Efesios 2:13 - Bible in Tzeltal de Oxchuc y Tenejapa

¹³ Ta ora to ta swenta Cristo Jesús, manchuc teme q'uejel ayex ta neelal toe, ja'uc me to, la awich'iquix noptsanel ta swenta bit'il la smal xch'ich'el te Cristoe.

Nuevo Testamento Tzeltal de Amatenango

¹³ Pero te ora to, jun nax ayexix sok te Cristo Jesuse ta skuenta xchꞌichꞌel te stukel a smale. Te jaꞌex te nail toe ben jakal ayex, pero la stijilteselexix.

Bible in Tzeltal Bachajón

¹³ Pero ha'ex te namal ayex ta stojol Dios ta namey, ta ora ini, ta scuenta Cristo Jesús, la awich'iquix nohpojtesel tal ta scuenta sch'ich'el Cristo.

Efesios 2:13 Referans Kwoze

Hechos 2:39

Melel ja' awu'unic te albil sc'oplale, soc uuc te awal-anich'anique, soc ta spisil te mach'atic c'ubul ayique, chican te jayeb mach'a ya x'ic'ot yu'un te Cajwaltic Diose —xi'.

Isaías 57:19

Soc jich ya calbey ta spisilic: “Lamaluc me q'uinal awaiyic te c'ubul ayexe, soc lamaluc me q'uinal awaiyic te nopol ayexe. Jo'on ya jlamantesbey xchamel te lum cu'une”, xoon me.

1 Corintios 6:11

Ay nax la apasic jich ta neelal to uuc. Ja'uc me to, la awich'iquix poquel yu'un te Diose, soc ch'ultesbilexix soc libre c'oemex yu'un amulic ta swenta sbiil te Cajwaltic Jesús soc te Espíritu yu'un te Diose.

Isaías 43:6

Ya calbey te mach'a ay ta norte: “Sujt'esbon tel a”, ya me cut, soc ta bay sur: “Ma me x'acombon”, ya me cut. Ic'bon tel te jnich'nab queremetic soc te ach'ixetic, c'alal ta c'ubul q'uinal, ja' to ta sti'il te balumilale.

Apocalipsis 5:9

La sc'ajintayic jcum yach'il c'ayoj: “Ay ta awenta atuquel te ya xju' awu'un stsaquel te balbil june soc sjamel te selloetique. Yu'un la awich' milel, soc ta swenta ach'ich'el la amanbeyix yu'unin Dios tsobol ta jchajp sts'umbal ants-winiquetic te yanyantic sc'opique soc te yanyantic slumalique soc te yanyantic nacionetic ta balumilale.

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

Efesios 2:12

Ta neelal to, ma'yuquex ta swenta te Cristoe. Ma junuc ayex soc te lum Israele, soc ma'yuc ta awentaic te bila yaloj ta tratoetic te Diose. Jich nax cuxulex ta q'uinal. Ma'yuc smuc'ul awo'tanic soc ma'yuc Dios ta awo'tanic ta balumilal.

Efesios 1:7

La smanbotiquix jcoleltic ta swenta te xch'ich'ele. Jich la spasbotiquix perdón yu'un jmultic ta scaj te bayal yutsil yo'tan cu'untique.

Gálatas 3:28

Jich ma'yuquix judio, o griego, soc ma'yuquix moso o teme ay ta libre, soc ma'yuquix sc'oplal teme winic o teme antse. Melel jun nax c'oemex ta apisilic ta stojol te Cristo Jesuse.

2 Corintios 5:17

Jich yu'un, te mach'a jun nax c'oemix soc te Cristoe, yach'il ants-winiquix. Jilemix spisil te spocol cuxlejale. Ta ora to, la yich'ix ach'ubtesel ta spisil.

Isaías 66:19

Ya me cac'bey jun señail: ya me cac' te ay ya xcol loq'uel, soc ya me jticun bael ta nacionetic: ta Tarsis, ta Libia, ta Lidia, ja' te lum te ya sna'ic yaq'uel te t'ime, ta Tubal, ta Grecia, soc te lumetic te ayic ta ti'ti'mar. Ja' te mero ma'yuc bay yaiyojbonic te jc'oplale, soc te ma'yuc bay yilojbonic te xojobil cutsilale. Ja'ic te ticunbilic cu'un ya me yaq'uic ta na'el cutsilal ta bay te nacionetique.

Salmos 22:7

Te mach'atic ya yilon ya slabanonic; ya yixlan yeic soc ya sjimulay sjolic,

1 Pedro 3:18

Melel jich nix uuc te Cristoe, jc'axel nax c'ax swocol ta lajel yu'un te jmultique. Jich ya xju' te ya yic'otic ta stojol te Diose. Te jo'otic te ma tojuc co'tantic, ja' jeloltic ta woclajel stuquel te Mach'a toj yo'tane. Ac'ot ta lajel soc te sbaq'uetale, ja'uc me to, cha'cuxesot tel soc te xch'ulele.

