Efesios 2:9 - Bible in Tzeltal de Oxchuc y Tenejapa

⁹ Ma ta swentauc awat'elic, swenta yu'un ma ba ya atoyes q'uinal awaiyic yu'un.

Nuevo Testamento Tzeltal de Amatenango

⁹ Ma yuꞌunuk kolemexix yuꞌun te awaꞌtelike. Jich maꞌyuk machꞌa ya xjuꞌ te mukꞌ ya yakꞌ sbae.

Bible in Tzeltal Bachajón

⁹ ma ha'uc ta scuenta awa'telic, scuenta yu'un mayuc mach'a ya xhu' ya stoy sba yu'un.

Efesios 2:9 Referans Kwoze

2 Timoteo 1:9

Dios la scoltayotic soc la yic'otiquix ta stojol, jich me ch'ul lum ya xc'ootic yu'un ta melel. Ma yu'unuc ay bila lec ju'em cu'untic spasel, ja' nax ta swenta te jich la snop ta yo'tane. C'alal ma to chicanuc a te balumilale, la snop ta yo'tan te ya sc'uxtayotic ta swenta te Cristo Jesuse.

Romanos 11:6

Teme ta swenta yutsil yo'tan te Diose, jich ma ja'uquix ta swenta te yutsil yat'elique. Te ja'uc ta swenta yat'elic, jich ma ja'uquix ta swenta te yutsil yo'tan te Diose.

Romanos 9:16

Jich yu'un ma ja'uc chican te mach'a ya yal sbae, soc ma ja'uc chican teme at'ejeme. Ja' chican te bit'il ay yutsil yo'tan stuquel te Diose.

Romanos 3:20

Yu'un jtul ma'yuc mach'a ya x'ac'ot ta libre yu'un smul yu'un te ya yat'elin spasel te bi ya yal te mandalile. Melel te mandalile, ja' nax ya yac' ta na'el stojol te ay te mulile.

Romanos 9:11

Ja'uc me to, te c'alal ma to x'ayinic a soc ma'yuc bila spasojic ta bay leque soc ta bay amene, jich albot yu'un Dios te Rebecae: “Te ijts'inale ya me smosoin te sbanquile”, te xi' sc'oplale. Ja' pajal soc te bit'il jich ts'ibubil jilel ta Sjun te Diose: “Te Jacobe, c'ux la caiy ta co'tan. Yan te Esaú, la jp'aj ta co'tan stuquel”, te xie. Jich chican ta jamal te bit'il ay ta swenta stsael stuquel te mach'a ya yic' te Diose, chican te bila snopoj ta yo'tan stuquel. Ma ba ya yich' ta wenta te bila ya spasique.

Romanos 4:2

Melel te Abraham te ja'uc toj ilot yu'un Dios yu'un te bila ju' yu'un spasele, ya stac' ya stoy sba yu'un te jichuque. Ja'uc me to, ma stac' ya spas jich ta stojol te Diose.