Efesios 1:4 - Bible in Tzeltal de Oxchuc y Tenejapa

⁴ Namey tsabilotic yu'un Dios ta swenta Cristo te c'alal ma to chicanuc a te balumilale, swenta yu'un ya xch'ultesotic soc ma'yuc bila ts'ilajemotic yu'un a te ya jtejc'an jbatic ta stojole.

Nuevo Testamento Tzeltal de Amatenango

⁴ Dios la stꞌujotik ta skuenta Cristo antes te ma to spas a te balmilale, yuꞌun jich me tojutesbilotikix ta skuenta y maꞌyukix jmultik ya xkꞌootik ta sit.

Bible in Tzeltal Bachajón

⁴ Ha la stsahotic ta scuenta Cristo te c'alal ma to ayuc a te bahlumilal, scuenta yu'un ch'ultesbil ya xc'ohotic soc mayuc cabalquiltic ta stojol a.

Efesios 1:4 Referans Kwoze

2 Timoteo 1:9

Dios la scoltayotic soc la yic'otiquix ta stojol, jich me ch'ul lum ya xc'ootic yu'un ta melel. Ma yu'unuc ay bila lec ju'em cu'untic spasel, ja' nax ta swenta te jich la snop ta yo'tane. C'alal ma to chicanuc a te balumilale, la snop ta yo'tan te ya sc'uxtayotic ta swenta te Cristo Jesuse.

Efesios 2:10

Melel ja' yat'elotic stuquel te Diose. La xchicnantesotic ta swenta Cristo Jesús, swenta yu'un ya jpastic te lequil at'elil te chajbanbil ta neelal to yu'un te Diose, swenta yu'un ja' me ya jt'untic ta beel stuquel.

San Mateo 25:34

“Jich yu'un te muc' ajwalile ya me yalbey te mach'a ayic ta swa'el sc'abe: “La'ic te ja'exe te bin nax awutsilic ta stojol te Jtate. Ochanic, u'uninaic te utsilal te chajbanbil ta awentaic ta xjajch'ibal to tel balumilal.

Santiago 2:5

Quermanotac te bayal c'uxex ta co'tane, aiya awaiyic stojol in to: ¿Ma bal ja'uc tsabilic yu'un Dios te mach'atic me'ba ayic li'to ta balumilale? Melel ja' sc'ulejalic ya xc'ot te ay xch'uunjel yo'tanique, soc te ya x'ac'bot ainuquic tey a ta bay ay ta ajwalil te Diose, jich te bit'il yalojbey sc'oplal spisil te mach'atic c'ux ya yaiyic ta yo'tanic te Diose.

1 Pedro 2:9

Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.

Apocalipsis 13:8

Spisil te mach'atic nainemic ta balumilale la slajin sbaic ta stojol te muc'ul chambalame, ja' te mach'atic ma nacaluc sbiilic ta lista swenta cuxinel te yich'oj te Alalchij te laje, te la yich' ts'ibuyel c'alal to te bi ora pastaj te ch'ulchan balumilale.

San Juan 15:16

Te ja'exe ma ja'uc la atsaonic, jo'on la jtsaex jtuquel. Ja' la jtsaex yu'un te ya xbeenexe soc te ya sitinexe. Te asit ya awaq'uique ma xlaj sbajt'el q'uinal. Swenta yu'un spisil te bila ya ac'anbeyic te Jtat ta jwentae, ya me yac'beyex.

1 Pedro 1:2

Tsabilex yu'un te Jtatic Diose, yu'un xjajch'ibal to jich xchapoj ta yo'tan, soc te ya xch'ultesbeyex awo'tanic ta swenta te Espiritue. Swenta yu'un jich me ya ach'uunic soc jich me ya awich'ic tsijts'anel ta xch'ich'el te Jesucristoe. C'axem to xan ac'a yac'beyex yutsil yo'tan soc lamaluc me q'uinal ya awaiyic yu'un.

1 Pedro 1:20

Chapalix yu'un Dios a te c'alal ma to pasbiluc a te ch'ulchan balumilale. Ja'uc me to, slajibal to ora chicnaj tel, swenta yu'un jich me ya awich'ic coltayel yu'un ta apisilic.

Colosenses 3:12

C'u'inaic me te yach'il cuxlejal te bit'il tsabilex yu'un te Diose, te ch'ultesbilex yu'un te Diose, soc te c'uxex ta yo'tane. Jich yu'un ac'aic me ta ilel te ya ana'ic c'uxtaywanej. Ayuc me yutsil awo'tanic. Peq'uel me xawac' abaic soc manso me xawac' abaic. Ac'a cujch'uc awu'unic teme ay bila ma lecuc ya awaiy ta awo'tanique.

Colosenses 1:22

Ta ora to, ta swenta Cristo te la yac' junajuc awo'tanic ta stojol Dios ta swenta bit'il c'ax swocol ta lajel soc sbaq'uetal. Jich te c'alal ya stejc'anex ta stojol te Diose, ch'ultesbilex soc ma'yuc bila boloben soc ma'yuc amulic ta stojol.

