Efesios 1:18 - Bible in Tzeltal de Oxchuc y Tenejapa

¹⁸ Soc ya jc'anbey Dios te yacuc sjambeyex asitic soc te ya yac'beyex sp'ijil awo'tanic, swenta yu'un jich me ya ana'ic stojol te bit'il ya xc'ootic yu'un ta jpisiltic te ic'bilotic yu'une, soc jich me ya xc'ot ta awo'tanic te bit'il jelawen yutsilal te sc'ulejal te ya yac'botic ta patil jo'otic te ch'ul lumotic yu'un te Diose,

Nuevo Testamento Tzeltal de Amatenango

¹⁸ Ya jkꞌanbe Dios te yauk sjambeyex apensarike yuꞌun ya me anaꞌik a te tut yipalex ta smaliyel te jaꞌ ikꞌbilexix yuꞌune. Ben tsaꞌam y ben chapal te majtanil te Dios ya yaꞌbe te machꞌatik yuꞌune.

Bible in Tzeltal Bachajón

¹⁸ Ya jc'ambe Dios te yacuc sjambeyex awo'tanic scuenta yu'un yac ana'ic bin a te yac amahlibelic te ha ic'bilex yu'une, soc yu'un yac ana'ic bin ut'il ay te yutsil sc'uhlejal te bin ya yich' hilel te Dios, ha te mach'atic ch'uhltesbilic,

Efesios 1:18 Referans Kwoze

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

2 Corintios 4:6

Melel ja' la yal stuquel te Diose, te ya sacubuc q'uinal ta bay te ijc' q'uinale. Soc ja' nix te la yac' sacubuc q'uinal ta bay te co'tantique, swenta yu'un jich me ya jna'beytic sba a te yutsilal te Diose, te chican ta ilel ta sit yelaw te Jesucristoe.

San Lucas 24:45

Soc la sjambey yo'tanic yu'un sna'el stojol te bila ts'ibubil ta Sjun te Diose.

Efesios 1:7

La smanbotiquix jcoleltic ta swenta te xch'ich'ele. Jich la spasbotiquix perdón yu'un jmultic ta scaj te bayal yutsil yo'tan cu'untique.

Efesios 5:8

Melel ta neelal to ainemex ta ijc' q'uinal te ja'exe. Yan ta ora to sacuben q'uinal awu'unic ta swenta te Cajwaltique. Jich me xcuxinex te bit'il mach'atic yal-snich'an te saquil q'uinale.

Efesios 3:16

Ja' ya jc'anbey te Tatil te ya yac'beyex te yutsil sc'ulejale, soc te ya yac'beyex stulanil awo'tanic soc awu'elic ta swenta te Espíritu yu'une,

Efesios 4:4

Yu'un jun nax jbaq'uetaltic c'oem soc jun nax te Espiritue. Ja' nanix jich jun nax ic'bilotic ta smaliyel te iq'uele.

Salmos 119:18

Ac'bon quil q'uinal ta lec, swenta yu'un ya quil a te jchajp nax yutsilal te amandale.

Tito 3:7

swenta yu'un lec ya yilotic te Diose ta swenta nax te yutsil yo'tane. Jich me ay ta jwentatic te ya quich'tic jcuxlejaltic sbajt'el q'uinal, jich bit'il te maliybil cu'untique.

Isaías 42:7

Ya jc'an ya ajambey sit te mach'atic ma'sitetique, soc ya aloq'ues te mach'a ayic ta chucjibale, ja' te chucjibal ta bay nainemic ta ijc' q'uinal.

2 Tesalonicenses 1:11

Ja' swentail te spisil ora ya jc'oponbeyex Dios ta atojolique. Ja' ya jc'anbeytic te Dios te yic'ojex ta stojole, te yacuc xju' awu'unic xch'uunel te Diose, soc te yacuc xju' awu'unic spasel ta swenta yu'el spisil te bila lec te ay ta awo'tanique, soc spisil te at'el ya apasic ta swenta te xch'uunjel awo'tanique.

Efesios 4:1

Jo'on ayon ta chuquel ta swenta te Cajwaltique, ya calbeyex bayal wocol te lec me xcuxinex ta q'uinal te bit'il ic'bilex yu'un te Diose.

Isaías 6:10

Tulantesbeya yo'tan te lume; macbeya xchiquinic, soc macbeya sitic, swenta yu'un ma me xyilic, ni ma me xyaiyic stojol c'op, ni ma me xc'ot ta yo'tanic, swenta yu'un ma me sujt'ic xan ta jtojol, jich ma ba ya jlamantesbey xchamelic —xi' te Cajwaltique.

