Efesios 2:10 - Bible in Tzeltal de Oxchuc y Tenejapa

¹⁰ Melel ja' yat'elotic stuquel te Diose. La xchicnantesotic ta swenta Cristo Jesús, swenta yu'un ya jpastic te lequil at'elil te chajbanbil ta neelal to yu'un te Diose, swenta yu'un ja' me ya jt'untic ta beel stuquel.

Nuevo Testamento Tzeltal de Amatenango

¹⁰ Yuꞌun jaꞌ te Dios te machꞌa la spasotike. Stukel a xchiknatesotik ta skuenta te Cristo Jesuse, yuꞌun ya jpastik te lekil aꞌtele, jich tutꞌil xchapoj te nail toe yuꞌun jich me ya kaꞌtelintik spasel.

Bible in Tzeltal Bachajón

¹⁰ Ha ya'telotic te Diose, pasbilotic ta scuenta Cristo Jesús yu'un ya jpastic te lequil a'teliletic te schahpanej ta nahil to te Dios te ya jpastique.

Efesios 2:10 Referans Kwoze

Filipenses 2:13

Melel yac ta at'el ta awo'tanic te Diose. Ja' me ya yac' ta awo'tanic sna'el te bila lec yo'tan yu'une, soc ya me scoltayex ta spasel.

Colosenses 1:10

Swenta yu'un jich ya xju' awu'unic te toj ya x'ainex ta q'uinal te bit'il yu'unex te Cajwaltique, soc te jich ya xju' awu'unic spasel spisil ora te bila lec yo'tan yu'une. Ac'a sitinuc awu'unic spisil ta jchajp te lequil at'elile, jich me ya x'esmaj xan te bit'il ya ana'beyic sba te Diose.

Hebreos 13:21

Ja' me ya yac' ju'uc awu'unic spasel spisil te lequil at'elile, swenta yu'un jich me ya apasbeyic te sc'anjel yo'tan stuquele, soc ja' ac'a at'ejuc ta awo'tanic ta apisilic ta spasel te bila lec yo'tan yu'un ta swenta te Jesucristoe. ¡Jelawen yutsil sbajt'el q'uinal stuquel te Cristoe! Jichuc.

2 Corintios 5:17

Jich yu'un, te mach'a jun nax c'oemix soc te Cristoe, yach'il ants-winiquix. Jilemix spisil te spocol cuxlejale. Ta ora to, la yich'ix ach'ubtesel ta spisil.

2 Corintios 9:8

Ya xju' yu'un te Diose te ya yesmantesbeyex spisil ta jchajp bendición, swenta yu'un jich me ma'yuc falta ya awaiyic spisil ora te bila ya xtuun awu'unique, soc jich me ay sobrail awu'unic te ya xju' awu'unic spasel bayal ta jchajp lequil at'elil.

Efesios 4:24

C'u'inaic te yach'il cuxlejal yu'un Dios te la xchicnantes te pajal yilel soque. Jich me ya xchicnaj te toj awo'tanic ya x'ainex ta q'uinale soc te ch'ultesbil awo'tanic ta swenta te smelelil c'ope.

Filipenses 1:6

Xch'uunej co'tan te Dios ya sju'tes te lequil at'elil te la sjajch'es ta pasel ta awo'tanic, ja' to te bi ora ya xtal te Jesucristoe.

2 Timoteo 3:17

soc swenta yu'un jich me chapal ya xc'ot te yabat te Diose. Jich me p'ijuben ta lec ta spasel spisil te lequil at'elile.

Efesios 4:1

Jo'on ayon ta chuquel ta swenta te Cajwaltique, ya calbeyex bayal wocol te lec me xcuxinex ta q'uinal te bit'il ic'bilex yu'un te Diose.

2 Timoteo 2:21

Jich yu'un teme ay mach'a la yutstes xan sba ta leque, t'ujbil me ya xc'ot. Jich yu'un ch'ultesbil me ya xc'ot yu'un te Cajwaltique, jich me chapal ya xc'ot yu'un spasel spisil te lequil at'elile.

