Efesios 3:18 - Bible in Tzeltal de Oxchuc y Tenejapa

¹⁸ jich me ya xju' awu'unic sna'el stojol ta lec soc spisil te mach'atic ch'ul lum yu'un Dios te jich sjamalul soc snajt'il soc sc'ubulil soc stoylejal te xc'uxul yo'tan cu'untique.

Nuevo Testamento Tzeltal de Amatenango

¹⁸ Jich ya xjuꞌ awuꞌunik ta snaꞌel sok spisil te hermanoetike te lom jamal, lom najtꞌ, y lom toyol kꞌoel, y lom toyol moem te skꞌuxul yoꞌtan te Cristoe.

Bible in Tzeltal Bachajón

¹⁸ ya xhu' awu'unic sna'el ta lec, soc spisil mach'atic ch'uhltesbilic, bin ut'il ay sjamalil, snahtil, sc'ubulil soc stoyolil te sc'uxul yo'tan Cristo,

Efesios 3:18 Referans Kwoze

San Juan 15:13

Ma'yuc mach'a c'ax jich ay xc'uxul yo'tan bit'il te mach'a ya yac' sba ta lajel yu'un te mach'a jun yo'tan sba soque.

Salmos 103:17

Yan te xc'uxul yo'tan Cajwaltic, sbajt'el q'uinal ay ta stojol te mach'atic ya yich'ic ta muq'ue; te stojil yo'tan ma'yuc slajibal ta stojol spisil ta cajalcaj te alnich'anetic,

Efesios 3:19

Ja' te yacuc ana'ic stojol ta lec te bit'il ay te xc'uxul yo'tan cu'untic te Cristoe, c'axem to xan a te bitic ay ta na'ele, swenta yu'un jich me ts'acal ya awich'beyic yutsilal te Diose.

Gálatas 2:20

Jich pajal lajemon soc ta cruz te Cristoe. Cuxulon ts'iin, ja'uc me to, ma jo'oconix te cuxulone. Ja' cuxulix ta co'tan te Cristoe. In te bit'il cuxulon to ta q'uinal soc te jbaq'uetale, ja' cuxulon yu'un te xch'uunjel co'tan ta swenta te Snich'an Diose, ja' te mach'a c'ux la yaiyon ta yo'tan soc te la yac' sba ta lajel ta jwentae.

Efesios 1:15

La caiyix stojol te bit'il ay xch'uunjel awo'tanic ta swenta te Cajwaltic Jesuse soc te bit'il c'ux ya awaiy ta awo'tanic spisil te mach'atic ch'ul lum yu'un te Diose.

Salmos 145:10

Cajwal, ac'a me yalbat yutsil ac'oplal spisil te bitic la apase; ac'a yalbat yutsil ac'oplal te mach'atic jun yo'tanic ta atojole.

Apocalipsis 3:21

Te mach'atic ya xju' yu'unic tsalawe, ya me sjoinon ta naclej ta banti te muc'ul nactijibal cu'une, jich nix te bit'il caiyoj tsalaw te jo'one soc te joinejix ta naclej ta bay smuc'ul nactijib te Jtate.

Gálatas 3:13

Ja'uc me to, te Cristoe la yac'otic ta libre te bit'il ayotic ta ch'ayel yu'un te mandalile. Ja' la jelolintic ta ch'ayel. Melel jich ts'ibubil ta Sjun te Diose: “Ch'ayel bajt'ix te mach'a a te ya yich' jojc'anel ta te'”, te xie.

Efesios 1:10

Ja' la xchap te c'alal ya sta yorail yu'une, ya me x'och ta swenta Cristo spisil te bitic ay ta ch'ulchane soc ta balumilal.

Salmos 139:6

Jchajp nax ya caiy a te ap'ijile, ma xju' cu'un sna'el; mero toyol, ma xju' cu'un stael ta na'el.

Colosenses 1:4

Yu'un la caiytiquix stojol te bit'il ay xch'uunjel awo'tanic ta stojol te Cristo Jesuse, soc te bit'il c'ux ya awaiy abaic ta awo'tanic soc spisil te mach'atic ch'ul lum yu'un te Diose.

Romanos 10:3

Yu'un ma ba c'oem ta yo'tanic te bit'il toj ya x'ilotic yu'un te Diose. Stuquelic nax ya spas sbaic ta toj yo'tan ta sc'opic. Ma ba yich'ojic ta muc' te bila yaloj te Diose.

Salmos 132:9

Ac'a slapic c'oem te colel te sacerdoteetic awu'une; te mach'atic jun yo'tanic ta atojol, ac'a awunicuc ta swenta yutsil q'uinal yaiyic.

2 Crónicas 6:41

“Jajch'an tel, Cajwal, Dios cu'un, soc te acajón te yich'ojbat awu'ele, la' ta awilal ta bay ya acux awo'tane. Te sacerdoteetic awu'un, Cajwal, Dios cu'un, ac'a me sc'u'inic c'oem te colele. Te mach'atic jun yo'tanic ta atojol, binuc nax me yo'tanic, yanyan me ta toyel te yutsilalic awu'une.

1 Timoteo 3:16

Jamal chican te bit'il muc' sc'oplal ta c'axem to xan te bila muquen jch'uunejtique, jich te bit'il ay ta alele: “Dios la yich' sbaq'uetal, chicnaj ta balumilal. Ac'ot ta na'el te toj yo'tan yu'un te Espiritue. Ilot yu'un te ch'ul abatetique. La yich' cholel sc'oplal ta stojol te nacionetique. La yich' ch'uunel ta balumilal. Ic'ot moel ta utsilal”, te xie.

2 Corintios 13:13

Spisil te mach'atic ch'ul lum yu'un Dios la sticunbeyex spatjibal awo'tanic.

Zacarías 14:5

Te ja'ex ya me x'anex bael ta suclej te ya xjil ta olil yu'un te witsetique, ja' te ya xc'ot c'alal ta Azal, ta sjejch'elul baele. Jich me ya x'anex bael te bit'il anic bael ta namey te antiguo ame'-atatic, ja' te anic ta swenta xi'el te nijq'uel, te c'ax te c'alal ay ta muc' ajwalil a te Uzías, ja' te c'alal swentainej a te sq'uinal Judá. Ya me xtal te Cajwaltic te Dios cu'un, sjoinej me ya xtal spisil te mach'atic jun yo'tan la yac' sbaic ta stojole.

Salmos 116:15

Bayal swocol ya yaiy ta yo'tan Cajwaltic te ya yil ya xlaj te mach'atic c'ux ta yo'tane.