Efesios 1:22 - Bible in Tzeltal de Oxchuc y Tenejapa

²² La yac'bey scajtijibin yacan Cristo spisil te bitic aye. Soc nix te Cristo ja' jolol c'ot yu'un spisil te jch'uunjeletique.

Nuevo Testamento Tzeltal de Amatenango

²² La yakꞌ te ya xchꞌuunbeyik smantal Cristo spisil te tutik aye, sok la yakꞌ te jaꞌ jolol yuꞌun spisil te juju-tijkꞌ hermanoetik te Cristoe.

Bible in Tzeltal Bachajón

²² Dios la yac' ta ye'tal yoc te Cristo spisil bintic ay, soc ta scuenta te iglesia la yac' te ha jolal c'oht yu'un spisil bintic ay.

Efesios 1:22 Referans Kwoze

Colosenses 1:18

Te Cristoe ja' jolol yu'un te jch'uunjeletique te ja' sbaq'uetal c'oeme. Ja' xjajch'ibal ay stuquel. Ja' sbabial te cha'cux tel ta bay te animaetique, swenta yu'un jich me c'ax jich ich'bil ta muc' ya xc'ot yu'un spisil te bitic aye.

Colosenses 2:10

Soc ts'acal awich'ojiquix acuxlejalic te bit'il jun ayex soc te Cristoe. In te Cristoe ja' jolol yu'un spisil te yantic te ay yat'elic soc te ay yu'elique.

Hebreos 2:8

La awac'bey spas ta mandal spisil te bitic ay ta yanil yacane”, xi'. In te bit'il yac'ojbey spas ta mandal spisile, tey chican a te ma'yuc bila ma la yac'bey ta swenta ants-winiquetic te Diose. Ja'uc me to, ma to chicanuc ya quiltic te ya xch'uunbot smandalic yu'un spisil te bitic aye.

Colosenses 2:19

Ma junuc ay soc te Cristoe, te ja' jolol cu'untique. Ja' ya yac' te ya xmuc'ub spisil te sbaq'uetale, ta swenta bit'il jun ayotic ta mac'linel yu'un soc te jun nax ya yac' te ya snit sbaic te juju-jchajbe, jich te bit'il chapal yu'un stuquel te Diose.

Efesios 5:23

Melel ja' sjolinejic te smamlalique; jich bit'il te Cristoe, ja' jolol yu'un te jch'uunjeletique, te ja' sbaq'uetal, soc ja' Jcoltaywanej yu'unic.

1 Corintios 11:3

Ja'uc me to, ya jc'an te ya ana'ic stojol te ja' jolol yu'un spisil winiquetic te Cristoe, soc ja' jolol te winic yu'un te antse, soc ja' jolol yu'un Cristo te Diose.

Hechos 20:28

Jich yu'un tsajtaya me abaic ja'ex, soc canantayaic ta stsojbol te chijetic ta banti yac'ojbeyex awat'elic ta scanantayel te Ch'ul Espiritue. Canantayaic te jch'uunjeletic yu'un te Cajwaltic te manbil ta xch'ich'el yu'une.

Efesios 3:21

Ac'a chicnajuc yutsilal te Cristo Jesús ta yolil te jch'uunjeletique soc ta lamalam bael ta sbajt'el q'uinal. Jichuc.

Génesis 3:15

Ya me cac' te contro ya awil aba soc te antse, soc te ats'umbale contro ya yil sba soc te sts'umbale. Ja' me ya yejch'entesbat ajol te patil alnich'an yu'une, yan te ja'ate yit nax yacan ya awejch'entesbey atuquel —xi' sc'oplal yu'un.

1 Timoteo 3:15

swenta yu'un teme ma ju' te talon ta orae, jich me ya ana' te bila lec ya sc'an pasel ta stojol te yal-snich'an te Diose, ja' bi, ja' te jch'uunjeletic yu'un te cuxul Diose. In te jch'uunjeletique, ja' yoyal soc ja' yiptajib a te smelelil c'ope.

San Mateo 16:18

Jo'on ya cal te ja'at Pedroat, ta sba te ton in to ya cac' ipajuc ta stsojbol a te jch'uunjeletic cu'une. In te jch'uunjeletic cu'une ma stsalotic yu'un te lajele.

Salmos 91:13

Ya me xju' ya xbeenat c'axel ta bay león-chojetic, soc te chambalametic ay ta xi'el, soc te jti'awal chanetique.

Colosenses 1:8

Ja' la yalbotiquix caiytic te bit'il ayexe soc te bit'il ay bayal xc'uxul awo'tanic ta swenta te Espiritue.

Salmos 110:1

Te Cajwaltic Dios jich la yalbey te cajwale: “Naclan ta jwa'el, ja' to c'alal ya cac'bat apech' ta teq'uel te acontrotaque”, xi'.