1 Timoteo 6:12

Aiya me lequil tsalaw ta swenta te xch'uunjel awo'tane, swenta yu'un jich ya xcuxinat sbajt'el q'uinal. Melel ja' swentail te ic'bilatix yu'un te Diose, soc te la awalix ta jamal ta stojol tsobol testigoetic te bit'il ach'uunej te Diose.

Isaías 29:10

Melel te Cajwaltic sticunejbeyex tel ta atojolic buen sc'ubulil wayel. Te j'alwanejetic ja' me sitic c'oem te lume; ja'uc me to, te Cajwaltic smacojbey ta pac' c'oem te sitique.

1 Pedro 5:10

Ja'uc me to, ay bayal yutsil yo'tan awu'unic te Diose. La yiq'uex swenta yu'un ya me ajoinic ta utsilal sbajt'el q'uinal te Jesucristoe. Jich yu'un teme ts'ijc' awu'unic jun chebuc c'aale, ja' nix Dios te ya stojtesexe. Ya me yac' junajuc awo'tanic, ya me yac'bat yip awo'tanic, soc ya me snactsanbeyex awo'tanic.

Efesios 1:11

Ta swenta bit'il jun c'oemotic soc Cristo, namey tsabilotic yu'un Dios te ya yac'botic quich'tic soc Cristo te sc'ulejale. Jich la xchap ta xjajch'ibal te Diose, soc ya yac' c'otuc ta pasel te sc'anjel yo'tan stuquele.

Hebreos 10:32

Ja'uc me to, na'aic me te bit'il ayex ta neelal to te c'alal sacub q'uinal ta atojolic. Na'aic me te bit'il ju' awu'unic xcuchel awocolic te c'alal jajch' bayal controinel.

1 Tesalonicenses 2:12

La calbeyex te toj nax ya awac' abaic ta q'uinal jich te bit'il ya sc'an te Diose te la yiq'uex ochel ta ba ay ta ajwalinel te Dios soc te yutsilale.

2 Corintios 4:4

Melel te dios yu'un in balumilal to, sc'atp'unej ta ma'sit te mach'atic ma ba xch'uunejic te Diose. Jich ma xju' ya sna'ic stojol xujt'uc. Swenta yu'un jich ma xyilbeyic xojobil yutsilal te lec yach'il c'op yu'un te Cristoe, melel te Cristoe pajal yilel soc te Diose.

Isaías 32:3

Ya me xjam ta lec te sitique, jun me yo'tanic ya yaiyic stojol;

Tito 2:13

Ya sc'an ya jmaliytic spisil ora te bila jelawen yutsil ya xc'ot ta pasele. Ja' bi ja' te ya xchicnaj tel soc yutsil yu'el te mach'a muc' Dios te ja' Jcoltaywanej cu'untique, ja' te Jesucristoe.

2 Tesalonicenses 2:16

Ja' nix te Cajwaltic Jesucristoe soc te Jtatic Diose te c'uxotic ta yo'tane soc te yac'ojbotic smuc'ul co'tantic sbajt'el q'uinale, soc te ay bi ya jmaliytic ta swenta yutsil yo'tan cu'untique,

1 Tesalonicenses 5:8

Yan te jo'otic te ayotic ta swenta te c'aleltique, ya sc'an te cuxul co'tantique. Soc ya me jc'u'intic te smajq'uil co'tantic, ja' te xch'uunjel co'tantic, soc te xc'uxul co'tantique. Soc ya me jlaptic te smajq'uil joltic, ja' te jun co'tantic ya jmaliytic te jcoleltique.

Efesios 3:8

Te jo'one peq'uel ayon yu'un spisil te mach'atic ch'ul lum yu'un te Diose. Ja'uc me to, ya jcholbey yaiyic te jyanlumetic te lec yach'il c'ope, ja' te sc'oplal te jelawen to xan ay yutsil yo'tan te Cristoe.

San Mateo 13:15

Te melel c'ax pimix yo'tanic te alumale. Ma xc'ot ta xchiquinic te c'ope. Smuts'oj sitic, yu'un ma sc'an yilic ta sitic, soc ma sc'an yaiyic stojol c'op ta xchiquinic, soc ma sc'anic te ya xc'ot ta yo'tanique, soc ma sc'an sujt'es yo'tanic ta jtojol, jich ma ba ya staic coltayel cu'un”, xi' te Diose.

