Efesios 3:8 - Bible in Tzeltal de Oxchuc y Tenejapa

⁸ Te jo'one peq'uel ayon yu'un spisil te mach'atic ch'ul lum yu'un te Diose. Ja'uc me to, ya jcholbey yaiyic te jyanlumetic te lec yach'il c'ope, ja' te sc'oplal te jelawen to xan ay yutsil yo'tan te Cristoe.

Nuevo Testamento Tzeltal de Amatenango

⁸ Te joꞌone chꞌin ayon ke te machꞌa mas chꞌin ta spisil te machꞌatik yuꞌun te Diose. Pero stukel a yaꞌbon te ya xjuꞌ kuꞌun yalel te ba ay te machꞌatik ma juriyouke te lek achꞌ kꞌop te ma pꞌisbiluk nax skꞌulejal te Cristoe.

Bible in Tzeltal Bachajón

⁸ Te ho'on te peq'uel ayon yu'un spisil mach'atic ch'uhltesbilic, a'boton te yutsil mahtanil ini, ha te ya calbe te jyanlumetic te lec yach'il c'op yu'un te c'uhlejaliletic yu'un Cristo te ma xhu'ic ta ahtayel,

Efesios 3:8 Referans Kwoze

Colosenses 1:27

Jich la sc'an yo'tan Dios te ya yac'botic jna'tic in c'op to te muquen aye, ja' te c'op te jelawen yutsil ta aiyel stojol yu'un spisil te jyanlumetique: Ja' te bit'il ya x'ain ta awo'tanic te Cristoe, swenta yu'un jun awo'tanic ta smaliyel te ya awich'ic ta patil te yutsilal te Diose.

1 Corintios 15:9

Te jo'one peq'uel ayon yu'un te yantic jpuc-c'opetique. Soc ma snujp'in ya caiy te jbiilinej jpuc-c'ope, yu'un la cuts'in te jch'uunjeletic yu'un te Diose.

Efesios 3:16

Ja' ya jc'anbey te Tatil te ya yac'beyex te yutsil sc'ulejale, soc te ya yac'beyex stulanil awo'tanic soc awu'elic ta swenta te Espíritu yu'une,

Efesios 2:7

Jich me ya xchicnaj ta ilel ta patilal bael, te ay bayal yutsil yo'tan cu'untic te la xc'uxtayotic ta swenta te Cristo Jesuse.

1 Timoteo 2:7

Jich yu'un ac'boton quich' cat'el ta xcholel te bit'il ay te jcoleltique. Jich ayon ta p'ijubteswanej ta stojol te jyanlumetique. Ja' ya cac'bey snopic te bit'il ay te xch'uunjel-o'tanil soc te smelelil c'ope. Melel xcal ta stojol Cristo, ma jlotuc.

1 Timoteo 1:13

manchuc teme sna'oj te la jtoybac'optay ta neelal, soc la cuts'in, soc te la quixtac'optaye. Ja'uc me to, la xc'uxtayon te Diose ta scaj te ma la jna' te bila la jpase soc te ma to jch'uunejuc a te Jesuse.

Gálatas 1:16

Te c'alal jich la sc'an yo'tan, la yac'bon jna'bey sba te Snich'ane, swenta yu'un jich me ya jchol te sc'op Dios ta stojol te jyanlumetique. Ma ja'uc ba jojc'obey te ants-winique,

Romanos 11:33

¡Jelawen yutsil te sp'ijil yo'tan te Diose soc te bila snopoj ta yo'tane! Ma xju' ta na'el stojol cu'untic te bila xchapoj ta yo'tan soc te bila ya spase.

Romanos 2:4

¿Ya bal ap'aj te bayal xc'uxtayejat te Dios te bit'il jal c'aal ya xmaliywane? ¿Yu'un bal ma ba c'oem ta awo'tan te ja' swentail te bit'il ayat ta c'uxtayel yu'une te yacuc asujt'es awo'tan ta stojol te Diose?

2 Timoteo 1:11

Dios la yac'bon quich' cat'el ta xcholel ta bayuc te lec yach'il c'ope, soc ja' la sticunon ta jpuc-c'op soc ta jp'ijubteswanej ta stojol te jyanlumetique.

