Efesios 1:19 - Bible in Tzeltal de Oxchuc y Tenejapa

¹⁹ soc jich me ya xc'ot ta awo'tanic te bit'il ay yip yu'el ya x'at'ej ta c'axem to xan ta jtojoltic jo'otic te jch'uunejtique. Jich te bit'il at'ejem te yip yu'el ta jtojoltique,

Nuevo Testamento Tzeltal de Amatenango

¹⁹ Y kꞌax mukꞌ y maꞌyuk slajibal te spodere te ya xꞌaꞌtej ta jtojoltik, joꞌotik te jchꞌuunejtike. Te spoder to jaꞌ mismo te la yakꞌ ta ilel te Dios sok bayal spuersae

Bible in Tzeltal Bachajón

¹⁹ soc yu'un yac ana'ic te c'ax muc' te yu'el te ya x'a'tej ta jtojoltic ho'otic te jch'uhunejtique; ha nix te yu'el

Efesios 1:19 Referans Kwoze

Filipenses 2:13

Melel yac ta at'el ta awo'tanic te Diose. Ja' me ya yac' ta awo'tanic sna'el te bila lec yo'tan yu'une, soc ya me scoltayex ta spasel.

Efesios 3:20

Ta ora to, ac'a chicnajuc yutsilal ta bayuc te Diose. Ya xju' yu'un spasel spisil, c'ax jich te bit'il ya jc'anbeytique soc te bit'il ya jna'tique, ta swenta bit'il yac ta at'el te yu'el ta jtojoltique.

Colosenses 2:12

Yu'un la awich'ic muquel soc Cristo te bit'il ac'botex awich'ic ja'e. Soc la awich'ic cha'cuxesel soc te Cristoe, yu'un ach'uunejic te bit'il Dios la xcha'cuses tel ta yu'el ta bay animaetic te Cristoe.

2 Corintios 4:7

Ayix ta jwentatic te c'ulejalil te nojel ta pac'bil oxom te pasbil ta ajch'ale. Swenta yu'un jich ya xchicnaj te ja' nax ta swenta smuc'ul yu'el Dios te ay bila ya xju' cu'untique, ma ja'uc ta swenta te quiptique.

Colosenses 1:29

Ja' swentail te tulan yacon ta at'el. Ya quiptay spasel ta swenta yu'el Cristo te yac ta at'el ta co'tane.

Efesios 6:10

Lec ay, quermanotac, ich'aic me yip awo'tanic ta swenta te Cajwaltique. Yu'un ja' nax ta swenta yip yu'el te ya xju' cu'untique.

Efesios 3:7

Ja' swentail te ayon ta abatinel yu'un yalel in c'op to. Ja' jmajt'an yu'un Dios ta swenta yutsil yo'tan cu'un te bit'il yac ta at'el ta jtojol te yu'ele.

Efesios 2:10

Melel ja' yat'elotic stuquel te Diose. La xchicnantesotic ta swenta Cristo Jesús, swenta yu'un ya jpastic te lequil at'elil te chajbanbil ta neelal to yu'un te Diose, swenta yu'un ja' me ya jt'untic ta beel stuquel.

Romanos 1:16

Melel ma xq'uexawon yu'un te lec yach'il c'ope. Melel ja' ay yu'el yu'un te Diose, swenta yu'un jich ya xcolic spisil te mach'atic ya xch'uunique. Ja' neel te judioetique, soc uuc te jyanlumetique.

Santiago 1:18

Ta swenta sc'anjel yo'tan stuquel te la yac' cha'ayinucotic xan ta swenta te smelelil c'ope, swenta yu'un sba sit yawal-sts'unub ya xc'ootic ta bay spisil te yat'el spasoje.

2 Tesalonicenses 1:11

Ja' swentail te spisil ora ya jc'oponbeyex Dios ta atojolique. Ja' ya jc'anbeytic te Dios te yic'ojex ta stojole, te yacuc xju' awu'unic xch'uunel te Diose, soc te yacuc xju' awu'unic spasel ta swenta yu'el spisil te bila lec te ay ta awo'tanique, soc spisil te at'el ya apasic ta swenta te xch'uunjel awo'tanique.

Isaías 53:1

¿Mach'a ya xch'uun te bi caiyojtic stojole? ¿Mach'a yac'ojbey sna' stojol Cajwaltic te yu'ele?

1 Tesalonicenses 1:5

Melel te c'alal la jcholtic ta atojolic te lec yach'il c'ope, chicnaj te ma tojol c'opuc te c'o caltique. Melel yich'ojbey yu'el te Ch'ul Espiritue soc te ja' smelelil c'op stuquele. Ana'ojic stojol bit'il la jcoltaytiquex te c'alal ayotic ta atojolique.

2 Corintios 5:17

Jich yu'un, te mach'a jun nax c'oemix soc te Cristoe, yach'il ants-winiquix. Jilemix spisil te spocol cuxlejale. Ta ora to, la yich'ix ach'ubtesel ta spisil.

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

San Juan 3:6

Te mach'a ayinem nax ta swenta baq'uet, ch'ich'-baq'uet nanix abi. Yan te mach'a ayinem ta swenta te Espíritu, yich'ojbey stalel te Espiritue.

Filipenses 3:21

Ya me xtal sc'atp'unbotic jbaq'uetaltic te ma'yuc yutsile, swenta yu'un pajal ya xc'ot soc sbaq'uetal te ay yutsilal stuquele. Jich me ya spas ta swenta yu'el, te ja' nix ya spas ta mandal a spisil te bitic aye.

1 Pedro 4:11

Te mach'a ya sna' lec aiyeje, ja' me ac'a xchol te bila yaloj te Diose. Te mach'a ya sna' abatinele, ac'a me yac' sba ta abatinel soc yip sbaq'uetal te ya x'ac'bot yu'un te Diose. Jich yu'un spisil te bila ya spasique, ja'uc me lec sc'oplal ya xc'ot yu'un te Diose ta swenta te Jesucristoe te sbajt'el q'uinal ay yutsilal soc yu'el ya xmandalaj stuquel. Jichuc.