Efesios 2:1 - Bible in Tzeltal de Oxchuc y Tenejapa

¹ Jich te ja'exe, Dios la yac'beyex acuxlejalic te c'alal lajemex yu'un te la ac'axintayic mandal soc te la ale amulique.

Nuevo Testamento Tzeltal de Amatenango

¹ Ta nail to te jaꞌexe chamenex kꞌoem ta skaj te kꞌayemex ta pasel tutik ma tsaꞌamuke y sok te muliletike,

Bible in Tzeltal Bachajón

¹ Ta nahilal chamenex ta scaj ac'axun-mandaric soc amulic,

Efesios 2:1 Referans Kwoze

Colosenses 2:13

Te ja'exe lajemex yu'un te mulile soc ma ba awich'ojic circuncisión te abaq'uetalique. Ja'uc me to, Dios la yac'beyexix acuxlejalic soc Cristo te bit'il la spasbeyex perdón yu'un spisil te amulique.

Romanos 8:2

Melel te mandalil yu'un te Espiritue, ja' ya yac' cuxlejal ta swenta te Cristo Jesuse, jich colon loq'uel ta libre yu'un te mulile soc te lajele.

Efesios 4:18

Ay ta ijc' q'uinal te yo'tanique. Ma'yuquic ta stojol te Diose yu'un ma'yuc bi ya sna'ic ta scaj te boloben te yo'tanique.

San Juan 5:21

Melel te Jtatic Diose ya me xcuxes te animaetique, soc ya yac'bey xcuxlejal. Ja' nanix jich uuc te Nich'anile ya me yac' cuxinuc uuc te mach'atic ya sc'an yo'tan te ya yac' cuxinuque.

1 Juan 3:14

Te jo'otique jna'ojtic stojol te jilemix cu'untic ta bay te lajele, ayotiquix ta swenta cuxinel. Ja' swentail te c'ux ya caiytic ta co'tantic te quermanotactique. Te mach'a ma c'uxuc ya yaiy ta yo'tan te yermanoe, yu'un nanix jc'axel ay to ta swenta lajel a.

San Juan 14:6

Jesús la yalbey: —Jo'on te beone, te smelelilone, soc te cuxlejalone. Jtul ma'yuc mach'a ya xtal ta stojol Jtat, jo'on nax ta jwenta.

Efesios 5:14

Ja' swentail te jich ay ta alele: “Wic'a asit, ja'at te wayalate, jajch'an tel ta bay te animaetique. Ya yac' tiluc saquil q'uinal ta atojol te Cristoe”, te xie.

1 Timoteo 5:6

Ja'uc me to, te me'ba ants te ja' nax baem ta yo'tan spisil te bila smulanej te sbaq'uetale, lajemix c'oem te bit'il cuxul to ta q'uinale.

San Juan 5:25

Jamal ya calbeyex, ya me sta yorail soc yorailix in to, te animaetic ya me yaiybeyic stojol sc'op te Snich'an te Diose. Te mach'a ya yaiy stojole, ya me xcuxinic yu'un.

1 Corintios 15:45

Jich bit'il ts'ibubil jilel ta Sjun te Diose: “Te sbabial winique, ja' te Adane, ac'bot xcuxlejal soc te sbaq'uetale”, te xie. Yan te slajibal Adane, J'ac'cuxlejal ta swenta te Espíritu stuquel.

San Juan 10:10

“Te mach'a j'eleq'ue, ja' nax ya xtal elc'ajuc, milawanuc, jinwanuc. Yan te jo'one ja' talon yu'un te ya cac'bey xcuxlejalique, swenta yu'un jich me ay yutsilal te xcuxlejalique.

Apocalipsis 3:1

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Sardis: Te mach'a yic'oj juqueb Espirituetic yu'un te Diose soc te yich'oj juqueb eq'uetique, jich la yal: Jo'on quilojbat spisil te awat'ele. “Cuxul”, xi' ac'oplal, ja'uc me to, lajemat ya quil jtuquel.

San Lucas 15:32

Ja'uc me to, snujp' te ya jpastic q'uine, yu'un ay sbujts' co'tantic. Melel te awijts'ine lajemix, ja'uc me to, cha'cuxemix. Jc'axel ch'ayem ta jc'op, ja'uc me to, la jtaix”, xi' te state —xi' ta yalel te Jesuse.

San Lucas 15:24

Melel in jnich'an to, lajemix la caiy, ja'uc me to, cha'cuxemix”, xi' te state. Jich och spasic te q'uine.

San Mateo 8:22

Jich la yalbey te Jesuse: —Te ja'ate ts'aclinawon bael. Ja' ac'a smuquic te anima te mach'atic pajal anima soque —la yut.

2 Corintios 5:14

Melel ja' ya sujotic ta co'tantic ya caiytic te xc'uxul yo'tan te Cristoe. Yu'un ya jna'tic te laj yu'un spisilic te jtule, jich lajic ta spisilic.

Génesis 8:21

Te Cajwaltic la yaiybey sbujts' yic' te milbil smajt'ane, jich yu'un la yal ta yo'tan: “Ma'yuc bi ora ya cac'bey xan castigo te balumilal ta scaj te ants-winiquetique, melel ta yalalil to tel mero ma lecuc te bitic ya snopilay ta yo'tanic. Ma ba ya jtup' xan bitic cuxajtic ta q'uinal jich bit'il te la jpasixe.