Hebreos 9:18

Ja' swentail te ay ch'ich' la sc'an la yich' malel ta swenta xchajbanel te sbabial tratoe.

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

Jeremías 16:19

Cajwal, yipat co'tan soc jcanantaywanejat cu'un, ja' anjibalat cu'un ta ora nax yu'un te bila xiweltic sba te ya xtal ta jtojole. Ya me xtal ta atojol te nacionetique, ya xtalic ta sti'il balumilal, jich me ya yalbat: —Ja' nax lotil diosetic te la yu'uninic te jme'-jtatique te ma'yuc yutsil soc ni ma'yuc yu'el.

Romanos 8:1

Jich yu'un ta ora to, te mach'atic ayic ta swenta te Cristo Jesuse, ma'yuquix ta swentaic te castigo yu'un te smulique. [Ja' te mach'atic ma ba st'unojix pasel te bila swenta nax te sbaq'uetale, te ja' st'unojix ta pasel te bila swenta te Espiritue.]

Hechos 22:21

Ja'uc me to, te Cajwaltique la yalbon: “Baan me ta ora, yu'un ya jticunat bael ta c'ubul ta bay te mach'atic jyanlumetique”, la yuton —xi' te Pabloe.

Hechos 15:14

Te Simone la yalix caiytic te bit'il jajch' ta at'el Dios ta stojol te jyanlumetique, swenta yu'un ya stsa te mach'a lum ya xc'ot yu'un uuc.

Isaías 60:9

Barcoetic yilelic te pajal yacalic ta talele, soc te muc'ul barcoetic yu'un Tarsis te neel ay tel yu'une. Yacal ta yiq'uel tel ta c'ubul te anich'nab, soc oro soc plata, ta yich'el ta muc' te Awajwale, te Ch'ul Dios yu'un Israel, te mach'a t'ujbil awutsilal la spasate.

Isaías 60:4

Toya me jajch'el te asite, ilawil ta sjoyobal te q'uinale; spisil ya stsob sbaic soc ya xtalic ta atojol. Te queremetic awu'un c'ubul me ya xtalic; te ach'ixetic awu'un petbil me ya xtalic.

Isaías 49:12

Ilawilic, ya xtalic ta mero c'ubul q'uinal: ay ya xtalic ta stojol norte, ay ya xtalic ta stojol smalib c'aal, soc ay ya xtalic ta bay sq'uinal Asuán.

Isaías 11:10

Te bi c'aalil ya xc'ot ta pasele, ya xpulin te slojp' te' Isaí sbiil, te spul ya me xchicnaj jajch'el jichuc bandera, ta swenta señail ta stojol te lumetique. Te nacionetic ya me xba sleic; te awilal te banti aye, ay me yutsilal tey a.

Salmos 73:27

Te mach'atic ya xc'ubic ta atojol, ya me xlajic; ya me alajin te mach'atic ma junuc yo'tanic ta atojole.

San Juan 10:16

Ay yantic chijetic cu'un te ma to ochemuc ta bay in corral to. Puersa me ya quic' tel. Jich me ya yaiybonic stojol te jc'ope. Jich jtsojp nax chij ya xc'otic ta spisilic soc jtul nax jcanan-chij ya xc'ot yu'unic.

1 Corintios 12:13

Yu'un te c'alal la quich'tic ja' ta swenta te Espiritue, jich jun nax jbaq'uetaltic c'ootic ta jpisiltic. Manchuc teme judioetic o teme jyanlumetic o ayic ta mosoil o teme libre ayique, jun nax te Ch'ul Espíritu te la quich'tic ta jpisiltique.

Efesios 1:1

Jo'on Pabloon. Ayon ta jpuc-c'op yu'un Jesucristo ta swenta sc'anjel yo'tan te Diose. Ya jpatbeyex awo'tanic ja'ex te ch'ul lumex yu'un Dios soc te jun awo'tanic ta swenta Cristo Jesús te ayex ta lum Efeso.

Efesios 2:2

Melel c'aemex ta mulil ta neelal to. Ja' la anopic te bila ay ta pasel ta swenta nax in balumilal to, soc ja' la apasbeyic sc'anjel yo'tan te pucuje te yich'oj yat'el ta sjamalul q'uinal soc te yac ta at'el ta yo'tanic te jc'axintayej-mandaletique.

Efesios 2:6

Jich la xcha'cuxesotic soc Cristo Jesús, soc ja' nanix jich la snajc'anotic soc Cristo Jesús ta bay ch'ulchan.

Efesios 2:10

Melel ja' yat'elotic stuquel te Diose. La xchicnantesotic ta swenta Cristo Jesús, swenta yu'un ya jpastic te lequil at'elil te chajbanbil ta neelal to yu'un te Diose, swenta yu'un ja' me ya jt'untic ta beel stuquel.