Efesios 4:1 - Bible in Tzeltal de Oxchuc y Tenejapa

¹ Jo'on ayon ta chuquel ta swenta te Cajwaltique, ya calbeyex bayal wocol te lec me xcuxinex ta q'uinal te bit'il ic'bilex yu'un te Diose.

Nuevo Testamento Tzeltal de Amatenango

¹ Jaꞌ yuꞌun te joꞌone te ayon ta prexo ta skaj te Kajwaltike, ya kalbeyex awokolikuk te lekuk ya xꞌanex, jich tutꞌil ya skꞌan ya spasik te machꞌatik ikꞌbilix yuꞌun te Diose, jich tutꞌil te jaꞌexe.

Bible in Tzeltal Bachajón

¹ Ho'on te ayon ta chuquel ta scuenta te Cajwaltic, ya calbeyex bayel wocol te hichuc ya xcuxajex a te bin ut'il pasel ya sc'an yu'un te ic'bilexix yu'un Dios.

Efesios 4:1 Referans Kwoze

Colosenses 1:10

Swenta yu'un jich ya xju' awu'unic te toj ya x'ainex ta q'uinal te bit'il yu'unex te Cajwaltique, soc te jich ya xju' awu'unic spasel spisil ora te bila lec yo'tan yu'une. Ac'a sitinuc awu'unic spisil ta jchajp te lequil at'elile, jich me ya x'esmaj xan te bit'il ya ana'beyic sba te Diose.

Filipenses 1:27

Ja' bayal sc'oplal te toj ya x'ainex ta q'uinal, jich bit'il te ya yac'botic jnoptic te lec yach'il c'op yu'un te Cristoe. Chican ts'iin teme ya xtal quilexe, o teme q'uejel ayone, ja'uc me to, jich me ya caiy stojol te bit'il jc'axel jun awo'tan abaic soc jun awo'tan awac'ojic puersa ta xch'uunel te lec yach'il c'ope.

1 Tesalonicenses 2:12

La calbeyex te toj nax ya awac' abaic ta q'uinal jich te bit'il ya sc'an te Diose te la yiq'uex ochel ta ba ay ta ajwalinel te Dios soc te yutsilale.

2 Pedro 1:3

Ta swenta yu'el te Diose, yac'ojbotiquix te bila ya xju' ya xcuxinotic yu'une soc te spisiluc ora ya jna'tic te Diose. La yac' jna'beytic sba te Mach'a la yic'otic ta stojol, ta swenta te smuc'ul yutsilal soc ta swenta te jchajp at'eliletic te la yac'botic quiltique.

2 Timoteo 1:9

Dios la scoltayotic soc la yic'otiquix ta stojol, jich me ch'ul lum ya xc'ootic yu'un ta melel. Ma yu'unuc ay bila lec ju'em cu'untic spasel, ja' nax ta swenta te jich la snop ta yo'tane. C'alal ma to chicanuc a te balumilale, la snop ta yo'tan te ya sc'uxtayotic ta swenta te Cristo Jesuse.

1 Corintios 4:16

Jich yu'un ya calbeyex wocol te ya me anopbonic te co'tane.

2 Tesalonicenses 1:11

Ja' swentail te spisil ora ya jc'oponbeyex Dios ta atojolique. Ja' ya jc'anbeytic te Dios te yic'ojex ta stojole, te yacuc xju' awu'unic xch'uunel te Diose, soc te yacuc xju' awu'unic spasel ta swenta yu'el spisil te bila lec te ay ta awo'tanique, soc spisil te at'el ya apasic ta swenta te xch'uunjel awo'tanique.

Efesios 4:17

Jich yu'un ya calbeyex mandal ta swenta sbiil te Cajwaltique: Ma me jichuc cuxulex ta q'uinal te bit'il te mach'atic ma ba xch'uunejic te Diose, te ja' nax cuxulic ta spasel te bila snopoj ta yo'tanic te xujt' ma'yuc swentaile.

