Efesios 2:21 - Bible in Tzeltal de Oxchuc y Tenejapa

²¹ Ja' ta swenta te ya x'ipaj moel sts'ajc'ul a te nae. Jich yac ta muc'ubel swenta yu'un ch'ul templo yu'un Dios ya xc'oex te bit'il jun nax ayex soc te Cajwaltique.

Nuevo Testamento Tzeltal de Amatenango

²¹ Jun nax ayex sok te Cristoe. Jich kꞌoemex tutꞌil jun mukꞌul na te yipal ta jajchele, asta ya xkꞌoex ta jun templo te chꞌultesbile sok te jun nax ay sok te Kajwaltike.

Bible in Tzeltal Bachajón

²¹ Ha ta scuenta te spisil te na lec chahpambil soc yac ta tohyel mohel scuenta yu'un ch'ul templo ya xc'oht yu'un te Cajwaltique.

Efesios 2:21 Referans Kwoze

1 Corintios 3:9

Melel te jo'otique, yaj-at'elotic te Diose. Te ja'exe, c'aljibalex yu'un te Diose. Soc pasbil naex yu'un te Diose.

2 Corintios 6:16

¿Ya bal snujp'in sba te ya x'ain loc'ombaetic ta bay te templo yu'un te Diose? Melel ja'ex temploex yu'un te cuxul Diose, jich te bit'il la yal te Diose: “Ya me xnainon ta yolilic, tey me ya xbeenon a. Jo'on Dioson yu'unic soc lum cu'un ya me xc'otic”, te xie.

1 Reyes 6:7

Te bit'il la yich' pasel te templo, la yich' tuuntesel tonetic te mero lec walubile. Ja' yu'un te c'alal la yich' pasel, ma'yuc chicnaj ta aiyel bajbonel martillo, ma'yuc chicnaj t'ojt'onel echej soc ni ayuc bi yantic at'ejibal-taq'uinetic chicnaj sc'op tey a.

Ezequiel 42:12

Te c'oel tey c'alal ta cuartoetic ayic ta stojol sur, ay jun sti' tey a, tey jajch'em a te ch'in jochol beibale, te ay ta elawal yu'un ts'ajc' swenta smaquele, ya x'och jajch'el ta stojol sloq'uib c'aal.

Salmos 93:5

Cajwal, te mandaliletic awu'un mero ma xch'ay stuquelic; te ach'ul-utsilal ja' xch'alil sbajt'el q'uinal te templo awu'une.

Colosenses 2:19

Ma junuc ay soc te Cristoe, te ja' jolol cu'untique. Ja' ya yac' te ya xmuc'ub spisil te sbaq'uetale, ta swenta bit'il jun ayotic ta mac'linel yu'un soc te jun nax ya yac' te ya snit sbaic te juju-jchajbe, jich te bit'il chapal yu'un stuquel te Diose.

1 Timoteo 3:15

swenta yu'un teme ma ju' te talon ta orae, jich me ya ana' te bila lec ya sc'an pasel ta stojol te yal-snich'an te Diose, ja' bi, ja' te jch'uunjeletic yu'un te cuxul Diose. In te jch'uunjeletique, ja' yoyal soc ja' yiptajib a te smelelil c'ope.