Efesios 2:12 - Bible in Tzeltal de Oxchuc y Tenejapa

¹² Ta neelal to, ma'yuquex ta swenta te Cristoe. Ma junuc ayex soc te lum Israele, soc ma'yuc ta awentaic te bila yaloj ta tratoetic te Diose. Jich nax cuxulex ta q'uinal. Ma'yuc smuc'ul awo'tanic soc ma'yuc Dios ta awo'tanic ta balumilal.

Nuevo Testamento Tzeltal de Amatenango

¹² Naꞌaik me te ay kꞌaal maꞌyukex ta skuenta te Cristoe. Parte ayex sok te nasion yuꞌun Israele, y maꞌyuk awochelik a te trateetik sjapꞌoj te Diose. Jich nax kuxulex ta balmilal. Maꞌyuk Dios awuꞌunik y ni maꞌyuk tut ya amaliyik.

Bible in Tzeltal Bachajón

¹² Ta hich ora mayuquex ta stojol te Cristo, ma junuc alumalic soc te Israel, ma ba ochemex tey ta chapbil-c'opetic yu'un te bin yaloj Dios, mayuc smuc'ul awo'tanic soc ma ba joquimbilex yu'un Dios ta bahlumilal.

Efesios 2:12 Referans Kwoze

Gálatas 4:8

Ta namey tel ma la ana'beyic sba te Diose, ja' la awac' abaic ta abatinel yu'un te bitic ay ta balumilal te ma diosuque.

Colosenses 1:21

Te ja'exe q'uejel ayex ta neelal to, soc contro la awil abaic ta awo'tanic soc te Diose, yu'un c'aemex ta spasel spisil te bila ma lecuque.

1 Pedro 1:3

Jelawen yutsil te Diose, te Stat te Cajwaltic Jesucristoe. Yu'un ta scaj nax te bayal xc'uxul yo'tan ta jtojoltic te la yac' cha'ayinucotic xan ta swenta bit'il cha'cux tel ta bay animaetic te Jesucristoe. Jich cuxul spisil ora te smuc'ul co'tantique.

1 Tesalonicenses 4:13

Quermanotac, ya jc'antic te ya ana'ic stojol ta lec te bit'il ay sc'oplal yu'un Dios te mach'atic wayemix sbaq'uetalic, swenta yu'un ma me jichuc ya amel awo'tanic te bit'il ya smel yo'tanic te mach'atic ma'yuc bila smuc'ulinej yo'tanique.

Efesios 4:18

Ay ta ijc' q'uinal te yo'tanique. Ma'yuquic ta stojol te Diose yu'un ma'yuc bi ya sna'ic ta scaj te boloben te yo'tanique.

Ezequiel 37:26

Ya me jpas trato soc, swenta yu'un ay me lamal q'uinal ya yaiyic ta nainel spisil ora. Sbajt'el me q'uinal ay sc'oplal te trato ya jchap soque. Ya cac' esmajuc yajtalulic; sbajt'el me q'uinal ya cac' ta yolilic te ch'ul templo cu'une.

1 Tesalonicenses 4:5

Ma me scajuc nax xchijilil abaq'uetalic te ya awic' awinaminic te antse, jich bit'il ya spasic te ants-winiquetic te ma sna'beyic sba te Diose.

San Juan 15:5

“Jo'on mero smuc'ul yac'ulon. Te ja'exe sc'abc'abex. Te mach'a jc'axel ainem ta jtojole soc teme ainemon ta stojole, jich me ya yac' sit ta lec stuquel. Xujt' ma'yuc bi ya xju' awu'unic spasel teme q'uejel ya awac' abaique.

Hebreos 6:18

Jich ay cheb te bila ma xch'ay sc'oplal, te melel ma xju' ya spas lot stuquel te Diose. Jich ay yip co'tantic te jayebotic te la jtatiquix coltayel yu'un te Diose soc te jun co'tantic yacotic ta smaliyel te bila yaloje.

Romanos 9:8

Jich ya jna'tic te ma'yuc mach'a yal-snich'an Dios ya xc'ot ta swenta nax te sts'umbale. Ja' nax mero yal-snich'an Dios stuquelic te mach'atic ayic ta swenta te bila la yalbey sc'oplal te Diose.

2 Crónicas 15:3

Te israeletic ma'yuquic ta stojol Dios bayal c'aal, ma'yuc sacerdote p'ijtesotic yu'un, ni ma'yuc ta alel ta stojolic te smandal Diose.

1 Pedro 3:15

Ich'aic ta muc' ta awo'tanic te Cajwaltic Cristoe. Chapaluquex me spisil ora ta sujt'esbeyel sc'opic te mach'atic ya sjojc'obat te bit'il ay te bin nax awo'tanic ta smaliyel te bila ya x'ac'botex ta apisilic yu'un te Diose. Lamaluc me awo'tanic ta stojolic soc sbelal me xc'opojex.

