Efesios 3:21 - Bible in Tzeltal de Oxchuc y Tenejapa

²¹ Ac'a chicnajuc yutsilal te Cristo Jesús ta yolil te jch'uunjeletique soc ta lamalam bael ta sbajt'el q'uinal. Jichuc.

Nuevo Testamento Tzeltal de Amatenango

²¹ Aꞌ chiknajuk slekilal te Dios te ba ay te juju-tijkꞌ hermanoetike, sok ta skuenta te Cristo Jesuse ta sil tiempo y ta sbajtel kꞌinal. Jichuk.

Bible in Tzeltal Bachajón

²¹ ha ac'a yich' halbeyel yutsilal ta iglesia soc ta scuenta Cristo Jesús ta spisil ta caj ts'umbalil, ta sbahtel q'uinal. Hichuc.

Efesios 3:21 Referans Kwoze

Romanos 11:36

Te melel spisil te bitic aye, ja' yu'un. Ja' nix spasoj spisil, soc ja' swentainej stuquel. Ja' ac'a chicnajuc yutsilal ta bayuc sbajt'el q'uinal. Jichuc.

2 Pedro 3:18

Ja'uc me to, na'beyaic xan sba ta lec te Cajwaltic Jesucristoe te Jcoltaywanej cu'untique. Ac'a esmajuc xan ta awo'tanic te xc'uxul yo'tane. Jelawen yutsilal sc'oplal stuquel te Cajwaltique ta ora to soc ta sbajt'el q'uinal. Jichuc.

1 Pedro 5:11

Ac'a mandalajuc sbajt'el q'uinal stuquel te Diose. Jichuc.

Isaías 6:3

Jich yacalic ta yalel juju-jtul: —Ch'ul Dios, Ch'ul Dios, Ch'ul Dios, ja' te Cajwaltic te Spisil ya xju' yu'une; nojel ta spamal balumilal te yutsilale —xiic.

1 Crónicas 29:11

Cajwal, awu'un atuquel te ich'el ta muc', te awu'el, te xojobil awutsilal; atuquel ya xmandalajat soc atuquel ay awat'el. Melel spisil bitic ay ta ch'ulchan soc te bitic ay ta balumilal, ja'at awu'un. Atuquel ay awat'el ta mandalteswanej, cajalat yu'un spisil, Cajwal.

Salmos 72:19

Bayal me yutsil te Dios te ay yip yu'el xojobil sbajt'el q'uinal te sbiile. Ac'a nojuc ta yip yu'el xojobil spamal te lumq'uinale. Jich ac'a c'otuc ta pasel.

Filipenses 4:20

Wocol yalbotic te Jtatic Dios yu'un te jelawen ay yutsilal sbajt'el q'uinal stuquele. Jichuc.

Romanos 16:27

Te Dios te jip nax ay sp'ijile, ac'a ich'otuc ta muc' sbajt'el q'uinal ta swenta te Jesucristoe. Jichuc.

1 Pedro 2:5

In te ja'exe, jichex uuc te bit'il cuxul tonetique. Ac'a me abaic ta ts'ajc'uyel ta na ta swenta te Espiritue. Jich me ch'ul sacerdoteex yu'un Dios ya xc'oex te ya awac'beyic milbil majt'anil ta swenta Espíritu te lec yo'tan Dios yu'un ta swenta te Jesucristoe.

Isaías 42:12

Albeyaic yutsilal Cajwaltic soc pucbeyaic yutsil sc'oplal ta lumetic ta ti'ti'mar.

Hebreos 13:21

Ja' me ya yac' ju'uc awu'unic spasel spisil te lequil at'elile, swenta yu'un jich me ya apasbeyic te sc'anjel yo'tan stuquele, soc ja' ac'a at'ejuc ta awo'tanic ta apisilic ta spasel te bila lec yo'tan yu'un ta swenta te Jesucristoe. ¡Jelawen yutsil sbajt'el q'uinal stuquel te Cristoe! Jichuc.

Filipenses 2:11

Spisilic ya me yalic ta jamal te ja' Ajwalil stuquel te Jesucristoe. Jich me jelawen yutsil sc'oplal ya xc'ot te Jtatic Dios yu'une.

Gálatas 1:5

Ac'a chicnajuc yutsilal ta bayuc sbajt'el q'uinal. Jichuc.

2 Timoteo 4:18

Ja' la scoltayon loq'uel ta yolil spisil te bila amene, soc ya me scanantayon ja' to c'alal ya sta yorail te ya yic'on bael ta banti ay ta ajwalinel te Diose. Ac'a ich'otuc ta muc' soc yutsilal sbajt'el q'uinal. Jichuc.

Filipenses 1:11

Ta swenta me te Jesucristoe, te nojel sit te awat'elique. Jich me ya x'albot wocol ta awentaic te Diose, soc jich me lec sc'oplal ya xc'ot awu'unic ta bayuc te Diose.

Efesios 1:6

Swenta yu'un ya jc'ajintaybeytic yutsilal te Diose, yac'ojbotic bayal bendición ta swenta te Snich'an te bayal c'ux ta yo'tane.

San Lucas 2:14

“¡Jelawen ay yutsilal te Dios te ay ta ch'ulchan! Ya yac' lamajuc q'uinal ta balumilal ta stojol spisil ants-winiquetic te ayic ta c'uxtayel yu'une”, xiic.

Salmos 115:1

Ja'at Cajwal, ac'a aba ta ich'el ta muc', ma me ja'uc te jo'otique; ta swenta te xc'uxul awo'tan soc ta swenta te jun awo'tan ta jtojoltic, ac'a aba ta ich'el ta muc'.

Efesios 2:7

Jich me ya xchicnaj ta ilel ta patilal bael, te ay bayal yutsil yo'tan cu'untic te la xc'uxtayotic ta swenta te Cristo Jesuse.

San Mateo 6:13

Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene. [Melel te ja'ate muc' ajwalilat atuquel, soc ay awu'el, soc ay awutsilal sbajt'el q'uinal. Jichuc]”, xaex me ta sc'oponel te Diose.

Efesios 4:1

Jo'on ayon ta chuquel ta swenta te Cajwaltique, ya calbeyex bayal wocol te lec me xcuxinex ta q'uinal te bit'il ic'bilex yu'un te Diose.