Efesios 3:1 - Bible in Tzeltal de Oxchuc y Tenejapa

¹ Ja' swentail jo'on, te Pabloon, ayon ta chuquel ta swenta Cristo Jesús ta acajic ja'ex te jyanlumexe.

Nuevo Testamento Tzeltal de Amatenango

¹ Jaꞌ sluwaril te ayon ta prexo, joꞌon te jPabloone, ta skaj te Cristo Jesuse sok yuꞌun alekilik te jaꞌexe ta ma juriyoukexe.

Bible in Tzeltal Bachajón

¹ Ha scuentahil ho'on, Pablohon, te ayon ta chuquel ta scaj Cristo Jesús ta acuentahic ha'ex te jyanlumex...

Efesios 3:1 Referans Kwoze

Colosenses 1:24

Ta ora to ay sbujts' co'tan yu'un te bit'il yac ta c'axel jwocol ta awentaique. Yu'un jich me ya jts'actes xan ta jbaq'uetal ta bay ay to sc'an te ya xc'ax swocol Cristo yu'un te jch'uunjeletic, te ja' sbaq'uetale.

Efesios 4:1

Jo'on ayon ta chuquel ta swenta te Cajwaltique, ya calbeyex bayal wocol te lec me xcuxinex ta q'uinal te bit'il ic'bilex yu'un te Diose.

2 Timoteo 1:8

Jich yu'un ma me xq'uexawat yu'un te ya awalbey sc'oplal te Cajwaltique; soc ma me xq'uexawat cu'un uuc te bit'il ayon ta chuquel ta swenta. Ts'ica awocol uuc te melel pajal ya jta jwocoltic ta swenta te lec yach'il c'op te ya caltique. Ja'uc me to, ya scoltayotic ta swenta yu'el te Diose.

Efesios 6:20

Dios sticunejon ta c'op ta stojol te ants-winiquetique. Ja' swentail te ayon ta chuquel ta cadena ta ora to. C'oponbonic Dios te ma ba xiw co'tan ta xcholele.

Filemón 1:9

ja'uc me to, ja' lec te ja' ya calbat wocol ta swenta xc'uxul co'tan. Te jo'on Pabloon, te mamalonixe soc te ayon ta chuquel ta swenta te Cristo Jesuse,

Filipenses 1:7

Ja' lec te jich ya jna'ex ta co'tan ta apisilic te melel ayex ta co'tan ya caiy. Melel pajal ay yutsil yo'tan Dios cu'untic ta jpisiltic. Manchuc teme chuculon li'to o teme ya quich' tejc'anel ta stojol te ajwaliletique, ya me xc'opojon yu'un te lec yach'il c'ope. Tey me ya cac' ta na'el a te ma lotil c'opuc stuquele.

Filemón 1:1

Jo'on Pabloon te ayon ta chuquel ta swenta te Cristo Jesuse soc te quermanotic Timoteo, ya jpatbat awo'tan ja'at, Filemón, te bayal c'uxat ta co'tan, te joy jbajtic ta at'el ta swenta te Cristo Jesuse.

Hechos 23:18

Jich te centurión yu'un soldado la yic' bael ta stojol coronel te quereme. Jich c'o yalbey: —Te Pablo te ay ta chuquele, la yalbon wocol te ya quic'bat tel ta atojol in querem to, yu'un ay laj bi ya yalbat awaiy —xi' te centurione.

San Lucas 21:12

“Soc neel me ya stsaquex soc ya me snutsex. Ya me yaq'uex ta chajbanel ta sinagogaetic, soc ya me yaq'uex ta chucjibal, soc ya me yiq'uex bael ta stojol muc' ajwaliletic soc ta stojol gobernadoretic ta swenta jbiil.

Filemón 1:23

Ya sticunbat spatjibal awo'tan te Epafras, te pajal chuculon soc ta swenta te Cristo Jesuse.

Hechos 26:29

La yal te Pabloe: —Teme jich yo'tan Dios, chican teme ora naxe, o teme jal to c'aale, co'tanuc jichucat te bit'ilone. Soc ma atuqueluc nax te ja'ate, soc spisil te mach'a li' ay to te ya yaiybonic stojol te jc'ope. Ma yu'unuc ya cal te ya awich'ic chuquel ta cadena jich bit'il te jo'one —xi' te Pabloe.

2 Timoteo 1:16

Ja'uc me to, ac'a me yich' c'uxtayel yu'un Cajwaltic te mach'a ay yu'un te Onesíforo, te melel bayal buelta xtaluc smuc'tesbon co'tan, soc ma ba q'uexaw yu'un te bit'il ayon ta chuquel ta cadenae.

