Efesios 3:6 - Bible in Tzeltal de Oxchuc y Tenejapa

⁶ Ja' bi ja' ta swenta te lec yach'il c'ope, te jyanlumetic pajal me ya yich'ic soc te judioetic te bila ya yac' te Diose. Jun nax sbaq'uetal ya me xc'otic ta spisilic, soc pajal me ya yich'ic te bila yaloj Dios ta swenta Cristo Jesús.

Nuevo Testamento Tzeltal de Amatenango

⁶ Te tut mukul aye, jaꞌ to: Jaꞌ ta skuenta te skꞌoplal kolel, te machꞌatik ma juriyouke mismo ya yichꞌik te majtanil te tutꞌ yuꞌun te juriyoetike. Yuꞌun jun nax mismo stiꞌbalulikix, sok yuꞌunik ekꞌa te tut sjapoj Dios ta skuenta te Cristo Jesuse.

Bible in Tzeltal Bachajón

⁶ Te bin muquen ay, ha te bin ut'il ta scuenta te lec yach'il c'op te jyanlumetic pajal sjelol stat soc Israel, junax sbaq'uetal schebalic, soc pajal ya yich'ic te bin yaloj Dios ya yac' ta scuenta Cristo Jesús.

Efesios 3:6 Referans Kwoze

1 Juan 2:25

Soc yalojix te Jesucristo te ya yac' cuxinucotic sbajt'el q'uinale.

1 Juan 1:3

Ja' ya calbeyex awaiyic te bila quilojtic soc te bila caiyojtic stojole, swenta yu'un jich me jun nax ya xc'ootic ta jpisiltic, jich nix te bit'il jun nax ayotic soc te Dios Tatile soc uuc te Snich'ane, ja' te Jesucristoe.

Gálatas 3:14

Jich c'ot ta pasel te bit'il albot yu'un Dios te Abraham te ya xc'ot ta swentaic bendición uuc te jyanlumetic ta swenta Cristo. Soc ta swenta xch'uunjel co'tantic ya quich'tic te Espíritu te yaloj Dios te ya yac'botique.

1 Corintios 12:27

Jich te ja'exe ja' sbaq'uetalex te Cristoe. Juju-jtul jun nax c'oemex soc.

Colosenses 2:19

Ma junuc ay soc te Cristoe, te ja' jolol cu'untique. Ja' ya yac' te ya xmuc'ub spisil te sbaq'uetale, ta swenta bit'il jun ayotic ta mac'linel yu'un soc te jun nax ya yac' te ya snit sbaic te juju-jchajbe, jich te bit'il chapal yu'un stuquel te Diose.

Efesios 5:30

melel ja' yoc-sc'abotic ta bay te sbaq'uetale. Mero sbaq'uetalotic soc sbaquelotic.

Efesios 5:7

Jich yu'un ma me xajoin abaic soc ta spasel te bila ya spasique.

1 Corintios 12:12

Jun nax ay te jbaq'uetaltique, ja'uc me to, bayal ta jchajp te bila ay tey a. Manchuc teme bayal ta jchajbe, ja'uc me to, jun nax ay ta scojt'ol. Ja' nix jich te Cristoe.

Ezequiel 47:22

Ja' me te ya yich' aq'uel awu'uninic, soc nix te jyanlumetic nainemic ta awolilic, te ay yal-snich'nabique. Jichuc me ta awo'tanic te bit'il ayinemic ta Israel. Te c'alal ya apuquic te lumq'uinal ta stojol te sts'umbal Israel, ya me yich'ic uuc.

Gálatas 5:24

Te mach'atic yu'unix te Cristoe, la yaq'uix ta lajel ta cruz te bila ya smulan spasel te sbaq'uetalique.

Efesios 3:3

Dios la yac'bonix jna' te bila muquen ay ta yo'tane. Jich bit'il la jts'ibubeyexix cha'oxp'aluc.