Efesios 4:13 - Bible in Tzeltal de Oxchuc y Tenejapa

¹³ Ja' to teme jpisiltic jun nax ya xc'ootic ta swenta te xch'uunjel co'tantique, soc ja' to teme jna'ojbeytiquix sba ta lec te Snich'an Diose. Jich me lequil ants-winic ya xc'ootic ta stojol te Diose. Yan yan jtabel quiptic, ja' to teme la jtabeytic smuc'ul te Cristoe.

Nuevo Testamento Tzeltal de Amatenango

¹³ Jaꞌ to te jpisiltik te jun nax ya xkꞌootik ta skuenta te xchꞌuunel-oꞌtanile y te pajal ya jnaꞌbeytik sba te Xnichꞌan Diose. Yuꞌun jich ya jtajtik a te ya xmukꞌubotike te yan yan ya jta bael kiptik jaꞌ to teme la jtabetik smukꞌul te Cristoe.

Bible in Tzeltal Bachajón

¹³ ha to teme pajal ay sch'uhunel co'tantic ta jpisiltic soc te pajal ya jna'betic sba te Snich'an Dios, te ha muc'ul ants-winicotic ya xc'ohotic, te ya jtahtic c'ohel te stalel te Cristo.

Efesios 4:13 Referans Kwoze

Colosenses 1:28

Te jo'otique ya jcholbeytic sc'oplal ta bayuc te Cristoe. Ya jtac'uytic soc ya jp'ijubtestic ta lec ta spisilic te ants-winiquetique, swenta jich me tojobenic ta stojol Cristo ya xc'otic.

San Juan 17:21

Jun nax me ac'a c'otuc ta spisilic, Jtat, jich te bit'il jun ayotique. Soc jun nax me ac'a c'otuc ta jwentatic, swenta yu'un ya me xc'ot ta yo'tanic te mach'atic ayic ta balumilal te ja'at la aticunon tele.

Efesios 4:5

Jun nax te Cajwaltique, soc jun nax te xch'uunjel co'tantique, soc jun nax te ich'ja'e,

Efesios 4:3

Ac'aic me puersa te junuc nax awo'tan abaic yu'un te Ch'ul Espiritue, te melel jun nax c'oemex ta swenta te lamal q'uinale.

2 Pedro 3:18

Ja'uc me to, na'beyaic xan sba ta lec te Cajwaltic Jesucristoe te Jcoltaywanej cu'untique. Ac'a esmajuc xan ta awo'tanic te xc'uxul yo'tane. Jelawen yutsilal sc'oplal stuquel te Cajwaltique ta ora to soc ta sbajt'el q'uinal. Jichuc.

Colosenses 2:2

Yu'un ya jc'an te ya yich' yip awo'tanic, soc te jc'axel jun awo'tan abaic ya xc'oex yu'un te c'ux ya awaiy abaique. Jich me ya ataic te smuc'ul awo'tanic te bit'il ts'acal ya ana'iquix te bit'il ay te muquen c'op yu'un te Jtatic Diose, te ja' nix te sc'oplal te Cristoe.

Hebreos 5:14

Yan te tulan we'elile, ja' ya stuuntesic te mach'atic muc'ul ants-winique. Melel te mach'atic jich c'oemique, p'ijubeniquix ta sna'el te bila leque soc te bila ma lecuque.

Filipenses 3:8

Soc spisil te bitic ay ta q'uinale, mero ma'yuquix sc'oplal ta co'tan, ja' nax ay sc'oplal te ya jna'beyix sba ta lec te Cajwal Cristo Jesuse. Ja' ta swenta Cristo te la jch'ay jilel ta spisil. Jich c'oemix ta co'tan te bit'il c'a'pal, swenta yu'un ja' me ay sc'oplal cu'un ya xc'ot stuquel te Cristoe,

1 Corintios 14:20

Quermanotac, ma me jichuquex te bit'il alaletic te ma to sna'ic q'uinale. Ja' lec teme jichex te bit'il alaletic te ma'yuc bila amen ay ta yo'tanique. Ja'uc me to, muc'ul ants-winicuquex me ta snopel te bila leque.

Efesios 1:23

Te jch'uunjeletique ja' sbaq'uetal te Cristoe, soc nojelic ta yutsilal te Cristoe. Soc nojel ta yutsilal Cristo spisil te bitic aye.

Hechos 4:32

Te jich yipal xch'uunejiquix te Jesuse, jun nax yo'tanic soc jun nax xch'ulelic ta spisilic. Ma'yuc mach'a la yal te stuquel yu'un te sbiluque. Comon tuun yu'unic te bila ay yu'unique.