Efesios 5:27

Swenta yu'un jich ay bayal yutsilal te jch'uunjeletic te ya stejc'an ta stojole. Ma'yuc bay ts'ilajem soc ma'yuc bay boloben, soc xujt' ma'yuc chican te bila ma lecuque. Jich ch'ultesbil ya xc'ot, soc ma'yuc te smule.

Apocalipsis 17:8

Te muc'ul chambalam te xi'bantic sba te la awile, ja' seña te mach'a ay ta neelale te ma ba chican ta ora to soc te ya to xmo loq'uel tel ta bay te xaabe. Patil ya me xbajt' ta lajel ta jc'axel. Te mach'atic cuxajtic ta balumilal te ma nacaluc sbiilic ta lista swenta cuxinel c'alal to ta xjajch'ibal te balumilale, cham nax me ya yaiyic te c'alal ya yilic te muc'ul chambalam te xi'bantic sba te ay ta neelal te ma ba chican ta ora to soc te ya to xchicnaj xane.

Hechos 13:48

Te c'alal la yaiyic stojol in to te jyanlumetique, bin nax yo'tanic yu'un soc jajch' yalic te bin nax yutsil sc'op te Cajwaltique. Spisil la xch'uunic te mach'a jayeb tsabilic yu'un te ya xcuxinic sbajt'el q'uinale.

Isaías 42:1

“Li' ay te cabat, te mach'a ya jwentain, ja' te tsabil cu'une, te mach'a bin nax co'tan yu'une. Cac'ojbey ta stojol te espíritu cu'un swenta yu'un ya me yich' tel te stojil ta chajbanel ta spisil te nacionetique.

San Juan 17:24

“Jtat, te mach'atic awac'ojbone ya jc'an join ta bay ya x'ainon, swenta yu'un ya me yilbon te cutsilal awac'ojbon te bit'il c'uxon ta awo'tan te c'alal ma to xchicnaj a te balumilale.

1 Tesalonicenses 4:7

Melel ma ja'uc la yic'otic Dios yu'un te ja' ya cat'elintic spasel te mulile. Ja' la yic'otic Dios yu'un te jc'axel ya yutstesotic ta stojol.

Filipenses 2:15

Jich ma x'ata amulic a, soc ma me ayuc bila quechel ta awentaic. Jich me lequil alnich'anex yu'un Dios ta yolil te ants-winiquetique te amen yo'tanique soc te ixta yo'tanique. Jich me xojobajemex ta yolilic te bit'il eq'uetic te ya xojobaj ta ijc' q'uinale.

2 Timoteo 2:19

Ja'uc me to, te yiptajib yac'oj te Diose, ma'yuc ta nijq'uesel stuquel. Ay sello yich'oj te jich ya yale: “Na'bil sbaic yu'un Dios te mach'atic yu'une”, xi'. Soc ya yal: “Spisil te mach'atic ya yalic wocol ta stojol te Cajwaltique, ac'a jiluc yu'unic spisil te mulile”, xi' xan.

Hechos 18:10

melel joinejat. Ma'yuc mach'a ya xyal sc'ab te ay bila amen ya spasbate, yu'un ay bayal ta jtul te mach'a cu'un li'to ta bay in lum to —utot yu'un.

Salmos 135:4

Melel la stsa Jacob, ja' te Israel, swenta yu'un ja' sc'ulejal c'ot stuquel.

2 Timoteo 2:10

Jich yu'un spisil me ya sts'ijc' cu'un ta scaj te mach'atic tsabilic yu'un te Diose, swenta yu'un jich me ya staic scolelic soc te yutsilal sbajt'el q'uinal ta swenta te Cristo Jesuse.

Efesios 4:2

Peq'uel me xawac' abaic, soc ayuc me yutsil awo'tanic. Ac'a cujch'uc awu'unic teme ay bila ma lecuc ya awaiy ta awo'tanique. Jech ts'icbeya abaic ta swenta te xc'uxul awo'tanique.

1 Corintios 1:8

Ja' me ya yac'beyex yip awo'tanic, ja' to c'alal ta slajibal c'aal. Jich me ma'yuc amulic ya xjul staex te Cajwaltic Jesucristoe.

San Mateo 24:31

Te c'alal ya x'oc' tulan te oq'uese, ya me sticun bael te ch'ul abatetic yu'une. Ya me xba stsobic tel ta xchanjejch'elul q'uinal ta spamal balumilal te mach'atic tsabilic yu'une.

Efesios 5:2

C'ux me x'awaiy abaic spisil ora, jich te bit'il c'ux la yaiyotic te Cristo te la yac' sba ta lajel ta jwentatique. Melel la yac' sba ta milbil majt'anil te xuq'uet nax sbujts' yic' ta stojol te Diose.

