Efesios 3:17 - Bible in Tzeltal de Oxchuc y Tenejapa

¹⁷ soc te ya snainbeyex awo'tanic te Cristoe ta swenta te bit'il ay xch'uunjel awo'tanique. Soc te bit'il ismajemex ta lec soc te ay yip awo'tanic ta swenta te xc'uxul awo'tanique,

Nuevo Testamento Tzeltal de Amatenango

¹⁷ Y te ya xꞌanin ta awoꞌtanik te Cristo ta skuenta te xchꞌuunel awoꞌtanike. Jich te jaꞌexe junuk awoꞌtanik y toyoluk tsunulex ta skuenta te skꞌuxul awoꞌtanike.

Bible in Tzeltal Bachajón

¹⁷ soc te yacuc xnahin ta awo'tanic te Cristo ta scuenta sch'uhunel awo'tanic, scuenta yu'un, te bin ut'il lop'inemex soc awich'oj awipic tey ta c'uxul-o'tanil,

Efesios 3:17 Referans Kwoze

Colosenses 2:7

Ismajemuquex me ta lec ta stojol Cristo, soc ipajemuquex me ta lec ta swenta. Jc'axeluc me ay xch'uunjel awo'tanic jich nix te bit'il ac'botex anopique. Albeyaic bayal wocol spisil ora te Diose.

1 Juan 4:16

Jich jna'ojtic stojol, soc xch'uunej co'tantic te c'uxotic ta yo'tan te Diose. Ja' Jc'uxul-o'tanil te Diose. Jich yu'un te mach'a jc'axel ay ta bay te xc'uxul yo'tane, ja' jc'axel ainemix ta yo'tan te Diose, soc jc'axel ainemix ta yo'tan uuc.

San Juan 14:23

La yal te Jesuse: —Te mach'a c'uxon ta yo'tane, ya xch'uunbon te jc'ope soc c'ux ya x'aiyot yu'un te Jtate. Soc ya me xtal join spisil ora soc te Jtate.

Gálatas 2:20

Jich pajal lajemon soc ta cruz te Cristoe. Cuxulon ts'iin, ja'uc me to, ma jo'oconix te cuxulone. Ja' cuxulix ta co'tan te Cristoe. In te bit'il cuxulon to ta q'uinal soc te jbaq'uetale, ja' cuxulon yu'un te xch'uunjel co'tan ta swenta te Snich'an Diose, ja' te mach'a c'ux la yaiyon ta yo'tan soc te la yac' sba ta lajel ta jwentae.

Romanos 5:5

Soc smuc'ul co'tantic ya me jmaliytic te cutsilaltic, melel te xc'uxul yo'tan te Diose, malbilix ta co'tantic ta swenta te Ch'ul Espíritu te ac'bilotiquix yu'une.

Apocalipsis 3:20

Aiya me awaiy stojol, teq'uelon ta c'op ta sti' ana. Teme ay mach'a ya yaiybon stojol te jc'ope soc teme ya sjambon te ti'naile, jich ya x'ochon ta sna soc ya me join ta we'el tey a.

2 Corintios 6:16

¿Ya bal snujp'in sba te ya x'ain loc'ombaetic ta bay te templo yu'un te Diose? Melel ja'ex temploex yu'un te cuxul Diose, jich te bit'il la yal te Diose: “Ya me xnainon ta yolilic, tey me ya xbeenon a. Jo'on Dioson yu'unic soc lum cu'un ya me xc'otic”, te xie.

Isaías 57:15

Melel te Mach'a toyole, ja' te mach'a stalel cuxule, te Ch'ul Dios, xi' sbiil, jich ya yal: —Jo'on nainemon ta jun toyol awilal te ch'ultesbile; ja'uc me to, joinej te mach'a peq'uel soc te mach'a ay swocol ta mel-o'tane. Ya cac'bey sbujts' yo'tan soc ya xjam q'uinal yaiy.

1 Juan 4:4

Cal-jnich'nab te ja' yu'unex te Diose, atsalojiquix te lotil j'alwanejetique, yu'un ja' cajal yip te mach'a jun ayex soque. Yan te mach'atic ayic ta swenta te balumilale, alan yip stuquel.

