Efesios 2:17 - Bible in Tzeltal de Oxchuc y Tenejapa

¹⁷ Te Cristoe xtaluc yal ta bayuc te lec yach'il c'op swenta lamal q'uinal. La yal ta atojolic ja'ex te c'ubul ayexe soc ta stojol te mach'atic nopol ayique.

Nuevo Testamento Tzeltal de Amatenango

¹⁷ Te Cristoe yichꞌoj tal lekil achꞌ kꞌop yuꞌun bujtsꞌan kꞌinal ta spisil, jaꞌ te jaꞌexe te jakal ayex ta stojol Dios sok te machꞌatik tijajtik aye.

Bible in Tzeltal Bachajón

¹⁷ Te Cristo tal yalbeyex te lec yach'il c'op scuenta lamal q'uinal, ha'ex te namal ayex soc te mach'atic nopol ayic,

Efesios 2:17 Referans Kwoze

Hechos 10:36

Dios la sticun ta alel ta stojol te israeletique te bit'il ya xju' te lamal q'uinal ya caiytic ta swenta te Jesucristoe, te ja' Ajwalil yu'un spisil te ants-winiquetique.

Hechos 2:39

Melel ja' awu'unic te albil sc'oplale, soc uuc te awal-anich'anique, soc ta spisil te mach'atic c'ubul ayique, chican te jayeb mach'a ya x'ic'ot yu'un te Cajwaltic Diose —xi'.

Romanos 5:1

Ta swenta te xch'uunjel co'tantique, libre c'oemotiquix yu'un te jmultique. Jich me junajemix co'tantic soc te Diose, ta swenta nax te Cajwaltic Jesucristoe.

Salmos 148:14

Ja' yac'ojbey yip te lum yu'une. Albeyaic yutsilal ta apisilic te jun awo'tanic ta stojol, ta spisil te israeletic, te ja' lum yu'un te nopol ay ta sts'eele. ¡Bin nax yutsil te Cajwaltique!

Deuteronomio 4:7

Melel ¿ay bal yan nación te mero muc' te nopol ay ta stojol te diosetic yu'une, jich te bit'il mero nopol ayotic soc te Cajwaltic te Dios cu'untic, te jujun buelta te ya calbeytic wocole?

Zacarías 9:10

Ja' me ya slajinbey te carretaetic yu'un guerra ta Efraín; ja' me ya slajinbey te caballoetic ta Jerusalén; soc ya me slajin te t'imalte'etic yu'un guerra. Ya me yac' lamajuc q'uinal ta stojol nacionetic. Ya me x'och ta muc' ajwalil ta jejch' sti'il mar c'alal ta sti'il yan mar, ta muc'ja' Éufrates c'alal ta mero sti'il te balumilale.

2 Corintios 5:20

Jich yu'un teq'uelotic ta c'op ta atojolic ta swenta te Cristoe. Jich c'oem te bit'il ja' ya yal wocol Dios ta atojolic ta jwentatic te jo'otique. Ya calbeyex wocol ta atojolic ta swenta sbiil te Cristoe te ac'a junajuc awo'tanic ta stojol te Diose.

Isaías 52:7

Bin nax yutsil te mach'a ya xjul ta witstiquil, te mach'a ya yich' tel te lequil c'ope, te mach'a ya yalbey sc'oplal te lamal q'uinale, te mach'a ya yalbey sc'oplal te ainel ta libre. Jich ya yalbey te Sión: —Te Dios awu'une muc' Ajwalil stuquel —xi' me ta aw.

San Lucas 2:14

“¡Jelawen ay yutsilal te Dios te ay ta ch'ulchan! Ya yac' lamajuc q'uinal ta balumilal ta stojol spisil ants-winiquetic te ayic ta c'uxtayel yu'une”, xiic.

San Mateo 10:13

Teme lec yo'tanic te yajwal nae, lamal q'uinal ya yaiyic ya xc'ot. Yan teme ma lecuc yo'tanique, ja' ya me sujt' ta awentaic te lamal q'uinale.

Isaías 27:5

Teme ya sc'an te ya xc'opojon yu'une, ac'a lamajuc yo'tan ta jtojol, jich, ac'a lamajuc yo'tan ta jtojol —xi' te Cajwaltique.

Salmos 85:10

Ya me xc'ot yorail te ya sta sba soc te c'uxul-o'tanil te bila smelelil, te lamal-o'tanil soc te toj-o'tanile, jich c'oem te ya spet sbaique.

Salmos 75:1

Dios cu'un, ya caltic wocol, ya me caltic bayal wocol; ya me jc'antic coltayel awu'un soc ya jc'ajintaytic te jchajp at'eliletic awu'une.

Romanos 10:14

Ja'uc me to, ¿bit'il c'an yalbeyic wocol te bit'il ma to bay xch'uunejique? ¿Soc bit'il c'an xch'uunic te bit'il ma to bay yaiyojic stojole? ¿Soc bit'il c'an yaiyic stojol teme ma'yuc mach'a ya xcholbot yaiyic yu'une?

Efesios 4:21

teme melel te awaiyojbeyiquix stojol sc'oplal soc teme la awich'iquix p'ijubtesel ta swenta, jich te bit'il ay sc'oplal ta mero melel te Jesuse.

San Lucas 15:8

“Teme ay jtul ants te ay lajunsejp dracma staq'uine, ¿bi xi' yo'tan yu'un teme ya xch'ay junuc dracma yu'une? ¿Ma bal yacuc stsum c'ajc' yil, soc ma bal yacuc smes ta lec te snae yu'un ya sle te staq'uin ch'ayeme? Ja' to ya xlaj yo'tan a teme la stae.