Efesios 1:8 - Bible in Tzeltal de Oxchuc y Tenejapa

⁸ Soc la yac'botic ta c'axem to xan spisil te sp'ijil co'tantic soc sp'ijil joltic.

Nuevo Testamento Tzeltal de Amatenango

⁸ Dios la yaꞌbotik kiltik te slekil yoꞌtane sok la yaꞌbotik spisil pꞌijilil y sok rasonil.

Bible in Tzeltal Bachajón

⁸ te c'ax bayel la ya'botic soc spisil p'ijil-o'tanil soc bintic ay ta na'el.

Efesios 1:8 Referans Kwoze

Apocalipsis 5:12

Tulan yacalic ta aw te jich la yalique: “Te Alalchij te la yich' milele, ay ta swenta yich'el yu'el, soc sc'ulejal, soc sp'ijil, soc yip. Ay ta ich'el ta muc' soc te yutsilale”, xiic ta aw.

Colosenses 2:3

Stuquel ay ta swenta spisil p'ijil-o'tanil soc spisil te bila ya sc'an ya jna'tic stojol te q'uejbil yu'un ta spisile.

Efesios 3:10

Jich c'otix ta pasel ta stojol te jch'uunjeletique, swenta yu'un spisil te mach'atic ay yu'elic soc te ay yat'elic ta ch'ulchan, ya me xc'o sna'beyic sba te sp'ijil te Diose.

Romanos 5:15

Ja'uc me to, te bit'il la xc'axintay mandal te Adane, ma pajaluc soc te jmajt'antic ya yac' te Diose. Yu'un ta swenta jtul winic te la xc'axintay mandal te bayal lajic yu'une. Ja'uc me to, ta swenta te yutsil yo'tan Dios cu'untic, tsobolotic ay jmajt'antic ta swenta nax yutsil yo'tan te jtul winique, ja' te Jesucristoe.

Efesios 1:11

Ta swenta bit'il jun c'oemotic soc Cristo, namey tsabilotic yu'un Dios te ya yac'botic quich'tic soc Cristo te sc'ulejale. Jich la xchap ta xjajch'ibal te Diose, soc ya yac' c'otuc ta pasel te sc'anjel yo'tan stuquele.

1 Corintios 2:7

Ja' ya caltic te sp'ijil sc'op Dios te ma'yuc ta na'el ta nameye, ja' te namey jich chapal sc'oplal yu'un te Dios te c'alal ma to pasbiluc a te balumilale, ta swenta cutsilaltic sbajt'el q'uinal.

Romanos 11:33

¡Jelawen yutsil te sp'ijil yo'tan te Diose soc te bila snopoj ta yo'tane! Ma xju' ta na'el stojol cu'untic te bila xchapoj ta yo'tan soc te bila ya spase.

Isaías 52:13

Te cabate, lec me ya xc'ot ta loq'uel; ya me xtoyesot jajch'el, muc' me ya xc'ot.

Proverbios 8:12

Soc jich la yal xan: “Jo'on te jp'ijil-o'tanile, joy jba soc te p'ijil-jolole, ya xju' cu'un ya cac' ta na'el te mero lequil consejo.

Salmos 104:24

Cajwal, ma p'isbiluc nax te bitic apasoje. Ta spisilic la apas soc sp'ijil awo'tan; nojelic ta balumilal spisil te bitic la achicnantese.

San Mateo 11:19

Patil tal te Nich'anile te ya xwe'-x'uch'aj ta leque. Jich ya awalic te toyol ya xwe'-x'uch'aje soc te ya sjoin jmulawiletic soc te jc'an-patanetique. Ja'uc me to, te sp'ijil yo'tan te Diose, ja' me ya xchicnaj ta swenta te bila ya yac' c'otuc ta pasele —xi' te Jesuse.

Efesios 1:7

La smanbotiquix jcoleltic ta swenta te xch'ich'ele. Jich la spasbotiquix perdón yu'un jmultic ta scaj te bayal yutsil yo'tan cu'untique.

Efesios 1:9

La yac'botiquix jna'tic stojol te sc'anjel yo'tan te muquen aye, ja' bi, ja' te bila la xchap stuquele.