Efesios 3:15 - Bible in Tzeltal de Oxchuc y Tenejapa

¹⁵ te ja' ay ta swenta spisil ta jchajp te mach'atic ay yu'une, te ayic ta ch'ulchane soc te ayic ta balumilale.

Nuevo Testamento Tzeltal de Amatenango

¹⁵ Spisil yichꞌoj sbiil yuꞌun te jayeb ta jkaj te tutik ay ta chꞌulchan sok ta balmilale.

Bible in Tzeltal Bachajón

¹⁵ (te ha yich'beyejic sbihil spisil ta chahp te mach'atic ayic ta ch'ulchan soc ta bahlumilal),

Efesios 3:15 Referans Kwoze

Efesios 1:10

Ja' la xchap te c'alal ya sta yorail yu'une, ya me x'och ta swenta Cristo spisil te bitic ay ta ch'ulchane soc ta balumilal.

Efesios 1:21

Jich cajal c'ot yu'un spisil te mach'a ay yu'el soc ay yat'el, ja' te jmandalteswanej soc te ajwalile. Spisil cajal c'ot yu'un te bitic aye, chican teme ja' ta ora to o teme ja' te patil baele.

Apocalipsis 3:12

Te mach'atic ya xju' yu'unic tsalawe, ja' me yoyalic ya xc'ot cu'un ta templo yu'un te Dios cu'une. Xujt' ma xloq'uic sbajt'el q'uinal tey a. Soc ya me jts'ibubey ta bay spatic te sbiil te Dios cu'une soc te sbiil te muc'ul lum yu'un te Dios cu'une, ja' te yach'il Jerusalén te ya xcoj tel ta ch'ulchan ta bay stojol te Dios cu'une. Soc ya me jts'ibubey ta bay spatic uuc te yach'il jbiile.

Jeremías 33:16

Te bi yorail ya cale, te Judá ya me xcol soc Jerusalén, jun nax me yo'tan ya xcuxinic. Ja' me sbiil ya awalbeyic: “Cajwaltic te toj ya yaiy tsalaw cu'untique”, xi' me.

Apocalipsis 2:17

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te mach'a ya xju' yu'un tsalawe, ya cac'bey swe' te maná-waj te nac'bile. Soc ya cac'bey jp'ij saquil ton te ts'ibubil tey a te yach'il sbiil te ma'yuc mach'a ya sna' jtuluque. Ja' nax ya sna' stuquel te mach'a ya yich'e —xi'.

Colosenses 1:20

Soc ja' ta swenta Cristo te ya yac' junajuc ta stojol Dios spisil te bitic ay ta balumilale soc uuc te bitic ay ta ch'ulchane. Tey la yac' lamajuc q'uinal a ta swenta bit'il la smal xch'ich'el ta cruz.

Hechos 11:26

Te c'alal la stae, la yic' tel ta lum Antioquía. Sjunal ja'wil la sjoinic te jch'uunjeletic soc la sp'ijubtesic tsobol ta jtul. Ja' nix te Antioquía ta banti neel ac'bot sbiilinic “cristianoetic” te jnopojeletique.

Isaías 65:15

Te mach'atic tsabilic cu'un, ya me stuuntesbeyex abiilic ta swenta sc'anel castigo soc ta sc'anel lajel ta stojol yantic a; ja'uc me to, te abatetic cu'un ya me jelbey sbiilic.

Efesios 3:14

Ja' swentail te ya jquejan jba ta stojol te Stat te Cajwaltic Jesucristoe,

Efesios 3:16

Ja' ya jc'anbey te Tatil te ya yac'beyex te yutsil sc'ulejale, soc te ya yac'beyex stulanil awo'tanic soc awu'elic ta swenta te Espíritu yu'une,