Efesios 3:4 - Bible in Tzeltal de Oxchuc y Tenejapa

⁴ Teme la awilic te bila la calix tele, tey me ya ana'ic stojol a te ayix ta co'tan te bit'il ay sc'oplal Cristo te muquen ay ta neelal toe.

Nuevo Testamento Tzeltal de Amatenango

⁴ Teme la awilike, tey ya anaꞌik te tut mukul ta yoꞌtan te Cristoe te la jnaꞌixe,

Bible in Tzeltal Bachajón

⁴ Te c'alal yac awilic bin la jts'ihbay, tey me yac ana'ic a te ya jna' te bin muquen ay sc'oblal te Cristo,

Efesios 3:4 Referans Kwoze

Colosenses 4:3

C'oponbotic me Dios uuc te jo'otique, swenta yu'un Dios me ya sjambotic be te ya jcholtic te sc'ope, soc te ya xju' ya caltic te muquen c'op yu'un te Cristoe. Ja' swentail te ayon ta chuquel yu'une.

1 Corintios 4:1

Te ja'exe, jichuc me c'oemotic ta awo'tanic te bit'il yaj-at'elotic nax te Cristoe, te ay ta jwentatic yaq'uel ta nopel te muquen c'op chapal yu'un te Diose.

2 Corintios 11:6

Manchuc teme ma xtojob lec te jc'ope, ja'uc me to, bayal te bila jna'oj stojole. Soc spisil ora ja' la cac'beyex ana'ic ta swenta te bila jpasojtiquixe.

1 Timoteo 3:16

Jamal chican te bit'il muc' sc'oplal ta c'axem to xan te bila muquen jch'uunejtique, jich te bit'il ay ta alele: “Dios la yich' sbaq'uetal, chicnaj ta balumilal. Ac'ot ta na'el te toj yo'tan yu'un te Espiritue. Ilot yu'un te ch'ul abatetique. La yich' cholel sc'oplal ta stojol te nacionetique. La yich' ch'uunel ta balumilal. Ic'ot moel ta utsilal”, te xie.

Colosenses 2:2

Yu'un ya jc'an te ya yich' yip awo'tanic, soc te jc'axel jun awo'tan abaic ya xc'oex yu'un te c'ux ya awaiy abaique. Jich me ya ataic te smuc'ul awo'tanic te bit'il ts'acal ya ana'iquix te bit'il ay te muquen c'op yu'un te Jtatic Diose, te ja' nix te sc'oplal te Cristoe.

Efesios 6:19

Soc c'oponbonic Dios ta jwenta uuc, swenta yu'un ya me scoltayon ta c'op te c'alal ya cal te sc'op Diose, soc ma me xiw co'tan te ya cac' ta na'el te lec yach'il c'op te muquen ay ta neelal toe.

Efesios 5:32

Ja' in to, mero bayal sc'oplal te ma ba na'ot stojol ta neelale. Ja' sc'oplal Cristo soc te jch'uunjeletique.

Efesios 1:9

La yac'botiquix jna'tic stojol te sc'anjel yo'tan te muquen aye, ja' bi, ja' te bila la xchap stuquele.

San Lucas 8:10

Te Jesús la yalbey yaiyic: —Te ja'exe Dios ya yac'beyex ana'ic stojol te bila wocol ta na'el te bit'il ay ta ajwalinel te Diose. Yan te yantique ya jc'opon ta seña-c'op, swenta yu'un manchuc teme ya yilic ta sitique, ma sna'beyic swentail, soc jayebuc buelta te ya x'albot yaiyique, ma xc'ot ta yo'tanic.

1 Timoteo 3:9

Ya sc'an te ay xch'uunjel yo'tanique, soc te ma'yuc mulil ta yo'tanique.

1 Corintios 13:2

Soc manchuc teme ya caiy j'alwanej, soc teme ya jna' spisil te muquen c'ope, soc teme ay ta co'tan spisil te bila ay ta nopele, soc teme ay xch'uunjel co'tane, soc teme ya xju' cu'un ya jq'uej bael ta yan q'uinal te witsetique, teme ma'yuc xc'uxul te co'tane, tojol ayon ta q'uinal abi.

San Mateo 13:11

Te Jesús la yalbey yaiyic: —Te ja'exe Dios ya yac'beyex ana'ic stojol te bit'il ay ta ajwalinel te Dios te ay ta ch'ulchan te ma'yuc ta na'el ta neelal toe. Yan te yantique, ma x'ac'bot sna'ic stojol stuquelic.

Romanos 11:25

Quermanotac, ya jc'an te ya ana'ic stojol in c'op to, te ma ac'ot ta na'el ta neelal toe. Ya me calbeyex awaiyic, swenta yu'un ma ba ya atoy abaic yu'un te ac'oplalique. Melel te sts'umbal Israele tulanuben yo'tanic ja' to teme ochic spisilic te mach'atic jyanlumetique.

Romanos 16:25

Ac'a calbeytic bayal wocol Dios te ya xju' ya stulantesbeyex awo'tanic ta swenta te lec yach'il c'op te yacon ta xcholel ta bayuque, ja' bi, ja' te p'ijubtesel yu'un te Jesucristoe. Ja' in to, la yaq'uix ta na'el stojol te Diose te bila muquen ay ta neelal te la xchap ta yo'tan te c'alal ma to ayuc a te ch'ulchan balumilale.

Efesios 3:3

Dios la yac'bonix jna' te bila muquen ay ta yo'tane. Jich bit'il la jts'ibubeyexix cha'oxp'aluc.

Efesios 3:9

Jich yac'ojbon ta jwenta te Diose, te ja' la xchicnantes spisil te bitic aye, te ya cac'bey sna' stojol spisil ants-winiquetic te bit'il ay sc'oplal te bila xchapoj ta yo'tane, te muquen ay ta yo'tan ta namey q'uinal tele.

Colosenses 1:26

te ja' te c'op te muquen ay ta neelal to tel te ma'yuc ta na'el yu'un bayal ta jcum te ants-winiquetique. Ja'uc me to, la yac'botiquix jna'tic stojol te jayebotic te ch'ul lumotic yu'un te Diose.