Efesios 4:12 - Bible in Tzeltal de Oxchuc y Tenejapa

¹² Swenta yu'un jich me ya xtojobic a te mach'atic ch'ul lum yu'un Dios te ya spasic te at'ele, soc swenta yu'un jich me ya xmuc'ub a te jch'uunjeletic yu'un te Cristoe.

Nuevo Testamento Tzeltal de Amatenango

¹² Jich la xchap te ay machꞌatik ya skoltay te yanetik yuꞌun ya smukꞌutes te machꞌatik yuꞌun te Cristoe.

Bible in Tzeltal Bachajón

¹² scuenta yu'un ya schahpanic ta lec te mach'atic ch'uhltesbilic scuenta spasel te ya'tel Dios, scuenta yu'un ya yich' yip te sbaq'uetal Cristo,

Efesios 4:12 Referans Kwoze

Efesios 4:16

Ta swenta Cristo te jun nax sbaq'uetal ya xc'ootic jpisiltic, te bit'il jun ayotic soque, teme lec ya jpastic te at'el te ay ta jwentatic spasel ta juju-jtule, jpisiltic ya me xch'iotic soc ya me xmuc'ubotic ta swenta te xc'uxul co'tantique.

1 Corintios 12:27

Jich te ja'exe ja' sbaq'uetalex te Cristoe. Juju-jtul jun nax c'oemex soc.

Romanos 15:14

Quermanotac, te jo'one jna'oj stojol te ay bayal yutsil awo'tanique, soc te ay bayal sp'ijil awo'tanique, soc te ya xju' awu'unic te talel c'axel ya ajechtac'uy abaique.

1 Corintios 14:26

Jich yu'un, quermanotac, ya calbeyex ta slajibal aiyej te bila lec ya sc'an ya apasique: Te bi ora ya atsob abaique, lec teme ay bila ya awalic juju-jtulexe. Te jtule ayuc c'ayoj yu'un Dios ya yal, te yane ay bila ya yac' ta nopel, te yane ya me yal te bila ac'bot sna' yu'un te Diose, te yane ya me xc'opoj ta yantic c'opiletic, te yane ya me sc'ases te bila la yich'ix alel ta yantic c'opiletique. Ta spisil in to, swenta yu'un ya me sta xan yip yo'tanic ta stojol Dios a te jch'uunjeletique.

Romanos 14:19

Jich yu'un, ac'a me cantaytic te bila lamal q'uinal ya caiytic yu'une, jich me ya xmuc'ub ta ch'uunel cu'untic a te Diose.

1 Timoteo 1:12

Ya calbey wocol te Mach'a la yac'bon yip co'tane, ja' bi ja' te Cajwaltic Jesucristo. Yu'un te bit'il la yil te jun nax co'tane, jich la yac'bon quich' cat'el,

1 Corintios 14:12

Ja' nanix jich te ja'exe, te bit'il toyol awo'tanic yu'un te majt'aniletic ta swenta te Espiritue, ja' me x'awantayic ta c'axem to xan te majt'aniletic te ya sta xan yip yo'tanic yu'un a te jch'uunjeletique.

Hebreos 13:17

Ch'uunbeyaic smandal te mach'atic yacalic ta at'el ta atojolique, soc ich'aic ta muc'. Melel ja'ic te ya scanantaybeyex ach'ulelique, soc quechelic ta yalel ta stojol Dios te yat'elique. Ac'beya me sbujts' yo'tanic ta at'el, ma me xawac'bey smel yo'tanic, melel teme ya awac'bey smel yo'tanique, amen ya xc'oex yu'un.

Hebreos 6:1

Jich yu'un ac'a me cantaytic te bit'il ya xju' cu'untic te muc'ul ants-winic ya xc'ootique. Ya sc'an ya to quijq'uitaytic te xjajch'ibal te bit'il ay ta nopel sc'oplal te Cristoe. Ma me ja'uc nax ya jnopilaytic te xjajch'ibale: Jich bit'il ya sc'an ya sujt'es co'tantic yu'un cat'eltic te ya yac'otic ta lajele, soc te bit'il ya sc'an ya cac'tic xch'uunjel co'tantic ta stojol te Diose,

2 Corintios 6:3

Ya jtsajtay jbatic te ma'yuc mach'a ya cac'tic yaluc jtuluc cu'untique, swenta ma me ayuc mach'a ya yalbey amen sc'oplal te bit'il quich'oj cat'eltique.

