

¹⁴ Ma me jichukotikix tutꞌil untik te jtsꞌin nax ya xyanej sok te bayuk nax ya xꞌikꞌot bael jich tutꞌil ikꞌ ta xchꞌuunel achꞌ nojpesele. Asta ya xloꞌlayot bael yuꞌun gente te ya xloꞌlaywan te ya xbeenik te ba sbelel te chꞌayele.

Bible in Tzeltal Bachajón

¹⁴ Hich ma ba alalotiquix te xyal xmo te co'tantic, te bayuc ya x'ic'ototic bahel yu'un biluc nohptesel soc te lo'loyel yu'un winiquetic te yac slo'loybelic ta scuenta te lo'loywanej yu'unique;

Efesios 4:14 Referans Kwoze

Hebreos 13:9

Ma me xawac' abaic ta lo'layel ta yaiyel stojol yantic nopjibaletic te ma ja'uc yaloj te Diose. Ja' lec te ja'uc ya yich' stulanil awo'tanic yu'un te bit'il ay yutsil yo'tan ta atojolic te Diose. Ma ta swentauc we'lil te lec ya xc'oex yu'une. Melel ma'yuc bi la staic a te mach'atic la xch'uunic spasele.

1 Corintios 14:20

Quermanotac, ma me jichuquex te bit'il alaletic te ma to sna'ic q'uinale. Ja' lec teme jichex te bit'il alaletic te ma'yuc bila amen ay ta yo'tanique. Ja'uc me to, muc'ul ants-winicuquex me ta snopel te bila leque.

1 Juan 4:1

Quermanotac te c'uxex ta co'tane, ma me xach'uunic te mach'atic scuyojic ta swenta Espíritu te c'op ya yalique. Tsajtaya me awilic neeluc teme ja' nix Espíritu yu'un Dios te yic'ojique, o teme ma ja'uque. Te melel pujq'uemiquix ta balumilal tsobol lotil j'alwanejetic.

2 Corintios 2:17

Ja'uc me to, te jo'otique ma jichuc ayotic te bit'il yantic te ya scuyic ta sp'olmalic te sc'op Diose. Te jo'otique ja' ya caltic ta jamal spisil te sc'op Diose. Yu'un ja' ticunbilotic yu'un te Diose, soc ayotic ta abatinel yu'un te Cristoe.

Santiago 1:6

Ja'uc me to, ya sc'an te soc xch'uunjel awo'tanic te ya ac'anbeyique. Ma me x'ayan awo'tanic ta stojol. Melel te mach'a ya x'ayan yo'tan ta sc'anele, ja' pajal soc te xtal xbajt' nax ya x'eanot yu'un ic' te mare.

Efesios 6:11

C'u'inaic me spisil te amajq'uilic yu'un te Diose, swenta yu'un jich me ma jtebuc ataelic ta lo'layel yu'un sp'ijil te pucuje.

San Mateo 24:24

Ay me ya xchicnaj lotil cristoetic soc lotil j'alwanejetic. Ya me yac' ta ilel muc' señailetic soc jchajp at'eliletic. Bayal me ya yaiyic lo'laywanej te yacuc xju' yu'unique, asta yo'tanuc slo'layic uuc te mach'atic tsabilic yu'un te Diose.

2 Timoteo 4:3

Melel ya me sta yorail te ma sc'an yaiyic stojol te lequil p'ijubtesele. Ta scaj sbic'tal yo'tanic ya xcaj stsobic p'ijubteswanejetic te ya yaq'uic ta nopel te bila mulanbil ta aiyel stojol yu'unique.

Judas 1:12

Ja' nax ya sboltesbeyex ac'oplalic te bit'il sjoinejex ta spasel te q'uin swenta c'uxul-o'tanile. Melel xchinchon nax q'uinal yu'unic tey a te yacalic ta we'el-uch'ajele. Ja' nax ya sle stuquelic te bila ya xtuun yu'unique. Pajalic soc tocal te ma'yuc ya'lel, te bayuc ya x'eanot bael yu'un te iq'ue. Pajalic soc te'etic te ma xyac' sit ta yoraile, te cheb buelta lajemique, soc te bulbil loq'uel soc te yisime.

Apocalipsis 19:20

Te muc'ul chambalam te xi'bantic sbae, la yich' tsaquel ta chuquel soc te lotil j'alwanej te la yac' ta ilel seña yu'el ta stojole. Ta swenta te señaetic la yac' ta ilel te lotil j'alwaneje, ju' yu'un slo'layel a spisil te mach'atic la xch'uunic yich'el smarca te chambalam te xi'bantic sbae soc te la slajin sbaic ta stojol te sloc'ombae. Cuxul la yich'ic ch'ojel ochel ta xchebalic ta bay muc' pamal c'ajc' te yac ta tilel soc azufre.

Gálatas 3:1

Te ja'ex galaciaetic, ¿bi la apas te ma x'ana'iquix q'uinale? ¿Mach'a la sboltesbeyex awo'tanic te ma ba ya ac'an ya ach'uuniquix te smelelil c'ope? Melel jamal la jcholbeyex awaiyic ta melel. Jich la cac'beyex awilic ta asitic ta comon c'oem te bit'il la yich' jijp'anel ta cruz ta jwentatic te Jesucristoe.

