Efesios 1:7 - Bible in Tzeltal de Oxchuc y Tenejapa

⁷ La smanbotiquix jcoleltic ta swenta te xch'ich'ele. Jich la spasbotiquix perdón yu'un jmultic ta scaj te bayal yutsil yo'tan cu'untique.

Nuevo Testamento Tzeltal de Amatenango

⁷ Ta skuenta bayal skꞌuxul yoꞌtan, Dios a yakꞌotik ta libre ta skuenta te Xnichꞌan te la smal xchꞌichꞌele. Y la spasbotikix perdon yuꞌun te jmultike.

Bible in Tzeltal Bachajón

⁷ Ha ta scuenta te colotic ta libre ta scuenta sch'ich'el, te ay perdón yu'un mulil, ha chican te sc'uhlejal te yutsil yo'tan

Efesios 1:7 Referans Kwoze

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.

Romanos 3:24

Ja'uc me to, ta swenta yutsil yo'tan te Diose, ta majt'anil ya yac'otic ta libre yu'un jmultic, ta swenta bit'il la stojbotic jmultic te Cristo Jesuse.

Colosenses 1:14

Ja' ta swenta xch'ich'el te la sman jcoleltique, jich la spasbotic perdón yu'un te jmultique.

Hebreos 9:22

Yu'un ya yal te mandalile te ya yich' utstesel ta ch'ich' col spisiluc te bitic aye, melel ma'yuc ta ch'ayel mulil te manchuc ayuc ch'ich' ya yich' malele.

San Mateo 26:28

Ja' jch'ich'el in to, ta swenta te yach'il trato te ya yich' malel swenta perdón yu'un smulic te tsobol ta jtule.

Apocalipsis 5:9

La sc'ajintayic jcum yach'il c'ayoj: “Ay ta awenta atuquel te ya xju' awu'un stsaquel te balbil june soc sjamel te selloetique. Yu'un la awich' milel, soc ta swenta ach'ich'el la amanbeyix yu'unin Dios tsobol ta jchajp sts'umbal ants-winiquetic te yanyantic sc'opique soc te yanyantic slumalique soc te yanyantic nacionetic ta balumilale.

1 Juan 2:12

Cal-jnich'nab, jich la jts'ibubeyex in to, yu'un ch'aybilix amulic yu'un Dios ta swenta sbiil te Jesucristoe.

Filipenses 4:19

Te Dios cu'untique, ya me sjeltaybeyex spisil te bila ya xtuun awu'unic ta swenta te yutsil sc'ulejal te ay ta swenta te Cristo Jesuse.

Efesios 2:7

Jich me ya xchicnaj ta ilel ta patilal bael, te ay bayal yutsil yo'tan cu'untic te la xc'uxtayotic ta swenta te Cristo Jesuse.

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

Salmos 130:7

jich me xamaliy te Cajwaltic, ja'ex lum Israel. Melel ay c'uxtayel yu'un, soc mero ya x'ac'awan ta libre stuquel.

Efesios 3:16

Ja' ya jc'anbey te Tatil te ya yac'beyex te yutsil sc'ulejale, soc te ya yac'beyex stulanil awo'tanic soc awu'elic ta swenta te Espíritu yu'une,

2 Corintios 8:9

Melel ana'ojiquix te bit'il ay yutsil yo'tan te Cajwaltic Jesucristoe. Manchuc teme ay sc'ulejale, ta swenta xc'uxul yo'tan awu'unic te la sc'atp'un sba ta me'ba, swenta yu'un jich me ya yac'beyex ac'ulejalic ta swenta bit'il la yac' sba ta me'ba stuquel.

Romanos 2:4

¿Ya bal ap'aj te bayal xc'uxtayejat te Dios te bit'il jal c'aal ya xmaliywane? ¿Yu'un bal ma ba c'oem ta awo'tan te ja' swentail te bit'il ayat ta c'uxtayel yu'une te yacuc asujt'es awo'tan ta stojol te Diose?