Salmos 100:3

Na'beyaic sba te Cajwaltic te ja' Dios stuquele. Ja' la spasotic, ja' yu'unotic; lumotic yu'un, soc chijotic c'oem te yac'ojotic ta yax aquiltic yu'une.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

Isaías 43:21

Ja' te lum te chajbanbil cu'une, swenta yu'un ya yalbonic yutsil jc'oplal.

Efesios 1:4

Namey tsabilotic yu'un Dios ta swenta Cristo te c'alal ma to chicanuc a te balumilale, swenta yu'un ya xch'ultesotic soc ma'yuc bila ts'ilajemotic yu'un a te ya jtejc'an jbatic ta stojole.

1 Timoteo 6:18

Albeya te ac'a yat'elinic spasel spisil te bila lec ta pasele. Ja'uc me sc'ulejalic ya xc'ot te lequil at'eliletic ya spasique. Toyoluc me yo'tanic ac'a yaiyic c'uxtaywanej soc majt'anteswanej.

Tito 3:14

Te mach'atic pajal jch'uunejtic Dios soque ac'a me snopic spasel te bila leque. Ya sc'an ya xc'uxtayic te mach'atic ay yo'bolil sbaic ta q'uinale, swenta yu'un ma tojoluc cuxul ta q'uinal te mach'atic xch'uunejic te Diose.

Hebreos 10:24

Ya sc'an te talel c'axel ya jech jtijbey jba co'tantic te c'uxuc ya caiy jbajtic ta jpisiltique soc te yacuc jpastic spisil te lequil at'elile.

Tito 3:8

Mero smelelil in c'op to, soc ya jc'an te ja' ya awat'elin yalel spisil ora ta stojol te mach'atic xch'uunejic te Diose, swenta yu'un jich me ya yat'elinic spasel spisil te bila lec ta pasele. Melel ja' lec te jich ya spasique, soc ja' ya xtuun yu'un spisil ants-winiquetic.

Colosenses 3:10

C'u'inaic me te yach'il acuxlejalic te yanyan ta ach'ubele, ja' to teme pajal c'oex soc te Jpaswaneje, yu'un jich me ya ana'beyic sba ta lec.

Tito 2:7

Soc te ja'ate ac'a me ta ilel lequil ejemplo ta swenta te lequil at'elile. Te c'alal ya ap'ijubtese, ts'acal me xawal, soc bayaluc me sc'oplal ta awo'tan.

1 Corintios 3:9

Melel te jo'otique, yaj-at'elotic te Diose. Te ja'exe, c'aljibalex yu'un te Diose. Soc pasbil naex yu'un te Diose.

1 Pedro 2:12

Jich yu'un ma me amenuc awat'elic ta stojol te jyanlumetique. Melel ya smuquen ayantayex soc scuyojex te amen te awat'elique. Ja'uc me to, manchuc teme amen awat'elic ta sc'opique, tey me ya sna'ic stojol a te bit'il lec te awat'elique, soc tey me ya yalbeyic lec sc'oplal a te Diose te bi ora ya xtal te colele.

Tito 3:1

Albeyaic xan te ya sc'an ya yich'ic ta muc' te ajwaliletique soc spisil te mach'a yich'oj yat'elique. Ac'a xch'uunbeyic smandal, soc toyoluc me yo'tanic ta spasel spisil te lequil at'elile.

1 Juan 2:6

Teme ay mach'a ya yal te jun ayix soc te Diose, jichuc me xcuxlejal te bit'il c'ax ta q'uinal stuquel te Jesucristoe.

Salmos 138:8

Te Cajwaltic bayal me yutsil ya yac' c'otuc ta pasel ta jtojol te yat'ele. Cajwal, sbajt'el q'uinal ay te xc'uxul awo'tan; ts'acal me xapas te bila jajch'em ta pasel awu'une.

Isaías 29:23

Melel te c'alal ya yil te sts'umbal te bila jpasojbey te slumale, ya me sna'ic ta c'axem to xan te Jo'on Ch'ul Dioson. Jich ya me xi'onic, jo'on te Ch'ul Dioson yu'un Israel.

San Mateo 5:16

Ja' nanix jich te ja'exe tilemex jichuc luz ta stojol te ants-winiquetique, melel teme ya yilic te lequil at'elil ya apasique, jich me ya yalbeyic yutsilal te Jtatic te ay ta ch'ulchane.