2 Corintios 5:18

Ta spisil in to, ja' yat'el te Diose te ja' nix la yac' junajuc co'tan jbatic soc ta swenta te Cristoe. Soc la yac'botiquix cat'eltic ta xcholel te bit'il ya xju' ya xjunaj yo'tan sbaic soc Dios spisil te ants-winiquetique.

San Lucas 22:32

Ja'uc me to, la jc'anbeyix Dios te ma ba jc'axel ya xch'ay xch'uunjel awo'tan ta jtojole. Te c'alal la asujt'esix awo'tan ta jtojole, ac'beya me yip yo'tanic uuc te awermanotaque —xi'.

2 Timoteo 4:5

Yan te ja'ate canantaya me aba spisil ora. Ts'ica me te awocole. Pasa me awat'el ta xcholel te lec yach'il c'ope. Ju'tesa me awat'el te ac'botat apase.

Colosenses 4:17

Ya me awalbon yaiy te Arquipoe te ya me yac' puersa ta sju'tesel te yat'el Dios te ac'bot ta swenta spasele.

Colosenses 1:28

Te jo'otique ya jcholbeytic sc'oplal ta bayuc te Cristoe. Ya jtac'uytic soc ya jp'ijubtestic ta lec ta spisilic te ants-winiquetique, swenta jich me tojobenic ta stojol Cristo ya xc'otic.

Colosenses 1:24

Ta ora to ay sbujts' co'tan yu'un te bit'il yac ta c'axel jwocol ta awentaique. Yu'un jich me ya jts'actes xan ta jbaq'uetal ta bay ay to sc'an te ya xc'ax swocol Cristo yu'un te jch'uunjeletic, te ja' sbaq'uetale.

Efesios 1:23

Te jch'uunjeletique ja' sbaq'uetal te Cristoe, soc nojelic ta yutsilal te Cristoe. Soc nojel ta yutsilal Cristo spisil te bitic aye.

2 Corintios 12:19

Ay niwan ya awalic te ja' nax ya jcoltay jba ta c'op ta atojolic, ja'uc me to, ma jichuc. Smelelil yacotic ta c'op ta swenta te Cristoe soc ta stojol te Diose. Quermanotac, te bayal c'uxex ta co'tantique, spisil te bila ya caltique, swenta yu'un ya me sta xan yip awo'tanic ta stojol Diose a.

2 Corintios 7:1

Jich yu'un quermanotac, te c'uxex ta co'tane, te bit'il jich yalojbotic te Diose, jich yu'un ac'a quijq'uitaytic jilel spisil te bila ya sboltesbotic jbaq'uetaltic soc te co'tantique. Soc te bit'il jna'ojtic stojol te xi'bantic sba te Diose, yan yanuc me ta ch'ultesel te co'tantique.

2 Corintios 4:1

Ja' swentail te ma xpejc'aj co'tantic, te melel Dios la yac'botiquix cat'eltic ta swenta bit'il la quich'tic c'uxtayel yu'un.

2 Corintios 3:8

¿ma bal c'axemuc to xan jich ay yutsilal yich'oj te sc'op Dios te la yac' te Ch'ul Espiritue?

1 Corintios 14:14

Melel teme ya jc'opon Dios ta yan c'opile, ja' ya sc'opon Dios te jch'ulele. Ja'uc me to, ma'yuc bi ya jna' stojol a.

Romanos 15:29

Ya jna' stojol te c'alal ya xc'oon ta banti ayexe, ya me yac'beyex bayal bendición te Cristoe ta swenta te lec yach'il c'op yu'une.

Romanos 15:2

Juju-jtulotic ac'a me jletic te bila lec yo'tanic yu'un te jpat-xujc'tique. Ja' te bila ya xlecubic yu'une soc te bila ya x'ipaj xan yo'tanic yu'une.

