Efesios 3:5 - Bible in Tzeltal de Oxchuc y Tenejapa

⁵ Melel ta namey q'uinal tel jtul ma'yuc mach'a ac'bot sna' stojol te bila muquen aye. Yan ta ora to, ac'botix sna'ic ta swenta Espíritu te ch'ul jpuc-c'opetique soc te j'alwanejetique.

Nuevo Testamento Tzeltal de Amatenango

⁵ te tut mukul ay te maꞌyuk machꞌa aꞌbot snaꞌ te ay tal kꞌaale. Pero te ora to Dios la yakꞌix ta naꞌel ta skuenta te chꞌul apostoletike y sok te jꞌalwanejetike ta skuenta te Espíritu yuꞌune.

Bible in Tzeltal Bachajón

⁵ ha te bin ma hichuc a'bot sna'ic te cajalcaj ts'umbalil, hich te bin ut'il a'bot sna'ic yu'un te Espíritu te ch'ul jpuc-c'opetic soc te jalwanejetique.

Efesios 3:5 Referans Kwoze

Judas 1:17

Quermanotac te c'uxex ta co'tane, ma me xch'ay ta awo'tanic te bila la yalic ta neelal to te jpuc-c'opetic yu'un te Cajwaltic Jesucristoe.

2 Pedro 3:2

Ma me xch'ay ta awo'tanic te bila yalojic ta neelal to te ch'ul j'alwanejetique soc te smandal te Cajwaltic te Jcoltaywanej cu'untique, te la yac'beyex anopic te jpuc-c'opetique.

Efesios 2:20

Ts'ajc'ubilex moel ta muc'ul na. Ta sba te yiptajib la yotsesic te jpuc-c'opetic soc te j'alwanejetic yu'un te Diose. Ja' mero smuc'ul stonil chiquin-na te Jesucristoe.

Efesios 3:9

Jich yac'ojbon ta jwenta te Diose, te ja' la xchicnantes spisil te bitic aye, te ya cac'bey sna' stojol spisil ants-winiquetic te bit'il ay sc'oplal te bila xchapoj ta yo'tane, te muquen ay ta yo'tan ta namey q'uinal tele.

Hechos 10:28

Jich te Pedro jajch' yalbey yaiyic: —Te ja'exe ya ana'ic stojol te ay mandalil cu'untic jo'otic te judiootic te ma xju' ya join jbatic soc te mach'a jyanlum, ni ya xju' ya x'ochotic ta sna. Ja'uc me to, Dios la yac'bonix jna' stojol te ma xju' cal te ma lecuc sc'oplal jtuluc ants-winic soc ma xju' ya quilay.

San Lucas 10:24

Melel xcalbeyex, ay tsobol j'alwanejetic yu'un te Diose soc tsobol muc' ajwaliletic te yo'tanuc lajuc yilic te bila yacalex ta yilel te ja'exe, ja'uc me to, ma la yilic. Yo'tanuc lajuc yaiyic stojol te bila yacalex ta yaiyel stojol te ja'exe, ja'uc me to, ma la yaiyic stojol stuquelic —xi' te Jesuse.

San Juan 14:26

Te Jmuc'tesej-q'uinal awu'unique, ja' te Ch'ul Espíritu te ya sticunbeyex tel ta jwenta te Jtate. Ja' me ya yac'beyex anopic spisil stuquel, soc ja' me ya yac'beyex ana'ic stojol ta spisil te bi la calixe.

San Mateo 13:17

Jamal ya calbeyex, tsobol j'alwanejetic yu'un Dios soc tsobol te mach'a toj yo'tanic te yo'tanuc lajuc yilic in to te bila yacalex ta yilel te ja'exe, ja'uc me to, ma la yilic soc ma la yaiyic stojol stuquelic.

Romanos 16:25

Ac'a calbeytic bayal wocol Dios te ya xju' ya stulantesbeyex awo'tanic ta swenta te lec yach'il c'op te yacon ta xcholel ta bayuque, ja' bi, ja' te p'ijubtesel yu'un te Jesucristoe. Ja' in to, la yaq'uix ta na'el stojol te Diose te bila muquen ay ta neelal te la xchap ta yo'tan te c'alal ma to ayuc a te ch'ulchan balumilale.

San Juan 16:13

Yan te c'alal ya xtal te Espiritue, ja' ya yac' ta na'el te bila melele, ja' me ya yac'beyex ana'ic stojol spisil te bila smelelile. Melel ma stuquel yo'tanuc te bila ya yale. Ja' me ya xtal yalbeyex spisil te bila yaiyoj stojole, soc ja' me ya yac'beyex ana'ic te bila quechel ya xtale.

San Mateo 23:34

Jich yu'un ya me jticunbeyex tel te j'alwanejetic soc te mach'atic ay sp'ijilique soc te jp'ijubteswanejetique. Ja'uc me to, ay jtul te ya amilic ta cruz, soc ay yan ya amajic ta sinagogaetic, soc te ya anutsic loq'uel ta alumalique.

San Lucas 11:49

“Jich yu'un te Dios te ay sp'ijil stuquele, jich la yal: “Ya jticunbeyex j'alwanejetic soc jpuc-c'opetic. Ay ya amilic soc ay ya anutsic”, te xie.

Isaías 52:15

Ja' nix jich bayal nacionetic jchajp nax me q'uinal ya yaiyic; te muc' ajwaliletic, te c'alal ya yilique, ma me xwejt' bi ya yalic yu'un. Melel ya yilic, soc ya xc'ot ta yo'tanic te bi jc'axel ma'yuc bay yaiyojic stojole.

1 Corintios 2:10

Dios la yac'botiquix jna'tic stojol spisil in to, ta swenta te Espíritu yu'une. Melel te Ch'ul Espiritue, ya xju' yu'un te ya yac' ta na'el stojol spisile, manchuc teme ja' te bila muquen ay ta yo'tan stuquel te Diose.

San Mateo 20:7

La yalic: “Yu'un ma'yuc mach'a la yic'otic ta at'el”, xiic. Jich a albotic yu'un: “Baanic ta at'el ta bay ts'usubiltic cu'un”, la yut.