Efesios 1:23 - Bible in Tzeltal de Oxchuc y Tenejapa

²³ Te jch'uunjeletique ja' sbaq'uetal te Cristoe, soc nojelic ta yutsilal te Cristoe. Soc nojel ta yutsilal Cristo spisil te bitic aye.

Nuevo Testamento Tzeltal de Amatenango

²³ Yuꞌun te juju-tijkꞌ hermanoetike jaꞌ stiꞌbalul kꞌoem te Cristoe. Jich tsꞌakalix a kꞌot a te Cristoe, y te Cristoe jaꞌ tsꞌakal yuꞌun spisil te tutik aye.

Bible in Tzeltal Bachajón

²³ Te iglesia ha sbaq'uetal Cristo, ha te ya sts'acay te Mach'a ts'acal ya snojes spisil.

Efesios 1:23 Referans Kwoze

San Juan 1:16

Jpisiltic quich'ojbeytic te bila nojel ta yo'tane. Yanyan ta esmajel te yutsil yo'tan ta jtojoltique.

Efesios 4:12

Swenta yu'un jich me ya xtojobic a te mach'atic ch'ul lum yu'un Dios te ya spasic te at'ele, soc swenta yu'un jich me ya xmuc'ub a te jch'uunjeletic yu'un te Cristoe.

Efesios 3:19

Ja' te yacuc ana'ic stojol ta lec te bit'il ay te xc'uxul yo'tan cu'untic te Cristoe, c'axem to xan a te bitic ay ta na'ele, swenta yu'un jich me ts'acal ya awich'beyic yutsilal te Diose.

Efesios 4:10

Te mach'a coj tele, ja' nix te mach'a mo bael c'alal ta bay mero stoylejal te ch'ulchane, swenta yu'un jich me ya xnoj ta yu'el spisil.

1 Corintios 15:28

Te c'alal spisil ayix ta sc'ab a te Cristoe, jich uuc te Cristoe, te ja' Snich'an te Diose, ya me yac' sba ta stojol te Jtatic Diose, te ja' nix ac'bot ta swenta spisil te bitic aye. Yu'un ja' nix ya swentain spisil te Diose.

Colosenses 1:24

Ta ora to ay sbujts' co'tan yu'un te bit'il yac ta c'axel jwocol ta awentaique. Yu'un jich me ya jts'actes xan ta jbaq'uetal ta bay ay to sc'an te ya xc'ax swocol Cristo yu'un te jch'uunjeletic, te ja' sbaq'uetale.

Colosenses 3:15

Te lamal q'uinal yu'un te Diose ac'a swentainbeyex awo'tanic. Melel la yic'otic te Diose te jun nax ya xc'ootic ta jpisiltique, jich te bit'il jun nax ay te jbaq'uetaltique. Soc albeyaic wocol Dios yu'un spisil.

Colosenses 3:11

Ma'yuquix sc'oplal teme jyanlum o judio, te mach'a yich'oj circuncisión o te mach'a ma ba yich'oj circuncisión, soc lajix sc'oplal teme jyanlum soc teme bol winic, soc teme abate o teme libre aye. Te melel ja' nax ay sc'oplal te Cristoe, te ja' yu'un ta spisil soc ay ta swenta spisil.

Efesios 2:16

Ta swenta bit'il la yac' sba ta lajel ta cruz te Cristo, jich la slajinbey sc'oplal te bit'il contro yiloj sbaic te cha'chajp lume. Soc tey la yac' junajuc yo'tan sbaic soc a te Diose, te bit'il la yac' ta jun naxe.

1 Corintios 12:6

Ajtalam ta pasel te at'ele, ja'uc me to, ja' nix Dios te ya yac'botic te ya xju' cu'untic spasele.

Romanos 13:5

Jich yu'un, ja' ya sc'an te jun co'tantic ya jch'uunbeytic smandal te ajwaliletique. Ma me ja'uc nax ya quich'tic ta muc' yu'un te bit'il swentainej yaq'uel te castigoe. Na'a me ta awo'tanic te jich nix ya sc'an pasele.

Efesios 4:4

Yu'un jun nax jbaq'uetaltic c'oem soc jun nax te Espiritue. Ja' nanix jich jun nax ic'bilotic ta smaliyel te iq'uele.

Efesios 3:10

Jich c'otix ta pasel ta stojol te jch'uunjeletique, swenta yu'un spisil te mach'atic ay yu'elic soc te ay yat'elic ta ch'ulchan, ya me xc'o sna'beyic sba te sp'ijil te Diose.

Efesios 4:13

Ja' to teme jpisiltic jun nax ya xc'ootic ta swenta te xch'uunjel co'tantique, soc ja' to teme jna'ojbeytiquix sba ta lec te Snich'an Diose. Jich me lequil ants-winic ya xc'ootic ta stojol te Diose. Yan yan jtabel quiptic, ja' to teme la jtabeytic smuc'ul te Cristoe.

Colosenses 2:19

Ma junuc ay soc te Cristoe, te ja' jolol cu'untique. Ja' ya yac' te ya xmuc'ub spisil te sbaq'uetale, ta swenta bit'il jun ayotic ta mac'linel yu'un soc te jun nax ya yac' te ya snit sbaic te juju-jchajbe, jich te bit'il chapal yu'un stuquel te Diose.