Efesios 2:15 - Bible in Tzeltal de Oxchuc y Tenejapa

¹⁵ te Cristo la slajinbey sc'oplal te mandalil soc te bitic chapal yu'une. Jich jun nax la yac' ta yach'il te cha'chajp lume, jun nax c'ot ta stojol.

Nuevo Testamento Tzeltal de Amatenango

¹⁵ Ta stiꞌbalul te Cristoe la slajinbe skꞌoplal te mantaliletik te ya yakꞌ jpastik spisil te tut ya yale. Y jich a spas ta jun nax yachꞌil jtejklum te xchebal jtejklume. Jun nax a kꞌot ta skuenta, sok jich a yakꞌ bujtsꞌan kꞌinal.

Bible in Tzeltal Bachajón

¹⁵ ta scuenta sbaq'uetal la slajimbe sc'oblal te Ley, ha te mandariletic yu'un soc te bin ya xc'anot yu'une, scuenta yu'un ya spas te junax yach'il ants-winic ya xc'oht schebalic ta stojol, hich la yac' lamal q'uinal,

Efesios 2:15 Referans Kwoze

Colosenses 2:14

Dios la stup'botiquix ta jun spisil te jayeb jbetic te quechel ta jwentatic stojele. Tey laj sc'oplal a te c'alal la yich' bajel ta lawux ta cruz.

Gálatas 3:10

Melel spisil te mach'atic ja' smuc'ulinej yo'tanic spasel te bila ya yal te mandalile, ay ta swentaic ch'ayel. Melel jich ts'ibubil jilel ta Sjun te Diose: “Ch'ayel me ya xbajt'ic te mach'a ma jc'axeluc ya xch'uunic spisil te bila ts'ibubil ta sjunal te mandalile”, te xie.

Hebreos 8:13

Te bit'il jich yaloj Dios te “ay yach'il trato ya jpas”, te xie, yu'un pocobenix c'oem yu'un te sbabial tratoe. Te bila ma xtuunixe soc te yaquix ta pocobele, tey nopol ya xch'ayix bael a.

Colosenses 3:10

C'u'inaic me te yach'il acuxlejalic te yanyan ta ach'ubele, ja' to teme pajal c'oex soc te Jpaswaneje, yu'un jich me ya ana'beyic sba ta lec.

Colosenses 2:20

Te ja'exe lajemex soc te Cristoe. Jich ma ba ya ach'uuniquix te jowil nax nopjibal yu'un te balumilale. ¿Bistuc jiche te jich ya x'ainex te bit'il mach'atic ayic nax ta swenta te balumilale? ¿Bistuc ya ach'uunic te bila mandalil snopojic naxe?

Gálatas 6:15

Melel ta swenta Cristo Jesús, ma'yuquix sc'oplal teme quich'ojtic circuncisión, o teme ma ba quich'ojtique. Ja' ay sc'oplal teme ach'ubenotiquixe.

Gálatas 3:28

Jich ma'yuquix judio, o griego, soc ma'yuquix moso o teme ay ta libre, soc ma'yuquix sc'oplal teme winic o teme antse. Melel jun nax c'oemex ta apisilic ta stojol te Cristo Jesuse.

Efesios 4:16

Ta swenta Cristo te jun nax sbaq'uetal ya xc'ootic jpisiltic, te bit'il jun ayotic soque, teme lec ya jpastic te at'el te ay ta jwentatic spasel ta juju-jtule, jpisiltic ya me xch'iotic soc ya me xmuc'ubotic ta swenta te xc'uxul co'tantique.

2 Corintios 5:17

Jich yu'un, te mach'a jun nax c'oemix soc te Cristoe, yach'il ants-winiquix. Jilemix spisil te spocol cuxlejale. Ta ora to, la yich'ix ach'ubtesel ta spisil.

Hebreos 7:16

Melel ma ja'uc la yich' yat'el ta sacerdoteil yu'un te ay bila ts'ibubil jilel sc'oplal soc sts'umbal ta bay te mandalile. Ja' la yich' yat'el yu'un te ay yip yu'el stuquel te bit'il stalel cuxul te ma xju' xlaje.

Hebreos 9:23

Jich yu'un puersa la sc'an te la yich' malel xch'ich'el in chambalametic to swenta yutstesel te bila seña to nax te bitic ay ta ch'ulchane. Yan te bitic ay ta ch'ulchane ja' ya sc'an yich' utstesel a te ch'ich' te c'axem to xan ay yutsile.

Isaías 9:6

Melel ayinemix jtul alal cu'untic, Dios la yac'botic jtul nich'anil, ja' te ac'bil yu'el ta mandalteswanej. Ja' me sbiilic ya xc'ot: “Jchajp nax Jtojteswanej”, “Dios te bayal yip”, “Tatil sbajt'el q'uinal”, soc “Ajwalil yu'un lamal q'uinal”.

Efesios 2:10

Melel ja' yat'elotic stuquel te Diose. La xchicnantesotic ta swenta Cristo Jesús, swenta yu'un ya jpastic te lequil at'elil te chajbanbil ta neelal to yu'un te Diose, swenta yu'un ja' me ya jt'untic ta beel stuquel.

Efesios 2:14

Ja' mero Jlamantesej-q'uinal cu'untic te Cristoe. La yac'otiquix ta jun nax lum te cha'chajp ayotique. Melel la sjinix te ts'ajc' xatojotic te bit'il jcontroinej jbatique. Ta swenta sbaq'uetal,

Efesios 2:16

Ta swenta bit'il la yac' sba ta lajel ta cruz te Cristo, jich la slajinbey sc'oplal te bit'il contro yiloj sbaic te cha'chajp lume. Soc tey la yac' junajuc yo'tan sbaic soc a te Diose, te bit'il la yac' ta jun naxe.

Colosenses 3:11

Ma'yuquix sc'oplal teme jyanlum o judio, te mach'a yich'oj circuncisión o te mach'a ma ba yich'oj circuncisión, soc lajix sc'oplal teme jyanlum soc teme bol winic, soc teme abate o teme libre aye. Te melel ja' nax ay sc'oplal te Cristoe, te ja' yu'un ta spisil soc ay ta swenta spisil.

Colosenses 3:15

Te lamal q'uinal yu'un te Diose ac'a swentainbeyex awo'tanic. Melel la yic'otic te Diose te jun nax ya xc'ootic ta jpisiltique, jich te bit'il jun nax ay te jbaq'uetaltique. Soc albeyaic wocol Dios yu'un spisil.