San Mateo 24:11

Soc ya me xchicnaj tsobol lotil j'alwanejetic. Jich me tsobol ta jtul ya xlajic ta lo'layel yu'un.

1 Juan 2:26

La jts'ibubeyex in to, ta scaj te ay mach'atic ya slo'layexe.

2 Timoteo 3:13

Yan te mach'atic amen yat'elic soc te jlo'laywanejetique, yanyanic ta bolobel stuquelic. Yaquic ta lo'laywanej soc yaquic ta lo'layel uuc.

Isaías 28:9

Ya yalbonic jc'oplal, jich ya yalic: —La', ac'botic bi ya jnoptic, albotic te bila yac'oj ta na'el te Diose. Jich me c'oemotic te bit'il ch'in alaletic

2 Corintios 4:2

La quijq'uitaytiquix jilel te bila la jpastic ta muquen te ya xq'uexawotic yu'une. Ma ba ya caiytic lo'laywanej, soc ma ba ya jcaptic ta lotil p'ijubtesel te sc'op Diose. Ja' nax ya caltic te bila smelelile. Jich ya cac'tic ta ilel ta stojol spisilic te bit'il ay te co'tantic ta stojol te Diose.

San Mateo 11:7

Te c'alal sujt'ic bael te jnopojeletique, te Jesús caj yalbey yaiyic te mach'atic stsoboj sbaic te bit'il ay sc'oplal te Juane. Jich la yal: —¿Bila xc'otuc awilic ta bay jochol taquin q'uinal? ¿Ja' bal ba awilic jalal te yac ta tijulayel yu'un te iq'ue?

1 Corintios 12:2

Te ja'exe, ya ana'ic stojol te bit'il ayex a te c'alal ma to ach'uunejic a te Diose. Jun nax awo'tanic la awac' abaic ta jowil alajinbel abaic ta stojol te loc'ombaetic te ma xc'opojique.

Hechos 23:21

Ja'uc me to, ma me xach'uunbey sc'opic, yu'un c'axem ta cha'winic (40) ta jtul winiquetic te ya smaquic ta milel te Pabloe. Xchapojiquix ta stojol Dios te ma xwe'-x'uch'ajic xujt'uque ja' to teme la smilic te Pabloe. Chapaliquix ta ora to. Ja' xanix ya smaliy yaiyic te bila ya awale —xi' te quereme.

Miqueas 7:2

Ma'yuc ya xjilix ta balumilal winiquetic te toj ayique, ni ja'uc te jun yo'tanic ta stojol Dios. Spisilic ya smaliyic te bi ora ya xju' yu'unic uts'inwanej; juju-jtul ya spasbey sbaic syaquilic.

Salmos 59:3

Melel ay winiquetic bayal yipic te ya smaliyic te bi ora ya xju' ya smilonique.

Salmos 10:9

Jich yilel te bit'il león-choj ta bay snailch'ene, snac'oj sba ta yilel a te me'bae, yac ta smaliyel, yu'un ya slumtay. Te c'alal ya xju' yu'un syaquele, ya stas bael.

1 Juan 2:19

Ja' nix te mach'a loq'uic bael ta coliltique. Ja'uc me to, yu'un nanix ma junuc ayotic soc a. Te yu'unuc junuc ayucotic soque, jc'axel jun ayotic soc te jichuque. Ja'uc me to, te bit'il loq'uic baele, yu'un tey me ya xchicnaj ta jamal a te ma jpisilticuc te jun ayotique.

2 Pedro 2:18

Melel puro toyba c'op sti'inejic te ma'yuc stuul xujt'uque. Ja' ya xlo'laywanic a te sbic'tal yo'tanique soc te bila ya smulan spasel te sbaq'uetalique. Jich ya xchijtesbeyic yo'tanic te mach'atic colelic to loq'uel tey a ta yolil te mach'atic jowejemic ta q'uinale.

Santiago 3:4

Ila awilic te barcoetique: Manchuc teme c'ax muq'ue soc manchuc teme bayal yip te ic' te ya xtenot ta beel yu'une, ja'uc me to, tsail nax stuquel te stijibal te ya stojtes ta beel a te yajwal te banti stojol ya sc'an ya xbajt' soque.

1 Timoteo 3:6

Te mach'a ya x'ac'bot yich' yat'ele ma me ja'uc te mach'a xch'uunbel to te Diose, teme repente ya xcaj stoy sba soc te yat'ele. Teme jiche, pajal me castigo ya yich' soc te pucuje.

2 Timoteo 1:15

Jich bit'il awaiyoj stojol, la yijq'uitayonix ta yo'tanic ta jc'axel spisil te mach'atic ayic ta smaquen-q'uinal Asia, jich bit'il te Figelo soc te Hermógenes.

1 Corintios 3:19

Melel te p'ijilil yu'un in balumilal to, ma'yuc swentail ya yil te Diose. Jich bit'il te ts'ibubil jilel ta Sjune: “Te Diose ya me sjowtesbey yo'tanic te mach'atic p'ijic, ta scaj te ay sp'ijil ta sc'opique”, te xie.