Efesios 1:20 - Bible in Tzeltal de Oxchuc y Tenejapa

²⁰ ja' nix te at'ej ta stojol Cristo te c'alal cha'cux tel ta bay te animaetique, soc te la yac' najc'ajuc ta swa'el sc'ab ta bay ch'ulchan.

Nuevo Testamento Tzeltal de Amatenango

²⁰ te kꞌalal la xchaꞌkuses tal te Cristo te ba ay te animaetike, y la yakꞌ nakluk ta sbatsꞌil skꞌab ta chꞌulchan.

Bible in Tzeltal Bachajón

²⁰ te a'tej ta stojol Cristo, te la scha'cuxajtes ta yohlil te mach'atic chamenic soc la yac' huhcajuc ta swa'el-c'ab Dios ta ch'ulchan,

Efesios 1:20 Referans Kwoze

Hebreos 10:12

Yan te Jesucristoe jun nax milbil smajt'an Dios la yac' swenta sbajt'el q'uinal ta xch'ayel te jmultique. Jich la snajc'an sba ta bay swa'el sc'ab te Diose.

San Marcos 16:19

Lajix yo'tan ta sc'oponel a te jnopojeletic yu'un te ic'ot moel ta ch'ulchan te Cajwaltic Jesuse. C'o najc'ajuc ta swa'el te Diose.

Salmos 110:1

Te Cajwaltic Dios jich la yalbey te cajwale: “Naclan ta jwa'el, ja' to c'alal ya cac'bat apech' ta teq'uel te acontrotaque”, xi'.

Hebreos 1:3

Ja' chican a te yutsil xojobil te Diose, soc ja' chican a te bi yilel ay soc yo'tan te Diose. Spisil te bitic aye ja' ipajemic a te yu'el sc'ope. Te c'alal ju'ix yu'un spoquel loq'uel a te jmultique, la snajc'an sba ta ch'ulchan ta swa'el sc'ab te Muc' Diose.

San Mateo 28:18

Te Jesús noptsaj tel tey a ta banti ayique. Jich la yal: —Spisil ac'botonix tulan cat'el ta swentainel ch'ulchan soc balumilal.

Colosenses 3:1

Jich yu'un te bit'il cha'cuxemexix soc te Cristoe, ja' me ac'a bajt'uc ta awo'tanic sleel te bila swenta te ch'ulchane, ta banti ay te Cristo te nacal ta swa'el sc'ab Diose.

Filipenses 3:10

Ja' ya jc'an te yacuc jna'bey sba ta lec te Cristoe, soc te yacuc caiy ta co'tan te yu'el Dios te la yich' cuxesel tel ae, soc te yacuc cac' jba ta woclajel uuc jich te bit'il c'ax swocole, soc te yacuc jnopbey yo'tan te bit'il la yac' sba ta lajele.

Romanos 8:34

¿Ay bal mach'a ya xju' yu'un te ya x'ac'awan ta lajele? Ma'yuquix. Melel ja' la stojix te Cristo te c'alal laje. Soc ma jipuc a te laje, cha'cux tel, soc ayix ta swa'el sc'ab Dios te banti yac ta c'op cu'untique.

Hechos 5:31

Dios la yaq'uix ta ich'el ta muc' ta swa'el sc'ab yu'un la yaq'uix ta Ajwalil soc ta Coltaywanej, swenta yu'un ya me yac'bey sujt'es yo'tanic ta stojol Dios te israeletique. Jich me ya spasbey perdón yu'un te smulique.

San Marcos 14:62

La yal te Jesuse: —Jo'on abi. Ya me awilic te Nich'anil nacal ta swa'el sc'ab Dios te ay yu'ele, soc te ya xtal ta tocal ta sjamalul ch'ulchane —xi' te Jesuse.

San Mateo 26:64

La sjac' te Jesuse: —Jich te bit'il la awale. Soc ya calbat, ta ora bael to ya me awil te Nich'anil nacal ta swa'el sc'ab Dios te ay yu'ele, soc te ya xtal ta tocal ta sjamalul ch'ulchan —xi'.