Génesis 17:1

Te c'alal balunlajuneb yo'winic (99) ya'wilal a te Abram, te Cajwaltic la yac' sba ta ilel ta stojol, jich la yalbey: —Jo'on Dioson te Spisil ya xju' cu'une, toj me xawac' aba ta jtojol, ma me xapas te bila ma lecuque.

Romanos 12:1

Jich yu'un, quermanotac, ya calbeyex wocol ta swenta bit'il bayal c'uxtaybilex yu'un te Diose, ac'a me abaic ta sc'ab Dios soc te abaq'uetalique. Ja'uc me cuxul smajt'an Dios ya xc'oex ta stojol, te ch'ultesbilex soc te lec yo'tan yu'un te Diose. Yu'un jich ya sc'an ch'uunel awu'unic te Diose.

Colosenses 2:6

Jich yu'un, te bit'il la ach'uuniquix te Cajwaltic Jesucristoe, ya sc'an te jich ya xcuxinex ta stojole.

1 Pedro 3:9

Teme ay mach'a amen te bila ya spasbeyexe, ma me xasujt'esbeyic spacol. Soc teme ay mach'a ya yixtac'optayexe, ma me xawixtac'optayic uuc. Ja' lec c'anbeyaic bendición ta stojol, melel ana'ojic te ja' swentail te ic'bilex yu'un Dios te ya x'ac'botex bendición uuc te ja'exe.

2 Corintios 6:1

Jich yu'un te bit'il joy jbatic ta at'el soc te Diose, ya me jtac'uyex te ma me tojoluc ya xc'ot awu'unic te la yaq'uix ta ilel yutsil yo'tan ta atojolic te Diose.

2 Juan 1:5

Ta ora to, me'tic, ya calbat wocol te c'ux me ac'a caiy jbajtic ta co'tantic ta jpisiltic. Te bit'il la jts'ibubat in to, ma ach' mandaliluc te la calbate. Ja' nix te caiyojtic stojol ta xjajch'ibal toe.

1 Pedro 5:10

Ja'uc me to, ay bayal yutsil yo'tan awu'unic te Diose. La yiq'uex swenta yu'un ya me ajoinic ta utsilal sbajt'el q'uinal te Jesucristoe. Jich yu'un teme ts'ijc' awu'unic jun chebuc c'aale, ja' nix Dios te ya stojtesexe. Ya me yac' junajuc awo'tanic, ya me yac'bat yip awo'tanic, soc ya me snactsanbeyex awo'tanic.

1 Pedro 2:11

Quermanotac te c'uxex ta co'tane, ya calbeyex wocol, te jich c'oemex te bit'il jyanlum te beomal nax ayex li'to ta balumilale, ac'a jiluc awu'unic te bila mulanbil ta pasel yu'un te abaq'uetalique te ja' scontro te ach'ulelique.

Hebreos 13:21

Ja' me ya yac' ju'uc awu'unic spasel spisil te lequil at'elile, swenta yu'un jich me ya apasbeyic te sc'anjel yo'tan stuquele, soc ja' ac'a at'ejuc ta awo'tanic ta apisilic ta spasel te bila lec yo'tan yu'un ta swenta te Jesucristoe. ¡Jelawen yutsil sbajt'el q'uinal stuquel te Cristoe! Jichuc.

Filipenses 3:14

Ya me cantay bael ta banti albil te ya xc'oone. Jich me ya quich' jmajt'an te muc' sc'oplal te bit'il ya yic'on moel ta ch'ulchan te Diose ta swenta Cristo Jesús.

Efesios 5:2

C'ux me x'awaiy abaic spisil ora, jich te bit'il c'ux la yaiyotic te Cristo te la yac' sba ta lajel ta jwentatique. Melel la yac' sba ta milbil majt'anil te xuq'uet nax sbujts' yic' ta stojol te Diose.