Miqueas 7:18

Ma'yuc yan Dios jich te bit'ilate, melel ya apasbey perdón yu'un te bila amen spasojique, soc ya ach'aybey ta awo'tan stoybail te lum te jilem xan jtebuque. Te ja'at ya awac'botic quiltic te xc'uxul awo'tan; soc ma'yuc ta awo'tan sbajt'el q'uinal te awilimbae.

1 Juan 2:2

Te Jesucristo la yac' sba ta milbil smajt'an Dios swenta yu'un la spasbotic perdón yu'un te jmultique. Ja'uc me to, ma jtuquelticuc nax, soc spisil uuc te ants-winiquetique.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

Hechos 2:38

La yal te Pedroe: —Sujt'esa awo'tanic ta stojol Dios, soc ac'a abaic ta ich'ja' juju-jtulex ta swenta sbiil te Jesucristoe. Jich me ya spasbeyex perdón yu'un te amulique, soc jich me ya yac'beyex te Ch'ul Espiritue.

San Mateo 20:28

Jich bit'il te Nich'anile ma ja'uc talem yu'un te ay mach'a ya yabatine. Ja' talem yu'un te ya yac' sba ta abatinel, soc te ya yac' sba ta lajel swenta stojol scolel tsobol ta jtul —xi' te Jesuse.

Daniel 9:9

Pero Dios cu'untic, te ja'ate atalel ay xc'uxul awo'tan soc ay perdón ta awo'tan. Pero te jo'otic la jtoy jbajtic ta atojol.

Job 33:24

te yacuc sna'bey yo'bolil sba, teme jich ya yalbey yaiy te Diose: “Coltaya ta lajel, melel la jtabeyix te scolele”, te xiuque,

1 Juan 4:10

Tey ya jna'tic stojol a te bit'il ay te xc'uxul yo'tan te Diose. Ma jo'ocotic te c'ux la caiytic ta co'tantic te Diose. Ja' c'ux la yaiyotic ta yo'tan stuquel. Jich la sticun tel te Snich'ane, la jelolintic ta stojel te jmultique.

Hechos 20:28

Jich yu'un tsajtaya me abaic ja'ex, soc canantayaic ta stsojbol te chijetic ta banti yac'ojbeyex awat'elic ta scanantayel te Ch'ul Espiritue. Canantayaic te jch'uunjeletic yu'un te Cajwaltic te manbil ta xch'ich'el yu'une.

Daniel 9:19

¡Cajwal, Cajwal! ¡Aiya jc'optic, pasbotic perdón yu'un te jmultique! Ich'awotic ta wenta, Cajwal. La' coltayawotic, ta awenta nix ja'at, Dios cu'un, soc ta swenta Jerusalén, soc ta swenta te lum awu'un, te ya yalic wocol ta atojole. La' me ta ora —xoon ta sc'oponel te Diose.

Jeremías 31:34

Ma'yuquix mach'a ya xp'ijubtesot yu'un sjo'tac ni spat-xujc' ta swenta sna'belonic jba, melel spisilic me, bay muc'-biq'uit, ya me sna'bonic jba. Ya jpasbey perdón te bila amen spasoje, soc ma ba ya jna'bey xan te smulique. Jo'on Ajwalilon, jich ya cal —xi' te Cajwaltique.

Salmos 86:5

Melel ja'at Cajwal, buen lec awo'tan soc jpas-perdonat atuquel; mero jc'uxtaywanejat yu'unic te mach'atic ya yalbat wocole.

1 Pedro 3:18

Melel jich nix uuc te Cristoe, jc'axel nax c'ax swocol ta lajel yu'un te jmultique. Jich ya xju' te ya yic'otic ta stojol te Diose. Te jo'otic te ma tojuc co'tantic, ja' jeloltic ta woclajel stuquel te Mach'a toj yo'tane. Ac'ot ta lajel soc te sbaq'uetale, ja'uc me to, cha'cuxesot tel soc te xch'ulele.

Efesios 3:8

Te jo'one peq'uel ayon yu'un spisil te mach'atic ch'ul lum yu'un te Diose. Ja'uc me to, ya jcholbey yaiyic te jyanlumetic te lec yach'il c'ope, ja' te sc'oplal te jelawen to xan ay yutsil yo'tan te Cristoe.