San Juan 10:16

Ay yantic chijetic cu'un te ma to ochemuc ta bay in corral to. Puersa me ya quic' tel. Jich me ya yaiybonic stojol te jc'ope. Jich jtsojp nax chij ya xc'otic ta spisilic soc jtul nax jcanan-chij ya xc'ot yu'unic.

1 Tesalonicenses 3:12

Te Cajwaltique, ac'a me yesmantesbeyex ta c'axem to xan te bit'il c'ux ya awaiy abaic ta awo'tanic ta juju-jtulexe, soc te c'ux me ya awaiyic ta awo'tanic uuc spisil te yantique, jich nix te bit'il c'ux ya caiytiquex ta co'tantic uuc te ja'exe.

Efesios 3:17

soc te ya snainbeyex awo'tanic te Cristoe ta swenta te bit'il ay xch'uunjel awo'tanique. Soc te bit'il ismajemex ta lec soc te ay yip awo'tanic ta swenta te xc'uxul awo'tanique,

Gálatas 5:13

Melel te ja'ex quermanotac, Dios la yiq'uex ta stojol swenta yu'un jich me jc'axel libre ya x'ainex yu'un. In te bit'il libre ayexe, ¿yu'un bal lec teme ya xjajch' apasic spisil te bila stalel ya smulan spasel te jmulawil jbaq'uetaltique? Ja' lec teme talel c'axel ya awac' abaic ta abatinel ta swenta bit'il c'ux ya awaiy abaic ta awo'tanic.

Romanos 8:33

¿Ay bal mach'a ya xju' ya xlebot smulic te mach'atic tsabilic yu'un te Diose? Ma'yuc. Melel te Diose, ja' ac'awanix ta libre.

San Mateo 24:24

Ay me ya xchicnaj lotil cristoetic soc lotil j'alwanejetic. Ya me yac' ta ilel muc' señailetic soc jchajp at'eliletic. Bayal me ya yaiyic lo'laywanej te yacuc xju' yu'unique, asta yo'tanuc slo'layic uuc te mach'atic tsabilic yu'un te Diose.

San Mateo 24:22

Te manchuc yacuc scombey sc'aalelal te Diose, ma'yuc mach'a ya xcol jtuluc te jichuque. Ja'uc me to, chapalix yu'un te ya yich' comel ta scaj te mach'atic tsabilic yu'une.

1 Juan 4:16

Jich jna'ojtic stojol, soc xch'uunej co'tantic te c'uxotic ta yo'tan te Diose. Ja' Jc'uxul-o'tanil te Diose. Jich yu'un te mach'a jc'axel ay ta bay te xc'uxul yo'tane, ja' jc'axel ainemix ta yo'tan te Diose, soc jc'axel ainemix ta yo'tan uuc.

2 Pedro 3:14

Jich yu'un quermanotac te bayal c'uxex ta co'tane, te jayeb xan c'aal yacalex ta smaliyele, antayaic me te ma me ayuc bila quechel ta awentaic ta stojol a te ya xjul staex te Diose. Ma me bolobenuc awo'tanic yu'un mulil a te ya xtale.

Colosenses 2:2

Yu'un ya jc'an te ya yich' yip awo'tanic, soc te jc'axel jun awo'tan abaic ya xc'oex yu'un te c'ux ya awaiy abaique. Jich me ya ataic te smuc'ul awo'tanic te bit'il ts'acal ya ana'iquix te bit'il ay te muquen c'op yu'un te Jtatic Diose, te ja' nix te sc'oplal te Cristoe.

Gálatas 5:22

Yan te sit stuquel te Espiritue, ja' te xc'uxul-o'tanil, sbujts'-o'tanil, lamal q'uinal, sts'iquel, yutsil-o'tanil, lequil-o'tanil, xch'uunjel-o'tanil,

Gálatas 5:6

Melel ta swenta te Cristo Jesuse, jich ma'yuc sc'oplal teme quich'ojtic circuncisión o teme ma ba quich'ojtique. Te bila ay sc'oplale, ja' te ay xch'uunjel co'tantique. In te xch'uunjel co'tantique, ya yac' cuxinucotic soc xc'uxul co'tantic.

Hechos 15:18

Jich la yal te Cajwaltique, te yac'ojix ta na'el stojol spisil in to ta namey q'uinal”, te xie.

Levítico 19:2

—Albeya ta spisil te israeletic te bila ya calbate: “Ch'ultesa me abaic, melel te jo'on te Ajwalilon soc te Dioson awu'unique, ch'ul Dioson jtuquel.

Levítico 20:7

“Ch'ultesa me abaic ta jtojol, ch'ultesbiluquex me, melel jo'on Ajwalilon te Dioson awu'unique.

2 Samuel 22:24

Toj ayon ta beel ta stojol, ma'yuc jtaoj jmul; jilem cu'un te bitic amene.