Romanos 12:7

Te mach'a ac'ot ta abatinele, ac'a me yac' sba ta abatinel. Te mach'a ac'ot ta jp'ijubteswaneje, ac'a me yat'elin te p'ijubteswaneje.

Hechos 20:28

Jich yu'un tsajtaya me abaic ja'ex, soc canantayaic ta stsojbol te chijetic ta banti yac'ojbeyex awat'elic ta scanantayel te Ch'ul Espiritue. Canantayaic te jch'uunjeletic yu'un te Cajwaltic te manbil ta xch'ich'el yu'une.

Hechos 20:24

Ja'uc me to, ma ba ya jmel co'tan yu'un. Ma'yuc sc'oplal te bit'il ay te jcuxlejale. Ja' nax ay sc'oplal ta co'tan te bin nax co'tan ya jloq'ues te jayeb c'aal ay ta jwenta, ja' to c'alal te ya xc'ot coraile, soc te ya ju'tes cat'el te yac'ojbon ta jwenta spasel te Cajwaltic Jesuse, ja' bi ja' te la yac'bon ta jwenta yalel sc'oplal te jcoleltic ta swenta nax yutsil yo'tan cu'untic te Diose.

Hechos 11:23

Te c'alal c'ot tey a, la yilbey yutsilal te Diose. Bin nax yo'tan yu'un, soc la stac'uy te ayuc me swentail ta yo'tanic soc te jc'axel ac'a junajuc yo'tanic ta stojol te Cajwaltique.

Hechos 9:31

Jich yu'un, lamal nax q'uinal la yaiyic spisil te jch'uunjeletic ta spamal sq'uinal Judea soc ta sq'uinal Galilea soc ta sq'uinal Samaria. Jich la sta yip yo'tanic ta lec soc la xi'ic spisil ora te Cajwaltique, soc esmajic xan ta swenta bit'il la yich'ic coltayel yu'un te Ch'ul Espiritue.

Hechos 1:25

te ja' ya yich' abatinel ta jpuc-c'op awu'une. Ja' sjelol ya xc'ot te Judas te jochol jilel yawil yu'un te bila amen spasoje. Tey bajt'ix a ta banti ay te yawile —xiic ta sc'oponel te Diose.

Hechos 1:17

Melel jun nax ajtaybilotic soc ta neelal te Judase soc ac'bot ta swenta uuc te at'ele.

2 Timoteo 4:11

Ja' xanix joinej li'to te Lucase. C'axan ic'a tel te Marcose, yu'un ya me scoltayon ta spasel yat'el te Diose.

Efesios 4:29

Ma me xawalic bol c'op ta aweic. Ja' nax me xloc' ta aweic te lequil c'ope, swenta yu'un ya xmuc'ubic a soc ya staic bendición a te mach'atic ya yaiybeyex stojol te ac'ope.

Efesios 4:4

Yu'un jun nax jbaq'uetaltic c'oem soc jun nax te Espiritue. Ja' nanix jich jun nax ic'bilotic ta smaliyel te iq'uele.

2 Corintios 13:9

Ya xbujts'naj co'tantic yu'un te bit'il ma'yuc quiptique, teme ay awipic atuquelic te ja'exe. Soc ja' ya jc'anbeytic Dios te jc'axel lec ya xc'oexe.

1 Corintios 12:7

Juju-jtul yanyan bit'il ya x'ac'ot chicnajuc ta stojol ta swenta te Espíritu yu'un te Diose, swenta yutsteselic ta spisilic.

Romanos 12:5

Ja' nanix jich te jo'otique. Manchuc teme tsobolotic ta jtule, ja'uc me to, jun nax jbaq'uetaltic ta stojol te Cristoe, jich bit'il jun nax ay te bitic ay ta jbaq'uetaltique.

2 Corintios 13:11

Lec ay, quermanotac, ayuc me sbujts' awo'tanic spisil ora. Antayaic me te lec ya xc'oexe. Muc'ubenuc me q'uinal ya awaiyic spisil ora. Junuc me awo'tan abaic soc lamaluc me q'uinal awu'unic. Ac'a sjoinex spisil ora te Diose, te lamal q'uinal ta swentae soc te bayal c'uxex ta yo'tan stuquele.