Hechos 28:20

Jich yu'un la quiq'uex tel te ya xc'opojon ta atojolique. Melel te bit'il chuculon ta cadena ya awilique, ja' nax ta scaj te bila smuc'ulinej co'tantic ta smaliyel jo'otic te israelotique —xi' te Pabloe.

Hechos 3:25

Ja'ex ya xc'ot ta awentaic te bila ya yal te j'alwanejetique soc ay ta awentaic te trato yaloj Dios ta stojol te antiguo jme'-jtatique, te jich la yalbey te Abrahame: “Ta swenta te ats'umbale, ya me yich' bendición spisil ta jchajp ants-winiquetic”, te xie.

Jeremías 17:13

Cajwal, ja' smuc'ulat yo'tan te Israel; spisilic te mach'a ya yijq'uitayat ta yo'tanique ya xjilic ta q'uexlal. Spisil te mach'a c'ubul ya yac' sba soc yo'tan ta atojole, ya xch'ay ta jc'axel, jichuc biilil te ts'ibubil ta ts'ubil lum. Ya xch'ay, ta scaj te ya yijq'uitayate, ja'at te sloq'uibja' te siquet nax awa'lel c'oeme.

Génesis 15:18

Jich yorail a te Abram albot yu'un te Cajwaltic ta swenta trato: —Yu'un ats'umbal ya xc'ot cu'un in q'uinal to c'alal ta beja' yu'un Egipto, c'alal ta muc'ja' Éufrates,

1 Juan 3:3

Spisil mach'a yac ta smaliyel te jich ya xc'ote, ac'a me yutstes te yo'tane, jich te bit'il yo'tan te Jesucristoe.

1 Pedro 1:21

Ja' ta swenta Cristo te ach'uunejiquix te Diose, te la yich' cha'cuxesel ta bay animaetic, soc te ac'ot ta ich'el ta muq'ue. Ja' swentail te awac'oj xch'uunjel awo'tanic soc smuc'ul awo'tanic ta stojol te Diose.

Hebreos 11:34

soc ju' yu'unic stup'el yip te c'ajq'ue, soc ju' yu'unic te ma la yich'ic milel ta puñal te bit'il chapal sc'oplalique, soc ac'bot stulanilic te mach'atic ma'yuc yipique, soc ju' yu'unic guerra, soc ju' yu'unic snutsel bael te soldadoetic yu'un te yajcontroique,

1 Timoteo 1:1

Jo'on Pabloon te ayon ta jpuc-c'op yu'un te Jesucristoe ta swenta smandal te Diose, te ja' Coltaywanej cu'untique, soc uuc te Cajwaltic Jesucristo, te ja' smuc'ul co'tantic stuquele.

2 Tesalonicenses 2:16

Ja' nix te Cajwaltic Jesucristoe soc te Jtatic Diose te c'uxotic ta yo'tane soc te yac'ojbotic smuc'ul co'tantic sbajt'el q'uinale, soc te ay bi ya jmaliytic ta swenta yutsil yo'tan cu'untique,

Colosenses 1:27

Jich la sc'an yo'tan Dios te ya yac'botic jna'tic in c'op to te muquen aye, ja' te c'op te jelawen yutsil ta aiyel stojol yu'un spisil te jyanlumetique: Ja' te bit'il ya x'ain ta awo'tanic te Cristoe, swenta yu'un jun awo'tanic ta smaliyel te ya awich'ic ta patil te yutsilal te Diose.

Colosenses 1:5

Jun awo'tan amaliyejic te bila q'uejbil yu'un Dios ta ch'ulchane, ja' to jajch'ex ta smaliyel a te c'alal la awaiyic stojol te smelelil c'ope, ja' bi ja' te lec yach'il c'ope.

San Juan 10:16

Ay yantic chijetic cu'un te ma to ochemuc ta bay in corral to. Puersa me ya quic' tel. Jich me ya yaiybonic stojol te jc'ope. Jich jtsojp nax chij ya xc'otic ta spisilic soc jtul nax jcanan-chij ya xc'ot yu'unic.

San Juan 4:22

Te ja'exe ma x'ana'ic te mach'a ya alajin abaic ta stojole. Yan te jo'otique ya jna'tic te mach'a ya jlajin jbatic ta stojole, melel ta swenta nax judioetic te ya xchicnaj colele.

San Lucas 1:72

Yaloj te ya xc'uxtay te namey q'uinal jme'-jtatique, soc te ma xch'ay ta yo'tan te ch'ul trato yaloje.

Oseas 3:4

Melel te israeletic mero bayal c'aal jich nax ayic: Ma'yuc muc' ajwalil, ni ch'in ajwaliletic yu'unic, ma'yuc milbil majt'anil, ni ma'yuc tejc'anbil toneticte ch'ultesbil yu'unique, ma'yuc sc'u' sacerdoteetic, ni yajcananic ta nanatic.

