Efesios 1:3 - Bible in Tzeltal de Oxchuc y Tenejapa

³ Jelawen yutsil te Diose, te Stat te Cajwaltic Jesucristoe, te la yac'botiquix spisil ta jchajp bendición te ay ta ch'ulchan ta swenta te Cristoe.

Nuevo Testamento Tzeltal de Amatenango

³ Ben tsaꞌam te Dios te Stat te Kajwaltik Jesucristoe. Yuꞌun te jun ayotikix sok te Cristoe, jich la yaꞌbotikix spisil ta skajal skaj bendisionetik te ay ta skuenta te chꞌulchane.

Bible in Tzeltal Bachajón

³ Bayeluc me yutsil sc'oblal Dios te Stat te Cajwaltic Jesucristo, te ha ta scuenta Cristo ya'beyejotic spisil ta chahp bendicionetic te ayic ta ch'ulchan.

Efesios 1:3 Referans Kwoze

1 Pedro 1:3

Jelawen yutsil te Diose, te Stat te Cajwaltic Jesucristoe. Yu'un ta scaj nax te bayal xc'uxul yo'tan ta jtojoltic te la yac' cha'ayinucotic xan ta swenta bit'il cha'cux tel ta bay animaetic te Jesucristoe. Jich cuxul spisil ora te smuc'ul co'tantique.

2 Corintios 1:3

Jelawen yutsil te Diose te Stat te Cajwaltic Jesucristoe. Ja' Jtatic uuc te bayal ya xc'uxtayotique, soc ja' Dios cu'untic te ya smuc'tes q'uinal caiytic spisil orae.

Efesios 2:6

Jich la xcha'cuxesotic soc Cristo Jesús, soc ja' nanix jich la snajc'anotic soc Cristo Jesús ta bay ch'ulchan.

Génesis 22:18

Ta swenta ats'umbal ya x'ac'bot bendición bayal ta jtul ta spamal balumilal, yu'un la ach'uunbon jmandal”, te xie —xi' sc'oplal yu'un.

Efesios 1:20

ja' nix te at'ej ta stojol Cristo te c'alal cha'cux tel ta bay te animaetique, soc te la yac' najc'ajuc ta swa'el sc'ab ta bay ch'ulchan.

Salmos 72:19

Bayal me yutsil te Dios te ay yip yu'el xojobil sbajt'el q'uinal te sbiile. Ac'a nojuc ta yip yu'el xojobil spamal te lumq'uinale. Jich ac'a c'otuc ta pasel.

Efesios 6:12

Yu'un ma ja'uc ya jtsal jbatic soc te mach'atic pajal jch'ich'-jbaq'uetaltic soque. Ja' ya jcontroin jbatic soc te pucujetic te ay yipique, soc te ay bayal yu'elique, soc te ajwaliletic yu'un te balumilal te ayic ta ijc' q'uinale, soc spisil te bila amen te ayic ta sjamalul te ch'ulchane.

Efesios 3:10

Jich c'otix ta pasel ta stojol te jch'uunjeletique, swenta yu'un spisil te mach'atic ay yu'elic soc te ay yat'elic ta ch'ulchan, ya me xc'o sna'beyic sba te sp'ijil te Diose.

Gálatas 3:9

Jich pajal ay bendición ta stojolic soc Abraham spisil mach'atic te pajal ay xch'uunjel yo'tanic ta stojol te Diose.

1 Crónicas 4:10

Te Jabes la sc'opon te Dios yu'un Israel, jich la yal: —Ya calbat wocol te ya awac'bon bendición soc te ya awac'bon bayal jq'uinale. Ya me acoltayon, soc ma me xawac' staon te bitic ya yac'bon jwocol —xi'. Te Dios la yac'bey te bi la sc'ane.

Isaías 61:9

Te sts'umbale muc' me sc'oplal ya xc'ot yu'un te nacionetique; spisil mach'atic ya yilic, ya me sna'ic stojol te ja' te lum yac'ojbey bendición te Cajwaltique.

Salmos 134:3

Ja' te Cajwaltic te la spas ch'ulchan balumilal, ac'a yac'beyex bendición c'alal ta wits Sión.

San Juan 17:21

Jun nax me ac'a c'otuc ta spisilic, Jtat, jich te bit'il jun ayotique. Soc jun nax me ac'a c'otuc ta jwentatic, swenta yu'un ya me xc'ot ta yo'tanic te mach'atic ayic ta balumilal te ja'at la aticunon tele.

Salmos 72:17

Te sbiil te muc' ajwalil sbajt'eluc me q'uinal ay; jich ac'a jalajuc sc'oplal te bit'il ya xjalaj te c'aale. Ac'a c'otuc bendición ta stojolic spisil te nacionetic ta balumilal ta swenta stuquel. Ac'a me yalbeyic yutsilal spisil te nacionetic.

1 Crónicas 29:20

Te David la yalbey spisil te tsobleje: —Ora yo'tic albeyaic yutsil sc'oplal te Cajwaltic te Dios cu'untique —xi'. Jich yu'un te tsoblej mero soc yo'tanic la yalbeyic yutsilal te Cajwaltic te Dios yu'un te antiguo sme'-static, la squejan sbaic ta stojol te Cajwaltic soc ta stojol te muc' ajwalile.