Colosenses 1:27

Jich la sc'an yo'tan Dios te ya yac'botic jna'tic in c'op to te muquen aye, ja' te c'op te jelawen yutsil ta aiyel stojol yu'un spisil te jyanlumetique: Ja' te bit'il ya x'ain ta awo'tanic te Cristoe, swenta yu'un jun awo'tanic ta smaliyel te ya awich'ic ta patil te yutsilal te Diose.

Colosenses 1:23

Jich me ya xc'oex teme jc'axel ya xjunaj awo'tanic ta melele, soc teme ja' ipajemex ta lec a te xch'uunjel awo'tanique, soc teme ma xawijq'uitay ta awo'tanic smaliyel te bila ya yal te lec yach'il c'op awaiyojiquix stojole. Ja' te sc'oplal colel te yaquix ta cholel ta bayuc ta sjoylejal balumilal, te quich'oj abatinel ta xcholel uuc jo'on te Pabloone.

San Juan 17:23

Te jo'one ainemon ta yo'tanic. In te ja'ate ja' ainemat ta co'tan uuc, swenta yu'un jc'axel me jun ya xc'otic. Tey me ya sna'ic stojol a te mach'atic ayic ta balumilal te ja'at la aticunon tele, soc te c'ux ya awaiy ta awo'tan te mach'atic xch'uunejonixe, jich bit'il te c'ux ya awaiyon ta awo'tane.

San Juan 14:17

ja' bi, ja' te Espíritu te ya yac' ta na'el te smelelil c'ope. Jich yu'un te mach'atic ayic ta swenta te balumilale, ma xju' ya yic' ta yo'tanic, yu'un ma chicanuc ya yilic soc ma sna'beyic sba. Yan te ja'exe ya ana'beyic sba, yu'un ya sjoinex soc ya me x'ain ta awo'tanic spisil ora.

San Lucas 6:48

Jich c'oem te bit'il jtul winic te la spas sna. Najt' la sjoc'bey coel te yawile, ja' to la sta te p'ijom tone. Tey la yac' ipajuc jajch'el a te yiptajibe. C'alal tal snojel te ja'e, mal c'axel tey a ta bay loq'uem te snae, ja'uc me to, ma ju' yu'un sjinel. Melel ipajem ta bay p'ijom ton.

San Mateo 13:6

Te c'alal q'uejp te q'uinale, taquej yu'un, scaj te ma ba c'uben te yisime.

Gálatas 5:6

Melel ta swenta te Cristo Jesuse, jich ma'yuc sc'oplal teme quich'ojtic circuncisión o teme ma ba quich'ojtique. Te bila ay sc'oplale, ja' te ay xch'uunjel co'tantique. In te xch'uunjel co'tantique, ya yac' cuxinucotic soc xc'uxul co'tantic.

San Juan 6:56

Te mach'a ya swe'bon te jbaq'uetale soc te ya yuch'bon te jch'ich'ele, jc'axel ayix ta jtojol soc jc'axel ayonix ta yo'tan uuc.

1 Corintios 8:1

Ta ora to ya calbeyex sc'oplal te milbil majt'anil yu'un te loc'ombaetique. Melel jna'ojtic jpisiltic te bit'il ay te loc'ombaetique. Ja'uc me to, te bila jna'ojtic stojole, ja' ya jtoy jbatic yu'un. Yan te xc'uxul-o'tanile, ya xmuc'ubotic yu'un stuquel.

1 Corintios 3:6

Te jo'one la jts'un. Te Apolose la yac'bey ya'lel. Ja'uc me to, ja' la yac' ch'iuc stuquel te Diose.

2 Corintios 13:5

Te ja'exe aiya me awaiyic ta awo'tanic teme ay xch'uunjel awo'tanique. Tsajtaya me awaiy abaic ta lec. ¿Ma bal yacuc ana'ic te ay ta awo'tanic te Jesucristoe?, teme ma tojoluc awalojic te ach'uunejique.