Ezequiel 13:9

Ya me jtoy jc'ab, ya me cac'bey castigo te lotil j'alwanejetic, ja' te mach'atic ma'yuc bila ya cac'bey yilic, soc te slotic te bi ya yalbeyic sc'oplal te ya xc'ot ta pasele. Ma me xju' ya xbajt'ic ta tsoblej soc te lum Israel cu'une. Ma me ba ya yich' ts'ibuyel sbiilic ta lista yu'un israeletic, soc ma xju' ya x'ochic bael ta slum-sq'uinal Israel. Jich me ya ana'ic te jo'on te Ajwalilone’, xi' te Cajwaltic”, uta me —xi'.

Jeremías 14:8

Ja' smuc'ulat yo'tan te Israel, jcoltaywanejat cu'untic c'alal bi ora ay jwocoltic. ¿Bistuc ya acuy aba ta jyanlum ta yutil te lum cu'untique? ¿Bistuc te jichat nax te bit'il beom te ja' nax ya xc'ax ajc'ubal awu'un?

Isaías 45:20

Te Cajwaltic ya yal: —Tsoba abaic, la'ic, noptsajanic tel ta apisilic te jaychajp mach'atic cuxulex to ta lumetique. Mero ma'yuc bi ya sna' te mach'atic ya sbeentesic yajcananic te pasbil ta te', te ya xjajch' sc'oponic te sdiose, te ma xju' ya xcoltayotic yu'une.

Isaías 44:6

Te Cajwaltic, ja' te muc' ajwalil soc J'ac'wanej ta libre yu'un Israel. Te Cajwaltic te Spisil ya xju' yu'une, ya yal: —Jo'on ayon ta sbabial soc ta slajibal; ma me ayuc yan dios jich te bit'ilone.

Esdras 4:3

Pero te Zorobabel, te Josué soc te yantic jwentainwanejetic yu'un juju-jchajp na yu'un israeletic, jich la yalbeyic: —Ma xju' teme ya jointiquex ta xcha'pasel te templo yu'un te Diose. Ta jtuqueltic ya jcha'pastic te templo yu'un Cajwaltic, te Dios yu'un Israel, melel jich la spasotic ta mandal te Ciro te muc' ajwalil yu'un Persia —la yutic.

Números 18:19

Spisil te spatanic te israeletic te ya sloq'uesbonic ta jwenta, ja' ya cac'bat te ja'at soc te anich'nab queremetic ach'ixetic te nainemat soque. Ja' me mandalil cu'un sbajt'el q'uinal. Ja' trato te ma xyanaj sc'oplal sbajt'el q'uinal, te ya cac' ta atojol ja'at soc te ats'umbale —xi' te Cajwaltique.

Isaías 61:5

Te jyanlumetic ja' me ya yac' sbaic ta scanantayel te chijetique, te c'alc'altique, soc te ts'usubiltic awu'unic te ja'exe.

Isaías 14:1

Ta smelelil, te Cajwaltic ya me xc'uxtabey sts'umbal te Jacob. Jich me yach'il xan ya xc'ot ta tsael yan buelta te lum Israel, jich me ya yac' najc'ajuc ta sq'uinalic. Te jyanlumetic ya me xnoptsajic bael ta stojolic, jun me ya yac' sbaic soc te sts'umbal Jacob.

Ezequiel 47:22

Ja' me te ya yich' aq'uel awu'uninic, soc nix te jyanlumetic nainemic ta awolilic, te ay yal-snich'nabique. Jichuc me ta awo'tanic te bit'il ayinemic ta Israel. Te c'alal ya apuquic te lumq'uinal ta stojol te sts'umbal Israel, ya me yich'ic uuc.

Hechos 2:39

Melel ja' awu'unic te albil sc'oplale, soc uuc te awal-anich'anique, soc ta spisil te mach'atic c'ubul ayique, chican te jayeb mach'a ya x'ic'ot yu'un te Cajwaltic Diose —xi'.

Efesios 2:19

Jich yu'un te ja'exe, ma jyanlum ayuquexix te jbeomex nax te ayex ta bay ma ja'uc aq'uinalique. Pajal alumal abaiquix soc spisil te mach'atic ch'ul lum yu'un te Diose. Yal-snich'anexix Dios uuc te ja'exe.

Hebreos 8:6

Yan te Muc' Sacerdote cu'untique, c'axem to xan ay bayal yutsilal yat'el yich'oj. Soc ja' tejc'anbil ta c'op ta xchajbanel te yach'il trato te c'axem to xan ay yutsilale, te ja' chajbanbil ta swenta te bila yaloj te Diose.

Éxodo 12:45

Ma me ayuc jtuluc jyanlum winic, manchuc me c'axel nax ay, o nainem tey a, o ay ta le-at'el, ma me xju' ya sti' te chambalame.