Zacarías 14:9

Te c'alal ya sta sc'aalelal ja' me ya x'ochix ta muc' ajwalil a te Cajwaltic ta spamal balumilal. Te Cajwaltic ja' xanix ajwalil stuquel, soc ja' xanix ya yich' alel sbiil stuquel.

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.

Sofonías 3:9

“C'alal ya xc'ot ta pasel, ya jlecubtesbey sc'op te lumetique, swenta yu'un spisilic me ya sc'opononic, swenta yu'un ta spisilic ya me yac' sbaic ta abatinel cu'un.

Efesios 4:12

Swenta yu'un jich me ya xtojobic a te mach'atic ch'ul lum yu'un Dios te ya spasic te at'ele, soc swenta yu'un jich me ya xmuc'ub a te jch'uunjeletic yu'un te Cristoe.

Efesios 2:15

te Cristo la slajinbey sc'oplal te mandalil soc te bitic chapal yu'une. Jich jun nax la yac' ta yach'il te cha'chajp lume, jun nax c'ot ta stojol.

2 Corintios 4:6

Melel ja' la yal stuquel te Diose, te ya sacubuc q'uinal ta bay te ijc' q'uinale. Soc ja' nix te la yac' sacubuc q'uinal ta bay te co'tantique, swenta yu'un jich me ya jna'beytic sba a te yutsilal te Diose, te chican ta ilel ta sit yelaw te Jesucristoe.

1 Corintios 1:10

Quermanotac, ya calbeyex wocol ta swenta sbiil te Cajwaltic Jesucristoe, pajaluc me ac'opic ta apisilic, soc ma me ayuc xatomba awu'unic. Jun nax me xawac' abaic, soc junuc nax me te bila ya anopique, soc pajaluc nax me awilelic.

San Juan 17:3

Ja' ay xcuxlejalic sbajt'el q'uinal yu'un te ya sna'bat aba ja'at te jip jtul mero Diosate, soc te ya sna'beyic sba uuc te Jesucristo te la aticun tele.

San Juan 16:3

Jich ya spasic yu'un xujt' ma sna'beyic sba te Jtate, soc ma sna'bonic jba uuc.

Isaías 53:11

Te c'alal c'axix yu'un a te bayal swocole, ya me yil te saquil q'uinale, soc bin nax me yo'tan yu'un. Te tojil abat yu'un Cajwaltic, bayal mach'atic ya yac' ta libre, melel ja' ya scuchbey smulic stuquel.

San Mateo 11:27

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna'bey sba te Nich'anile; ja' nax ya sna'bey sba te Tatile. Soc ma'yuc mach'a ya sna'bey sba te Tatile; ja' nax stuquel te Nich'anile, soc uuc te mach'a jayeb ya yac'bey sna'bey sbae.

San Juan 1:16

Jpisiltic quich'ojbeytic te bila nojel ta yo'tane. Yanyan ta esmajel te yutsil yo'tan ta jtojoltique.

San Juan 6:69

Te jo'otique xch'uunej co'tantic soc jna'ojtic stojol te ja'at Cristoat te Snich'anat te cuxul Diose —xi'.

1 Corintios 2:6

Ja'uc me to, ay nax ya caltic p'ijil c'op ta stojol te mach'atic ayix yip yo'tanique. Te p'ijil c'op te ya cale, ma ja'uc swenta in balumilal to soc ma ja'uc ta swenta te ajwaliletic yu'un balumilal te ya xch'ayic c'axel ta spisilique.

Gálatas 4:19

Cal-jnich'nab, yan buelta ayon ta woclajel ta awentaic. Jichon te bit'il jtul ants te ayinelix te yale. Ma xquejch'aj jwocol ja' to teme ain ta awo'tanic te Cristoe.

Efesios 1:17

Ya jc'anbey te Dios yu'un te Cajwaltic Jesucristo, ja' te Jtatic te bayal yutsilale, te yacuc yac'beyex te Espíritu yu'une. Ja' me ya yac'beyex sp'ijil awo'tanic, soc ya me yac'beyex ana'ic stojol ta lec, swenta yu'un jich me ya ana'beyic xan sba ta melel a.

Filipenses 3:10

Ja' ya jc'an te yacuc jna'bey sba ta lec te Cristoe, soc te yacuc caiy ta co'tan te yu'el Dios te la yich' cuxesel tel ae, soc te yacuc cac' jba ta woclajel uuc jich te bit'il c'ax swocole, soc te yacuc jnopbey yo'tan te bit'il la yac' sba ta lajele.

2 Pedro 1:4

Ta swenta in to, jelawen yutsil ta c'axem to xan te bila yalojbotic te ya yac'botic ta patile. Swenta yu'un pajal quileltic ya xc'ootic soc te bit'il ay te Diose, soc te libre ya xjilotic yu'un spisil sbolil te bila mulanbil ta pasel ta balumilale.