Efesios 4:4

Yu'un jun nax jbaq'uetaltic c'oem soc jun nax te Espiritue. Ja' nanix jich jun nax ic'bilotic ta smaliyel te iq'uele.

Efesios 3:1

Ja' swentail jo'on, te Pabloon, ayon ta chuquel ta swenta Cristo Jesús ta acajic ja'ex te jyanlumexe.

Gálatas 4:12

Quermanotac, ya calbeyex bayal wocol te jichuc ya xc'oex te bit'il ayone, te melel jich nix ayon uuc te bit'il ayexe. Ma'yuc la awac'bonic jwocol.

Génesis 5:24

Sjoinej Dios te la spasbey sc'anjel yo'tan. C'ot yorail te ma chicanuc bay bajt', ic'ot bael yu'un Dios.

Hebreos 3:1

Jich yu'un, quermanotac te ch'ultesbilexe soc te pajal ic'bilex yu'un te Diose, swenta yu'un ya yu'uninex, ja' me ac'a bajt'uc ta awo'tanic sna'el te Cristo Jesús te ja' mero Jpuc-c'op soc te ja' Muc' Sacerdote cu'untic te jch'uunejtique.

2 Corintios 10:1

Jo'on Pabloon ya calbeyex bayal wocol ta atojolic ta swenta yutsil yo'tan soc xc'uxul yo'tan te Cristoe. Ay ya awalic: “Mero peq'uel ya yac' sba te c'alal ay ta coliltique; yan te c'alal c'ubul aye, ya stoy sba ta c'op”, ay xaex cu'un.

Jeremías 38:20

Jeremías la sjac': —Ja'uc me to, muc' ajwalil, ma ba x'ochat ta sc'abic. Wocoluc, ch'uunbeya sc'op Cajwaltic te la calbatix awaiye. Jich me lec ya xc'oat ta loq'uel, jich me ya xcol acuxlejal.

Tito 2:10

Soc ma me xyelc'anbeyic sbiluc te yajwalique. Ac'a me yaq'uic ta ilel te junajem yo'tanic ta stojole, swenta yu'un jich me ya xchicnaj te bit'il jelawen yutsil te p'ijubtesel yu'un te Diose te Jcoltaywanej cu'untique.

Colosenses 4:12

Soc ya sticunbeyex spatjibal awo'tanic te Epafras, te abat yu'un Cristo te tey talem ta banti ayexe. Bayal ya sc'oponbeyex Dios spisil ora te junuc awo'tanic soc te jc'axeluc ya awac' abaic ta spasel te sc'anjel yo'tan te Diose.

2 Corintios 5:20

Jich yu'un teq'uelotic ta c'op ta atojolic ta swenta te Cristoe. Jich c'oem te bit'il ja' ya yal wocol Dios ta atojolic ta jwentatic te jo'otique. Ya calbeyex wocol ta atojolic ta swenta sbiil te Cristoe te ac'a junajuc awo'tanic ta stojol te Diose.

Hechos 9:31

Jich yu'un, lamal nax q'uinal la yaiyic spisil te jch'uunjeletic ta spamal sq'uinal Judea soc ta sq'uinal Galilea soc ta sq'uinal Samaria. Jich la sta yip yo'tanic ta lec soc la xi'ic spisil ora te Cajwaltique, soc esmajic xan ta swenta bit'il la yich'ic coltayel yu'un te Ch'ul Espiritue.

Romanos 11:29

Melel teme Dios la yal te ya xc'uxtaywane, soc te ay mach'a ya x'ic'ot yu'une, ma ba ya sujt'es sc'op stuquel te Diose.

Efesios 2:10

Melel ja' yat'elotic stuquel te Diose. La xchicnantesotic ta swenta Cristo Jesús, swenta yu'un ya jpastic te lequil at'elil te chajbanbil ta neelal to yu'un te Diose, swenta yu'un ja' me ya jt'untic ta beel stuquel.