Hechos 10:43

Soc ja' te mach'a la yalbeyic sc'oplal ta neelal to te j'alwanejetic yu'un te Diose, te bit'il ja' ta swenta sbiil Jesús te ya spasbot perdón yu'un smulic spisil te mach'atic ya xch'uunique —xi' te Pedroe.

San Juan 20:23

Te mach'a ya awac' ch'ayuc te smule, jc'axel ch'ayemix abi. Yan te mach'a ma xawac' ch'ayuc te smule, jich ma xch'ay te smule —xi' te Jesuse.

San Marcos 14:24

Jich la yal: —Ja' jch'ich'el in to te ya sta yip a te yach'il trato te ya yich' malel swenta scoltayel te tsobol ta jtule.

Zacarías 13:7

Te Cajwaltic te Spisil ya xju' yu'un jich ya yal: —Puñal, jajch'an ta swenta scontroinel te jcanan cu'une, swenta scontroinel te abat cu'une. Mila te jcanane, te chijetic ya me xpujq'uic bael, te jo'one ya me x'ochon ta scontroinel te alal chijetique.

Zacarías 13:1

“Te c'alal ya sta sc'aalelal ya me yich' jamel sloq'uibja' c'oem, swenta yu'un tey me ya xju' ya spoc a te smulic soc te sbolil yo'tanic te patil alnich'anetic yu'un David soc te mach'atic nainemic ta Jerusalén.

Tito 3:6

Ma p'isbiluc la spucbotic te Ch'ul Espíritu te Diose, Ja' la spuc ta swenta te Jesucristo te Jcoltaywanej cu'untique,

1 Timoteo 2:6

Ja' te mach'a la yac' sba ta lajel ta smanel scolel spisil te ants-winiquetique. Jich la yich' alel ta testigo-c'op, te c'alal la sta yorail yu'un te Diose.

Colosenses 2:13

Te ja'exe lajemex yu'un te mulile soc ma ba awich'ojic circuncisión te abaq'uetalique. Ja'uc me to, Dios la yac'beyexix acuxlejalic soc Cristo te bit'il la spasbeyex perdón yu'un spisil te amulique.

Colosenses 2:2

Yu'un ya jc'an te ya yich' yip awo'tanic, soc te jc'axel jun awo'tan abaic ya xc'oex yu'un te c'ux ya awaiy abaique. Jich me ya ataic te smuc'ul awo'tanic te bit'il ts'acal ya ana'iquix te bit'il ay te muquen c'op yu'un te Jtatic Diose, te ja' nix te sc'oplal te Cristoe.

Colosenses 1:27

Jich la sc'an yo'tan Dios te ya yac'botic jna'tic in c'op to te muquen aye, ja' te c'op te jelawen yutsil ta aiyel stojol yu'un spisil te jyanlumetique: Ja' te bit'il ya x'ain ta awo'tanic te Cristoe, swenta yu'un jun awo'tanic ta smaliyel te ya awich'ic ta patil te yutsilal te Diose.

Efesios 2:4

Ja'uc me to, te Diose, mero Jc'uxtaywanej stuquel. Ta swenta smuc'ul xc'uxul yo'tan te la xcuxtayotique.

Romanos 9:23

Soc la sc'an yo'tan te ya xpujc' sc'oplal te yutsilal te ay xojobile, soc jich la yac' ta ilel te yutsil xc'uxul yo'tane, te namey chajbanbil yu'un te ya quich'beytic te yutsilale.

Hechos 3:19

Jich yu'un sujt'esa awo'tanic ta stojol te Diose, soc ch'uunaic. Jich me ya stup'beyex te amulique. Jich me ya sta yorail te ya yac'beyex xan yip awo'tanic te Diose

San Lucas 24:47

Soc ja' ta swenta te ya yich' alel ta bay chajbalchajp nacionetic te ya sujt'es yo'tanic yu'un te smulique, swenta yu'un jich me ya spasbotic perdón yu'un. Tey me neel ya xjajch' ta alel ta bay Jerusalén.