Efesios 1:17

Ya jc'anbey te Dios yu'un te Cajwaltic Jesucristo, ja' te Jtatic te bayal yutsilale, te yacuc yac'beyex te Espíritu yu'une. Ja' me ya yac'beyex sp'ijil awo'tanic, soc ya me yac'beyex ana'ic stojol ta lec, swenta yu'un jich me ya ana'beyic xan sba ta melel a.

2 Corintios 11:31

Te Diose, te Stat te Cajwaltic Jesucristoe, te jelawen yutsilal sbajt'el q'uinale, ja' sna'oj te ma jlotuc te bila ya cale.

2 Corintios 5:21

Melel te Cristoe ma'yuc smul stuquel. Ja'uc me to, te Diose, ja' la yac'bey ta swenta xcuchel te jmultique, swenta yu'un jich me libre ya xc'ootic yu'un jmultic ta swenta bit'il jun c'oemotiquix soc te Cristoe.

Génesis 14:20

Bin nax yutsil te Dios te toyol ay stuquele, melel la yac'batix ta ac'ab te jayeb awajcontro —xi' sc'oplal. Ta spisil biluquetic te yich'oj sujt'el tel Abram, jun la yac'bey smajt'anin ta slajunebal te Melquisedec.

1 Corintios 12:12

Jun nax ay te jbaq'uetaltique, ja'uc me to, bayal ta jchajp te bila ay tey a. Manchuc teme bayal ta jchajbe, ja'uc me to, jun nax ay ta scojt'ol. Ja' nix jich te Cristoe.

Romanos 12:5

Ja' nanix jich te jo'otique. Manchuc teme tsobolotic ta jtule, ja'uc me to, jun nax jbaq'uetaltic ta stojol te Cristoe, jich bit'il jun nax ay te bitic ay ta jbaq'uetaltique.

Daniel 4:34

La yal xan te Nabucodonosore: “C'alal ts'acaj te castigo ta jtojole, jo'on te Nabucodonosor la quil moel te ch'ulchane. Te c'alal la quil moele, la caiy te lecubon te bit'il boloben te jole. Jich la calbey yutsil sc'oplal te Dios mero toyole, jich la calbey ta xch'ul-tojol te Mach'a cuxul ta swenta sbajt'el q'uinale: ‘Sbajt'el q'uinal ay yip te yu'ele; sbajt'el q'uinal ay ta ajwalinel yu'un spisil ta cajalcaj mach'atic ya xc'axic ta q'uinal.

Efesios 1:10

Ja' la xchap te c'alal ya sta yorail yu'une, ya me x'och ta swenta Cristo spisil te bitic ay ta ch'ulchane soc ta balumilal.

2 Corintios 5:17

Jich yu'un, te mach'a jun nax c'oemix soc te Cristoe, yach'il ants-winiquix. Jilemix spisil te spocol cuxlejale. Ta ora to, la yich'ix ach'ubtesel ta spisil.

Romanos 15:6

Jich me jun nax ac'opic ta yalel te bit'il jelawen yutsil te Diose te Stat te Cajwaltic Jesucristoe.

Nehemías 9:5

Te levitaetic ja'ic te Josué, Cadmiel, Binuy, Hasabnías, Serebías, Hodías, Sebanías soc Petaías, jich la yalic: —Jajch'anic, albeyaic yutsilal te Cajwaltic te Dios cu'untic spisil ora ta sbajt'el q'uinal. Bayaluc yutsilal, ac'a yich' alel yutsil sc'oplal, soc ac'a toyuc xan yutsil slequilal te sbiile —xiic.

Hebreos 8:5

In te banti ayic ta at'el in sacerdoteetic to, seña to nax soc snojq'uetal to nax te bila ay ta ch'ulchane. Jna'ojtic stojol te ja' nax sloc'omba, melel jich albot yu'un Dios te Moisese te ya xjajch'ix ta pasel yu'un a te nailpac' temploe: “Na'ame ta lec. Jich me xapas te bit'il la cac'bat awil ta ba wits”, te xi' sc'oplal yu'une.

Filipenses 2:11

Spisilic ya me yalic ta jamal te ja' Ajwalil stuquel te Jesucristoe. Jich me jelawen yutsil sc'oplal ya xc'ot te Jtatic Dios yu'une.

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

Hebreos 9:23

Jich yu'un puersa la sc'an te la yich' malel xch'ich'el in chambalametic to swenta yutstesel te bila seña to nax te bitic ay ta ch'ulchane. Yan te bitic ay ta ch'ulchane ja' ya sc'an yich' utstesel a te ch'ich' te c'axem to xan ay yutsile.

San Juan 20:17

La yal te Jesuse: —Ma me xapicon yu'un ma to moemucon bael ta bay te Jtate. Baan albeya te yantic quermanotaque ya me xmoon bael ta bay te Jtate te Atatic uuc te ja'exe, te Dios cu'une soc te Dios awu'unic uuc te ja'exe —xi'.

San Juan 14:20

Te bi c'aalil te ya xc'ot ta pasele, ya me ana'ic te ayon ta stojol te Jtate, soc te ja'exe, ayex ta jtojol, soc ayon ta atojolic uuc.

San Lucas 2:28

Te Simeón la spet te alale, soc la yalbey yutsilal te Diose:

2 Crónicas 31:8

C'alal ba yil te muc' ajwalil Ezequías soc te sjo'tac ta ajwalil te busajtique naxe, la yalbeyic yutsil sc'oplal te Cajwaltic soc te lum Israel yu'une.