San Juan 3:21

Yan te mach'atic ya spas te bila smelelile, ya xtalic ta bay te saquil q'uinale. Jich ya xchicnaj ta ilel te bit'il ja' ta swenta Dios spisil te yat'elic yacalic ta spasele.

Salmos 51:10

Dios cu'un, pocbon ta lec te co'tane. Ac'bon xan yach'il sbujts' co'tan te toj ya x'ainon yu'une.

2 Tesalonicenses 2:17

ac'a me yac'beyex yip awo'tanic soc stulanil awo'tanic. Jich me lec spisil te bila ya awalique soc te bila ya apasique.

Romanos 8:29

Melel te mach'atic namey to na'bil sbaic yu'un te Diose, xjajch'ibal to tel chapal sc'oplalic yu'un Dios te bit'il pajal yilelic ya xc'ot soc te Snich'ane, swenta yu'un ja' sbabial ya xc'ot ta yolil te tsobol yijts'inabe.

Hechos 9:31

Jich yu'un, lamal nax q'uinal la yaiyic spisil te jch'uunjeletic ta spamal sq'uinal Judea soc ta sq'uinal Galilea soc ta sq'uinal Samaria. Jich la sta yip yo'tanic ta lec soc la xi'ic spisil ora te Cajwaltique, soc esmajic xan ta swenta bit'il la yich'ic coltayel yu'un te Ch'ul Espiritue.

Jeremías 31:33

Ja' in to ja' te trato ya jpas soc Israel c'alal ya sta sc'aalelal: Ya jts'ibubey ta yo'tanic te jmandale, soc ya me cac'bey ta sjolic. Jo'on me Dioson yu'unic, soc ja'ic me lum cu'un. Jo'on Ajwalilon, jich ya cal.

Isaías 60:21

“Spisil te alumale lec me yo'tanic ya xc'ot; ja' me yajwalic sbajt'el q'uinal te alumale. Ja' spulic te te' te jo'onix la jts'un jtuquele; ja' te at'el la jpas soc te jc'abe, yu'un jich ya cac' ta ilel te cutsilale.

2 Corintios 5:5

Ja' swentail te Dios te jich la spasbotic te jich ya xc'ootic ta patil yu'une. Soc ja' nix yac'ojbotiquix te Ch'ul Espíritu, te ja' seña quich'ojtiquix te bila ya yac'botic xan quich'tic ta patile.

Isaías 44:21

Te Cajwaltic ya yal: —Israel, te lumat yu'un Jacob, na'a me te ja'at cabatate; ja'at cabatat, melel jo'on la jchajbanat. Israel, ma me xch'ayon ta awo'tan.

1 Timoteo 5:25

Ja' nanix jich uuc ay ya xchicnaj ta comonsitil ta ora te bila lec ya spasique. Soc manchuc teme ma xchicnaj ta orae, ma xju' ta naq'uel.

1 Timoteo 2:10

Ja'uc me xch'alil ya xc'ot te lec yat'elique. Yu'un jich nix ya sc'an pasel yu'un spisil antsetic te jun yo'tan xch'uunejic te Diose.

Deuteronomio 5:33

Ja' me xat'unic te be la yac'beyex awilic Cajwaltic te Dios cu'untique, swenta yu'un jich me lec ya x'ainex a, soc jich me ya xnainex bayal ja'wil ta lumq'uinal te ya yac'beyex awu'uninique.

1 Timoteo 5:10

Soc ya sc'an te lec sc'oplal yu'un te yat'el spasoje, jich bit'il teme jun yo'tan la xch'ijtes te yalataque, soc teme ya xnajc'anwane, soc teme ay la spocbeyix yacan te mach'atic ch'ul lum yu'un te Diose, soc teme ay la xc'uxtayix te mach'atic ay swocolique, soc teme c'aem ta spasel spisil te lequil at'elile.

1 Juan 1:7

Yan teme ayotic ta bay te saquil q'uinale, jich bit'il ja' saquil q'uinal stuquel te Diose, jich jun nax ayotic ta jpisiltic abi, soc jich ya spocbotic spisil jmultic ta xch'ich'el te Jesucristoe, ja' te Snich'an te Diose.

