Efesios 2:16 - Bible in Tzeltal de Oxchuc y Tenejapa

¹⁶ Ta swenta bit'il la yac' sba ta lajel ta cruz te Cristo, jich la slajinbey sc'oplal te bit'il contro yiloj sbaic te cha'chajp lume. Soc tey la yac' junajuc yo'tan sbaic soc a te Diose, te bit'il la yac' ta jun naxe.

Nuevo Testamento Tzeltal de Amatenango

¹⁶ Te tutꞌil a cham ta krus te Cristoe, la slajinbe skꞌoplal te tutꞌil kontra la yil sbaik ta xchebal te jtejklume. Y la yakꞌtalan ta bujtsꞌan kꞌinal yuꞌunik sok Dios, y jich a spasbe te jun nax a yakꞌe.

Bible in Tzeltal Bachajón

¹⁶ soc ta scuenta te laj ta cruz te Cristo la yac' te lecub yo'tanic soc Dios, junax baq'uet c'oht schebalic, hich la slajin te bin scontrahinej sbahique.

Efesios 2:16 Referans Kwoze

Romanos 5:10

Melel te bit'il contro quiloj jbatic soc te Diose, jich la yac' junajuc co'tan jbatic soc ta swenta bit'il laj te Snich'ane. In te bit'il junajemix co'tan jbatic soque, jich me c'axem to xan ya xcolotic ta swenta te bit'il cuxulix stuquele.

Colosenses 2:14

Dios la stup'botiquix ta jun spisil te jayeb jbetic te quechel ta jwentatic stojele. Tey laj sc'oplal a te c'alal la yich' bajel ta lawux ta cruz.

Efesios 2:15

te Cristo la slajinbey sc'oplal te mandalil soc te bitic chapal yu'une. Jich jun nax la yac' ta yach'il te cha'chajp lume, jun nax c'ot ta stojol.

Gálatas 2:20

Jich pajal lajemon soc ta cruz te Cristoe. Cuxulon ts'iin, ja'uc me to, ma jo'oconix te cuxulone. Ja' cuxulix ta co'tan te Cristoe. In te bit'il cuxulon to ta q'uinal soc te jbaq'uetale, ja' cuxulon yu'un te xch'uunjel co'tan ta swenta te Snich'an Diose, ja' te mach'a c'ux la yaiyon ta yo'tan soc te la yac' sba ta lajel ta jwentae.

Romanos 8:3

Melel ma ju' yu'un te la scoltayotic te mandalile, ta scaj te ma'yuc yip te jbaq'uetaltique. Jich yu'un Dios la sticun tel te Snich'ane, jich bit'il milbil majt'anil yu'un mulil. Pajal sbaq'uetal c'ot soc te jmulawil ch'ich'-baq'uete. Jich ta swenta sbaq'uetal ju' yu'un te la yac' ta lajel te mulil te ay ta jbaq'uetaltique.

Romanos 8:7

Te mach'atic ja' nax ya xbajt' ta yo'tanic sna'el te bila ya sc'an te sbaq'uetalique, ja' scontroinejic a te Diose. Melel ma xch'uunbeyic smandal te Diose, soc yu'un nanix ma xju' yu'unic a.

Romanos 6:6

Jna'ojtic stojol te la yich' jijp'anel ta cruz-te' soc Cristo te jpocol jcuxlejaltique, swenta yu'un ya slajinbey yip te jmulawil jbaq'uetaltique, jich ma ba ya yabatinotic xan te mulile.

1 Corintios 10:17

Jich bit'il te pejch' nax waj te comon ya jlajintic ta jpisiltique, jich jun nax c'oemotic ta jpisiltic a.

Efesios 3:6

Ja' bi ja' ta swenta te lec yach'il c'ope, te jyanlumetic pajal me ya yich'ic soc te judioetic te bila ya yac' te Diose. Jun nax sbaq'uetal ya me xc'otic ta spisilic, soc pajal me ya yich'ic te bila yaloj Dios ta swenta Cristo Jesús.

Efesios 4:4

Yu'un jun nax jbaq'uetaltic c'oem soc jun nax te Espiritue. Ja' nanix jich jun nax ic'bilotic ta smaliyel te iq'uele.

Colosenses 3:15

Te lamal q'uinal yu'un te Diose ac'a swentainbeyex awo'tanic. Melel la yic'otic te Diose te jun nax ya xc'ootic ta jpisiltique, jich te bit'il jun nax ay te jbaq'uetaltique. Soc albeyaic wocol Dios yu'un spisil.