Apocalipsis 1:17

Te c'alal la quile, t'uxajon coel ta yacan. Jich c'oon te bit'il animae. Ja'uc me to, la scajanbon swa'el sc'ab ta jol. Jich la yalbon: —Ma me xiwat. Jo'on ayon ta xjajch'ibal soc ta slajibal.

1 Pedro 1:3

Jelawen yutsil te Diose, te Stat te Cajwaltic Jesucristoe. Yu'un ta scaj nax te bayal xc'uxul yo'tan ta jtojoltic te la yac' cha'ayinucotic xan ta swenta bit'il cha'cux tel ta bay animaetic te Jesucristoe. Jich cuxul spisil ora te smuc'ul co'tantique.

Hebreos 13:20

Te Dios, te ya yac' lamal q'uinale, la xcha'cuses tel ta bay animaetic te Cajwaltic Jesucristo te Muc' Jcanantaywanej yu'un te chijetique, te ja' ta swenta xch'ich'el te chajbaj a te trato te sbajt'el q'uinal aye.

Hebreos 2:9

Yu'un jna'ojtic stojol te Jesuse, peq'uel c'ot yu'un te ch'ul abatetic che'oxebuc c'aale. Ja'uc me to, ac'botix yutsilal soc ac'otix ta ich'el ta muc' ta scaj te c'ax swocol ta lajele. Ta swenta yutsil yo'tan Dios te c'ax swocol ta lajele, swenta jich ya jtatic cutsilaltic ta jpisiltic a.

Efesios 1:3

Jelawen yutsil te Diose, te Stat te Cajwaltic Jesucristoe, te la yac'botiquix spisil ta jchajp bendición te ay ta ch'ulchan ta swenta te Cristoe.

Romanos 1:4

Ja'uc me to, ac'ot ta ilel te ja' Snich'an Dios te yich'oj yu'ele, melel cha'cux tel ta bay animaetic ta swenta te Espiritue te ya xch'ulteswane.

Hechos 26:8

¿Bi yu'un ma ba ya ach'uunic te Dios ya xcha'cuxes tel animaetique?

Hechos 10:40

Dios la xcha'cuxes ta yoxebal c'aal soc la yac'botic quiltic.

Hechos 4:10

jamal me ya calbeyex ta atojolic, swenta yu'un ya me ana'ic stojol soc spisil te jlumaltic israeletique. Melel ja' nax ta swenta sbiil te Jesucristo te Nazarete, te ja'ex nix la ac'anbeyic slajel ta cruz, soc te Dios cha'cuxesotix tel yu'un ta bay te animaetique, ja' coltayotix yu'un te winic colemix ya awilique.

San Juan 10:30

Te jo'one soc te Jtate jun nax ayon soc —xi'.

San Juan 10:18

Ma'yuc mach'a ya spojbon jcuxlejal. Jo'on ya cac' jba ta spasemal co'tan. Ya xju' cu'un ya cac' jcuxlejal, soc ya xju' cu'un ya jcha'quich' xan jcuxlejal. Jich spasojon ta mandal te Jtate —xi' te Jesuse.

Daniel 7:14

Ac'bot yu'el, ac'bot yutsilal, soc ac'bot yich' yat'el ta muc' ajwalil; la yac' sbaic ta abatinel yu'un ants-winiquetic ta spisil nacionetic soc ta spisil ta jchajp c'opiletic. Stalel ay sbajt'el q'uinal te yu'ele, ma sna' xyanaj, sbajt'el q'uinal ma xlaj yat'el ta mandalteswanej.

Colosenses 1:16

Ja' ta swenta Cristo te la xchicnantes spisil a te Diose, te bitic ay ta ch'ulchane soc te bitic ay ta balumilale, te bila chican ta ilele soc te bila ma chicanuc ta ilele, jich bit'il te jmandalteswanejetic, soc ajwaliletic, soc te mach'atic tulan yat'el yich'ojique, soc spisil te mach'atic ay yu'elique. Spisil la yich' chicnantesel ta swenta te Cristoe, soc spisil ay ta swenta stuquel.