Hechos 9:36

Ta lum Jope ay jtul jnopojel tey a te Tabita sbiil te Dorcas sbiil ta griego-c'ope. Yat'elinej spasel lequil at'elil soc la sq'uebanbey me'baetic te sbiluque.

Isaías 61:3

te mach'atic ay swocolic ta Sión tal cac'bey scorona swenta sjelol te c'ajc'al tane, tal cac'bey yutsil q'uinal yaiyic te mach'atic smeloj yo'tanique, tal jc'atp'unbey ta yutsilal c'ayoj te woclajel ya yaiy ta yo'tanique. Ya me x'ac'bot sbiilic: “C'antulan swenta toj-o'tanil”, te ja' nix sts'unoj te Cajwaltic swenta yu'un ya yac' ta ilel a te yutsilale.

Isaías 19:25

Te Cajwaltic te Spisil ya xju' yu'un, ya me yac'bey bendición, jich me ya yal: —Ya cac'bat bendición Egipto te lumat cu'un, soc ja'at Asiria te cat'elat, soc ja'at Israel te mero cu'unat atuquel —xi' ta yalel.

Salmos 119:3

ja' te mach'atic ma'yuc bila amen ya spasic, yu'un ja' st'unojbeyic sbe te Cajwaltique.

Salmos 81:13

Te lajuc yaiybon jc'op te lum cu'une, te lajuc st'unbon te beetic cu'un te Israel,

Gálatas 6:15

Melel ta swenta Cristo Jesús, ma'yuquix sc'oplal teme quich'ojtic circuncisión, o teme ma ba quich'ojtique. Ja' ay sc'oplal teme ach'ubenotiquixe.

Romanos 8:1

Jich yu'un ta ora to, te mach'atic ayic ta swenta te Cristo Jesuse, ma'yuquix ta swentaic te castigo yu'un te smulique. [Ja' te mach'atic ma ba st'unojix pasel te bila swenta nax te sbaq'uetale, te ja' st'unojix ta pasel te bila swenta te Espiritue.]

Deuteronomio 32:6

¿Jich bal ya sc'an tojel awu'unic te Cajwaltique? Jbol-o'tan lum, te ma'yuc sp'ijil awo'tanic, ¿ma bal ja'uc atatic jiche, ma bal ja'uc jpaswanej awu'unic? ¡Ja' la spasex, soc la yac'beyex acuxlejalic!

Efesios 2:2

Melel c'aemex ta mulil ta neelal to. Ja' la anopic te bila ay ta pasel ta swenta nax in balumilal to, soc ja' la apasbeyic sc'anjel yo'tan te pucuje te yich'oj yat'el ta sjamalul q'uinal soc te yac ta at'el ta yo'tanic te jc'axintayej-mandaletique.

Isaías 43:7

Ic'bon tel spisilic te mach'atic yich'ojbonic te jbiile, te mach'atic la jchicnantes soc te la jchajbane, ja' te mach'atic la jpas swenta yu'un ya xchicnaj a te cutsilale.

Efesios 1:1

Jo'on Pabloon. Ayon ta jpuc-c'op yu'un Jesucristo ta swenta sc'anjel yo'tan te Diose. Ya jpatbeyex awo'tanic ja'ex te ch'ul lumex yu'un Dios soc te jun awo'tanic ta swenta Cristo Jesús te ayex ta lum Efeso.

Efesios 2:6

Jich la xcha'cuxesotic soc Cristo Jesús, soc ja' nanix jich la snajc'anotic soc Cristo Jesús ta bay ch'ulchan.

Efesios 2:13

Ta ora to ta swenta Cristo Jesús, manchuc teme q'uejel ayex ta neelal toe, ja'uc me to, la awich'iquix noptsanel ta swenta bit'il la smal xch'ich'el te Cristoe.

Efesios 2:15

te Cristo la slajinbey sc'oplal te mandalil soc te bitic chapal yu'une. Jich jun nax la yac' ta yach'il te cha'chajp lume, jun nax c'ot ta stojol.