Efesios 3:7 - Bible in Tzeltal de Oxchuc y Tenejapa

⁷ Ja' swentail te ayon ta abatinel yu'un yalel in c'op to. Ja' jmajt'an yu'un Dios ta swenta yutsil yo'tan cu'un te bit'il yac ta at'el ta jtojol te yu'ele.

Nuevo Testamento Tzeltal de Amatenango

⁷ Jaꞌ jmajtan yuꞌun Dios te jich ayon te aꞌtel ta yalel skꞌoplal te kꞌop to ta skuenta spoder te Diose.

Bible in Tzeltal Bachajón

⁷ Ha a'bat c'ohemon yu'un te lec yach'il c'op ini ta scaj te yutsil mahtanil yu'un Dios te la ya'bon ta scuenta te ya'tel te yu'ele.

Efesios 3:7 Referans Kwoze

Efesios 1:19

soc jich me ya xc'ot ta awo'tanic te bit'il ay yip yu'el ya x'at'ej ta c'axem to xan ta jtojoltic jo'otic te jch'uunejtique. Jich te bit'il at'ejem te yip yu'el ta jtojoltique,

Efesios 3:20

Ta ora to, ac'a chicnajuc yutsilal ta bayuc te Diose. Ya xju' yu'un spasel spisil, c'ax jich te bit'il ya jc'anbeytique soc te bit'il ya jna'tique, ta swenta bit'il yac ta at'el te yu'el ta jtojoltique.

Efesios 3:2

La awaiyiquix niwan stojol te ja' ta swenta yutsil yo'tan Dios te la yac'bonix ta jwenta spuquel te sc'oplal colel ta atojolique.

2 Corintios 3:6

Ja' nax stuquel te la yic'otic ta abatinel ta yalel sc'oplal te yach'il tratoe. In te tratoe, ma ja'uquix te ts'ibubile, ja'ix te Espíritu te cuxul stuquele. Te mandalil te ts'ibubil jilele, ay lajel ta swenta; yan te Espiritue, ja' ay cuxinel ta swenta stuquel.

Hebreos 13:21

Ja' me ya yac' ju'uc awu'unic spasel spisil te lequil at'elile, swenta yu'un jich me ya apasbeyic te sc'anjel yo'tan stuquele, soc ja' ac'a at'ejuc ta awo'tanic ta apisilic ta spasel te bila lec yo'tan yu'un ta swenta te Jesucristoe. ¡Jelawen yutsil sbajt'el q'uinal stuquel te Cristoe! Jichuc.

1 Tesalonicenses 2:13

Jich yu'un, spisil ora ya calbey wocol Dios ta awentaic yu'un te bit'il la awich'ic ta muc' te c'op te la calbeyex awaiyique. La ach'uunic te ja' sc'op te Diose, ma la acuyic ta sc'op nax ants-winiquetic. Melel nix a te ja' sc'op Dios te la cale, te yaquix ta at'el ta awo'tanic ja'ex te ach'uunejique.

Colosenses 1:29

Ja' swentail te tulan yacon ta at'el. Ya quiptay spasel ta swenta yu'el Cristo te yac ta at'el ta co'tane.

1 Corintios 15:10

Ta swenta nax yutsil yo'tan Dios te jich c'ot ta jwentae. Soc ma tojoluc te bit'il ay yutsil yo'tan cu'une, yu'un c'ax jich at'ejemonix te bit'il at'ejemic spisil te yantique. Ja'uc me to, ma jo'ocon cat'el jtuquel, yu'un ja' at'ej ta jwenta te yutsil yo'tan te Diose.

1 Corintios 3:5

¿Mach'a a te Pabloe? ¿Soc mach'a a te Apolose? Abatetic nax yu'un te Diose, te jich la ach'uunic Dios ta swentaique. Yu'un ja' nax ya spasic te bila ac'botic ta swentaic spasel juju-jtul yu'un te Cajwaltique.

Romanos 15:16

Yabaton te Jesucristo ta stojol te jyanlumetique, jich yacon ta spuquel te lec yach'il c'op yu'un te Diose. Jich me smajt'an Dios ya xc'otic te lec yo'tan Dios yu'une soc te ch'ultesbil yu'un te Ch'ul Espiritue.

Romanos 1:5

Ja' ta swenta te Jesucristo te ayotic ta c'uxtayel yu'un te Diose. Soc la yac'bonix cat'el ta jpuc-c'op, swenta yu'un jich me ya cac'bey xch'uunic Dios te ants-winiquetic ta spisil nacionetic.

Efesios 4:16

Ta swenta Cristo te jun nax sbaq'uetal ya xc'ootic jpisiltic, te bit'il jun ayotic soque, teme lec ya jpastic te at'el te ay ta jwentatic spasel ta juju-jtule, jpisiltic ya me xch'iotic soc ya me xmuc'ubotic ta swenta te xc'uxul co'tantique.

Efesios 3:8

Te jo'one peq'uel ayon yu'un spisil te mach'atic ch'ul lum yu'un te Diose. Ja'uc me to, ya jcholbey yaiyic te jyanlumetic te lec yach'il c'ope, ja' te sc'oplal te jelawen to xan ay yutsil yo'tan te Cristoe.

Gálatas 2:8

Melel ja' Dios te la sticun bael ta jpuc-c'op te Pedro ta stojol te judioetique, soc ja' nix jich la sticunon ta jpuc-c'op ta stojol te jyanlumetique.

2 Corintios 4:1

Ja' swentail te ma xpejc'aj co'tantic, te melel Dios la yac'botiquix cat'eltic ta swenta bit'il la quich'tic c'uxtayel yu'un.

Isaías 43:13

Jtalel ayon te Dioson jtuquele. Ma'yuc mach'a ya xju' ya sloq'uesat ta jc'ab. Ma'yuc mach'a ya xju' ya xch'ay ta jc'axel te bila ya jpase —xi'.

Hechos 9:15

La yal te Cajwaltique: —Baan, melel tsabilix te ya xtuun cu'un te winique, swenta yu'un ya me yalbon jc'oplal ta stojol te jyanlumetic soc te ajwaliletique soc ta stojol te yal-snich'an israeletique.

Romanos 12:3

Te bit'il yac'ojbon quich' cat'el ta swenta yutsil yo'tan te Diose, jich yu'un ya calbeyex awaiyic ta apisilic te ma me ayuc mach'a muc' scuyoj sba. Yich'ojuc me swentail te bit'il c'oem sba ta yo'tan ya yaiye, chican te jayeb majt'anil ac'bot yu'un Dios ta swenta xch'uunjel te yo'tane.