San Lucas 1:77

Ya me awac'bey sna'ic stojol te lum yu'une te bit'il ya spasbotic perdón yu'un te smulique, te jich me ya sta scolelic sbajt'el q'uinal.

Zacarías 9:11

Te Cajwaltic jich ya yal: —Jerusalén, ta swenta te ch'ich' yu'un te c'op chapal cu'un ta atojolic, jo'on me ya jloq'uesbat te ajo'tac ayic ta chuquel, ja' te pozo ma'yuc ya'lele.

Isaías 43:25

“Ja'uc me to, ta scaj te Dioson awu'unic ya jtup'beyex te mulil awu'unic, soc ma ba ya jna'beyex xan.

Éxodo 34:7

Ma xch'ay xc'uxul co'tan ta stojol jmil ta caj awal-anich'an. Ya jpasbey perdón yu'un te stoybailic, te xc'axintayel jmandal, soc spisil te smulique. Ja'uc me to, ma xch'ay castigo ta stojol te mach'a ay bila smulineje. Ya me cac'bey castigo yu'un stoybailic te sme'-static, te snich'nabic soc te snich'nabic uuc te snich'nabe, c'alal ta yoxcajal, xchancajal te yal-snich'nabe —xi' te Cajwaltique.

Apocalipsis 14:4

Ja'ic te mach'atic ma ba la sboltes sbaic soc te antsetique, melel ju' yu'unic te ma ba nujbinique. Ja'ic nax stuquelic te ya stsac'linic te Alalchije, chican te banti ya xbajt'e, soc ja'ic te coltaybilic loq'uel ta yolil te ants-winiquetique, swenta yu'un ja'ic sba sit c'oem ta stojol te Diose soc te Alalchije.

Efesios 1:6

Swenta yu'un ya jc'ajintaybeytic yutsilal te Diose, yac'ojbotic bayal bendición ta swenta te Snich'an te bayal c'ux ta yo'tane.

Jonás 4:2

La sc'opon te Cajwaltic, jich la yal ta sc'oponel: —Cajwal, la nix jna' te c'alal ayon to ta jlumal a te bila ya xc'ot ta pasele. Ja' swentail te c'an anucon bael ta Tarsis. Melel jna'oj te ja'at Diosat te mero bayal yutsil awo'tan, te bayal ya ana' yo'bolil jbajtique, soc te ma orauc ya x'ilinate. Mero bayal te xc'uxul awo'tan. Manchuc me ya awal ya awac' castigo, pero patil ma ba ya awac' c'otuc ta pasel.

Salmos 130:4

Pero ya jtatic perdón ta atojol, swenta yu'un jich ya quich'ticat ta muc'.

San Mateo 6:12

Pasbotic perdón yu'un te bila amen jpasojtique, jich te bit'il ya jpasbeytic perdón uuc te mach'atic amen bila spasojbotique.

Romanos 3:25

Dios la yac' te ja' la jelolintic ta stojel jmultic te Cristo Jesuse, teme ya jch'uuntic te la smal xch'ich'el cu'untique. Jich chicnaj te stojil chajbanel yu'un te Diose, manchuc me ma la sna'bey smulic te ants-winiquetique soc la sts'icbey te smulic ta neelal toe.

Efesios 1:8

Soc la yac'botic ta c'axem to xan spisil te sp'ijil co'tantic soc sp'ijil joltic.

Efesios 1:14

Te Ch'ul Espiritue, ja' seña te bila ya yac'botic quich'tic te Diose te c'alal ju'ix yu'un scoltayel spisil te mach'atic yu'une, swenta yu'un jich me ya jc'ajintaybeytic te yutsilale.

Efesios 1:18

Soc ya jc'anbey Dios te yacuc sjambeyex asitic soc te ya yac'beyex sp'ijil awo'tanic, swenta yu'un jich me ya ana'ic stojol te bit'il ya xc'ootic yu'un ta jpisiltic te ic'bilotic yu'une, soc jich me ya xc'ot ta awo'tanic te bit'il jelawen yutsilal te sc'ulejal te ya yac'botic ta patil jo'otic te ch'ul lumotic yu'un te Diose,