Efesios 3:19

Ja' te yacuc ana'ic stojol ta lec te bit'il ay te xc'uxul yo'tan cu'untic te Cristoe, c'axem to xan a te bitic ay ta na'ele, swenta yu'un jich me ts'acal ya awich'beyic yutsilal te Diose.

1 Corintios 2:9

Melel jich ts'ibubil jilel sc'oplal ta Sjun te Diose: “Ma'yuc mach'a yiloj ta sit, soc ma'yuc mach'a yaiyoj stojol ta xchiquin, soc ma'yuc ta yo'tanic ants-winiquetic te bila chajbanbil yu'un Dios te ya yac'bey te mach'atic c'ux ya yaiy ta yo'tanique”, te xie.

Romanos 12:10

Talel c'axel c'ux me x'awaiy abaic te bit'il awermano abaique. Jech ich'a me abaic ta muc' juju-jtul.

Hechos 5:41

Te jpuc-c'opetic loq'uic tel ta stojol te Muc'ul Tsobleje. Bayal sbujts' yo'tanic yu'un te bit'il Dios la yac' c'otuc ta swentaic te ya xc'ax swocolic ta uts'inel ta swenta te Jesuse.

Apocalipsis 3:18

Jich yu'un ya calbat te ya amanbon te oro cu'un te lecubtesbil ta c'ajq'ue, swenta yu'un ay me ac'ulejal ta mero melel. Soc ya calbat te ya amanbon uuc te saquil c'u'ul ya alape, swenta yu'un ma ba ya xq'uexawat te bit'il t'analate. Soc ya me amanbon uuc spoxil asit swenta yu'un jich me ya apoxtay asit a. Yu'un jich ya xju' awu'un te ya awil q'uinale.

1 Timoteo 1:15

Mero melel in to te ya sc'an ya yich' ch'uunel te ja' xtaluc ta balumilal yu'un scoltayel jmulawiletic te Cristo Jesuse. Jich bit'il te jo'one, ja' c'ax bayal te jmule.

Hechos 9:15

La yal te Cajwaltique: —Baan, melel tsabilix te ya xtuun cu'un te winique, swenta yu'un ya me yalbon jc'oplal ta stojol te jyanlumetic soc te ajwaliletique soc ta stojol te yal-snich'an israeletique.

Filipenses 4:19

Te Dios cu'untique, ya me sjeltaybeyex spisil te bila ya xtuun awu'unic ta swenta te yutsil sc'ulejal te ay ta swenta te Cristo Jesuse.

Gálatas 2:8

Melel ja' Dios te la sticun bael ta jpuc-c'op te Pedro ta stojol te judioetique, soc ja' nix jich la sticunon ta jpuc-c'op ta stojol te jyanlumetique.

Salmos 31:19

Mero muc' yutsil awo'tan ta swenta te mach'atic ya yich'at ta muq'ue. Te yutsil awo'tan ya aq'uej jichuc c'ulejalil, te ya apucbey ta comonsitil te mach'atic smuc'ulinejat yo'tanique.

Filipenses 2:3

Ma me xale atuquelic te bila ya awac' abaic ta ich'el ta muc' yu'un ta swenta atoybaelic te juju-jtulexe. Peq'uel me xawac' abaic. Ja'uc me cajal sc'oplal ta awo'tanic te mach'atic jun ayex soque.

Efesios 3:2

La awaiyiquix niwan stojol te ja' ta swenta yutsil yo'tan Dios te la yac'bonix ta jwenta spuquel te sc'oplal colel ta atojolique.

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

San Juan 1:16

Jpisiltic quich'ojbeytic te bila nojel ta yo'tane. Yanyan ta esmajel te yutsil yo'tan ta jtojoltique.

1 Crónicas 17:16

Jich yu'un te ajwalil David och bael ta c'op ta stojol te Cajwaltic, jich la yal: —Cajwal Dios, ¿mach'aon a te jo'on, soc te mach'atic ay cu'une, te li' c'alal to la awac'on ta ich'el ta muq'ue?

Efesios 3:1

Ja' swentail jo'on, te Pabloon, ayon ta chuquel ta swenta Cristo Jesús ta acajic ja'ex te jyanlumexe.

San Lucas 14:22

Patil tal yal te abate: “Cajwal, la jpasix te bit'il la awalbon mandale, ja'uc me to, ay to jochol te nactijibale”, xi'.