Colosenses 4:18

Ja' in to, ja' spatjibal xan awo'tanic cu'un jo'on te Pabloone te la jts'ibuy ta jc'ab jtuquel. Na'aic me te ayon ta chuquele. Te Diose ac'a yac'beyex te yutsil yo'tane. Jichuc.

Colosenses 4:3

C'oponbotic me Dios uuc te jo'otique, swenta yu'un Dios me ya sjambotic be te ya jcholtic te sc'ope, soc te ya xju' ya caltic te muquen c'op yu'un te Cristoe. Ja' swentail te ayon ta chuquel yu'une.

2 Corintios 11:23

¿Abatetic bal yu'un te Cristoe? C'axem to xan jich ayon te jo'one, (manchuc teme tabilon ta jowejel te ya xc'opojone.) C'ax jich at'ejemon jtuquel a te bit'il at'ejemique. C'axem to xan la quich' majel ta nujc'ul. Soc c'axem to xan la quich'ix chuquel. Soc bayal buelta te c'an lajucone.

2 Corintios 10:1

Jo'on Pabloon ya calbeyex bayal wocol ta atojolic ta swenta yutsil yo'tan soc xc'uxul yo'tan te Cristoe. Ay ya awalic: “Mero peq'uel ya yac' sba te c'alal ay ta coliltique; yan te c'alal c'ubul aye, ya stoy sba ta c'op”, ay xaex cu'un.

Hechos 21:33

Te c'alal c'ot te coronele, la yac' ta tsaquel ta ora te Pabloe. La yal mandal ta chuquel ta cha'lijc' cadena, soc la sjojc'obey te mach'a a te winique soc te bila amen spasoje.

Apocalipsis 2:10

Ma me xiwat yu'un te bit'il ya xc'ax bayal awocole. Melel te pucuje ya me yaq'uex ta chucjibal swenta yu'un jich me ya yilbeyex awo'tanic ta apisilic. Tey me ya xc'ax awocolic lajuneb c'aal a. Ja'uc me to, junuc me awo'tan ta jtojol, manchuc teme ya xlajat tey a. Jich me ya cac'bat acorona swenta cuxlejal.

Efesios 3:13

Jich yu'un ya calbeyex wocol: Ma me xpejc'aj awo'tanic yu'un te bit'il ayon ta uts'inel ta awentaique, yu'un tey ya ata awutsilalic a te ja'exe.

Gálatas 5:11

Jich yu'un, quermanotac, te yu'unuc ya to cac' ta ch'uunel te circuncisione, ma'yucon ta uts'inel yu'un judioetic te jichuque. Soc ma swentauc cojchinjibal ta stojolic te bit'il ay ta alel ta bayuc te laj ta cruz te Cristo te jichuque.

Gálatas 5:2

Jo'on Pabloon ya calbeyex awaiyic, teme ya ach'uunic yich'el te circuncisione, xujt' ma'yuquix stuul ya xc'ot awu'unic a te Cristoe.

Hechos 9:15

La yal te Cajwaltique: —Baan, melel tsabilix te ya xtuun cu'un te winique, swenta yu'un ya me yalbon jc'oplal ta stojol te jyanlumetic soc te ajwaliletique soc ta stojol te yal-snich'an israeletique.

2 Corintios 1:6

Jich yu'un teme ayon ta woclajel soc te jo'taque, ja' swentail te jich me ya ataic smuc'ul q'uinal awaiyic soc te acolelique. Soc teme Dios ya smuc'tesbon q'uinal caiye, ja' nix jich ya ataic smuc'ul q'uinal awaiyic uuc. Jich me jun nax awo'tanic ta sts'iquel te bila pajal yac ta c'axel jwocoltic yu'une.

Gálatas 5:24

Te mach'atic yu'unix te Cristoe, la yaq'uix ta lajel ta cruz te bila ya smulan spasel te sbaq'uetalique.

Efesios 3:8

Te jo'one peq'uel ayon yu'un spisil te mach'atic ch'ul lum yu'un te Diose. Ja'uc me to, ya jcholbey yaiyic te jyanlumetic te lec yach'il c'ope, ja' te sc'oplal te jelawen to xan ay yutsil yo'tan te Cristoe.

Efesios 3:11

Jich la spas te Diose, te xchapoj ta yo'tan swenta sbajt'el q'uinal stuquel. Ja' la yac' c'otuc ta pasel ta swenta te Cajwaltic Jesucristoe.