Efesios 1:21 - Bible in Tzeltal de Oxchuc y Tenejapa

²¹ Jich cajal c'ot yu'un spisil te mach'a ay yu'el soc ay yat'el, ja' te jmandalteswanej soc te ajwalile. Spisil cajal c'ot yu'un te bitic aye, chican teme ja' ta ora to o teme ja' te patil baele.

Nuevo Testamento Tzeltal de Amatenango

²¹ Jaꞌ muk a kꞌot yuꞌun spisil te tutik ay spuersa, sok te ay yaꞌtelike, sok te ay spodere y sok te ya xmantalteswanike. Y jaꞌ mukꞌ a kꞌot yuꞌun spisil te tutik aye te tutik ay ta balmilal sok te tutik ya xtal ta patile.

Bible in Tzeltal Bachajón

²¹ te ha toyol c'oht yu'un spisil ajwaliletic, te mach'atic ay ya'telic, te ay yu'elic soc jpasawetic ta mandar, soc ha toyol c'oht yu'un spisil bihililetic te ya yich'ic a'beyel, ma ha'uc nax ta ora ini, soc ta patil bahel.

Efesios 1:21 Referans Kwoze

Colosenses 2:10

Soc ts'acal awich'ojiquix acuxlejalic te bit'il jun ayex soc te Cristoe. In te Cristoe ja' jolol yu'un spisil te yantic te ay yat'elic soc te ay yu'elique.

1 Pedro 3:22

Soc te bit'il mo bael ta ch'ulchane, jich ayix ta swa'el sc'ab te Diose. Ay ta ch'uunel smandal yu'un spisil te ch'ul abetetique soc te mach'atic yich'oj yat'elic ta stojolic soc te jmandalteswanejetic yu'unique.

Hebreos 1:4

Te Snich'an Diose c'axem to xan cajal ay stuquel a te bit'il ay yutsilal te ch'ul abatetique, melel cajal yutsil sbiil ac'bot yu'un te Diose te bit'il ay yutsil sbiil te ch'ul abatetique.

Hechos 4:12

Ma'yuc yan te mach'a ay colel ta swenta, melel ma'yuc yan ta spamal balumilal te yac'ojbotic sbiil te Diose te ya xju' ya xcolotic ta swentae —xi' te Pedroe.

Colosenses 2:15

C'alal laj ta cruz te Cristoe, tey la slajinbey yat'elic a te mach'atic ich'bilic ta muq'ue soc te mach'atic ay yu'elique. Soc la yac' ta ilel ta comonsitil te bit'il peq'uel a jilic ta spisilic te c'alal la yaiy tsalaw te Cristoe.

Daniel 7:27

Te mandalteswanej, te yip soc te yutsilal ta spisil te jmandalteswanejetic ta balumilale, ya me yich' ac'beyel te lum yu'un Dios te mero toyole. Sbajt'el me q'uinal te mandalteswanej yu'une, ta spisil te lumetic ta balumilal ya me yac' sbaic ta abatinel yu'un, soc ya me xch'uunbeyic smandal’, xi'.

Efesios 3:10

Jich c'otix ta pasel ta stojol te jch'uunjeletique, swenta yu'un spisil te mach'atic ay yu'elic soc te ay yat'elic ta ch'ulchan, ya me xc'o sna'beyic sba te sp'ijil te Diose.

Efesios 6:12

Yu'un ma ja'uc ya jtsal jbatic soc te mach'atic pajal jch'ich'-jbaq'uetaltic soque. Ja' ya jcontroin jbatic soc te pucujetic te ay yipique, soc te ay bayal yu'elique, soc te ajwaliletic yu'un te balumilal te ayic ta ijc' q'uinale, soc spisil te bila amen te ayic ta sjamalul te ch'ulchane.

Hebreos 4:14

Te Jesús, te Snich'an Diose, ja' mero Muc' Sacerdote cu'untic te ochemix bael ta bay ay te Diose. Jich yu'un ma me xquijq'uitaytic te bila yacotic ta xch'uunele.

San Mateo 12:32

Teme ay mach'a ya scontroc'optay te Nich'anile, ya xju' ya spasbot perdón yu'un. Yan te mach'a ya scontroc'optay te Ch'ul Espiritue, ma xju' ya spasbot perdón yu'un stuquel te jayeb c'aal cuxul ta q'uinal ni ja'uc ta patilal bael ta sbajt'el q'uinal.

Hebreos 2:5

Dios ma la yaq'uix ta wentainel yu'un ch'ul abatetic te yach'il balumilal te ya xchicnaj tel te ja' yacotic ta xcholel sc'oplale.

Efesios 2:2

Melel c'aemex ta mulil ta neelal to. Ja' la anopic te bila ay ta pasel ta swenta nax in balumilal to, soc ja' la apasbeyic sc'anjel yo'tan te pucuje te yich'oj yat'el ta sjamalul q'uinal soc te yac ta at'el ta yo'tanic te jc'axintayej-mandaletique.