1 Pedro 3:9

Teme ay mach'a amen te bila ya spasbeyexe, ma me xasujt'esbeyic spacol. Soc teme ay mach'a ya yixtac'optayexe, ma me xawixtac'optayic uuc. Ja' lec c'anbeyaic bendición ta stojol, melel ana'ojic te ja' swentail te ic'bilex yu'un Dios te ya x'ac'botex bendición uuc te ja'exe.

Hebreos 6:4

Melel te mach'atic sacubix q'uinal ta stojolic jun buelta, soc te la yaiybeyiquix sbujts' te majt'anil yu'un te Diose, soc te yic'ojiquix ta yo'tanic te Ch'ul Espiritue,

Colosenses 3:15

Te lamal q'uinal yu'un te Diose ac'a swentainbeyex awo'tanic. Melel la yic'otic te Diose te jun nax ya xc'ootic ta jpisiltique, jich te bit'il jun nax ay te jbaq'uetaltique. Soc albeyaic wocol Dios yu'un spisil.

Colosenses 1:23

Jich me ya xc'oex teme jc'axel ya xjunaj awo'tanic ta melele, soc teme ja' ipajemex ta lec a te xch'uunjel awo'tanique, soc teme ma xawijq'uitay ta awo'tanic smaliyel te bila ya yal te lec yach'il c'op awaiyojiquix stojole. Ja' te sc'oplal colel te yaquix ta cholel ta bayuc ta sjoylejal balumilal, te quich'oj abatinel ta xcholel uuc jo'on te Pabloone.

Colosenses 1:5

Jun awo'tan amaliyejic te bila q'uejbil yu'un Dios ta ch'ulchane, ja' to jajch'ex ta smaliyel a te c'alal la awaiyic stojol te smelelil c'ope, ja' bi ja' te lec yach'il c'ope.

Efesios 2:12

Ta neelal to, ma'yuquex ta swenta te Cristoe. Ma junuc ayex soc te lum Israele, soc ma'yuc ta awentaic te bila yaloj ta tratoetic te Diose. Jich nax cuxulex ta q'uinal. Ma'yuc smuc'ul awo'tanic soc ma'yuc Dios ta awo'tanic ta balumilal.

Gálatas 5:5

Yan te jo'otique ta swenta te Espíritu te ya cac' xch'uunjel co'tantic. Jich jun co'tantic ya jmaliytic te bit'il toj ya yilotic te Diose.

Isaías 29:18

Te bi c'aalil ya cal ya me yaiyic stojol te cojq'uetic c'alal ay mach'a ya xc'oponbot yaiyic te june; soc te mach'atic ma xyilic q'uinale, ya me xjam sitic, ma'yuc ijc' q'uinal, ni ajc'ubal ta stojolic.

1 Pedro 1:3

Jelawen yutsil te Diose, te Stat te Cajwaltic Jesucristoe. Yu'un ta scaj nax te bayal xc'uxul yo'tan ta jtojoltic te la yac' cha'ayinucotic xan ta swenta bit'il cha'cux tel ta bay animaetic te Jesucristoe. Jich cuxul spisil ora te smuc'ul co'tantique.

Hechos 16:14

Ja'uc me to, ay jtul ants te tey ay a, Lidia te sbiile, te talem ta lum Tiatira. Ja' yat'elinej xchonel te t'ujbil tsaj'aman pac' te bayal stojole. In ants to, ja' yich'oj ta muc' te Diose, jich jambot yo'tan yu'un te Cajwaltique. La yaiy stojol te bila la yal te Pabloe.

Filipenses 3:14

Ya me cantay bael ta banti albil te ya xc'oone. Jich me ya quich' jmajt'an te muc' sc'oplal te bit'il ya yic'on moel ta ch'ulchan te Diose ta swenta Cristo Jesús.

Job 42:5

Te ayix tel ora, ja' nax la caiybat ac'oplal ta jchiquin, pero yo'tic ya quilatix ta jsit.

Isaías 11:2

Te Espíritu yu'un Dios spisil me ora ay ta stojol. Ya me yac'bey sp'ijil yo'tan, soc sp'ijil sjol, swenta ya yaiy tojteswanej soc yip yu'el. Ya me sna'bey sba te Cajwaltic soc ya me yich' ta muc'.

San Marcos 10:17

Te c'alal jajch' xan ta beel te Jesuse, tal ta animal jtul winic. Tal squejan sba ta stojol soc la sjojc'obey: —Maestro te lecat atuquele, ¿bila lec ya jpas swenta yu'un ya xcuxinon sbajt'el q'uinal? —xi'.

Romanos 2:4

¿Ya bal ap'aj te bayal xc'uxtayejat te Dios te bit'il jal c'aal ya xmaliywane? ¿Yu'un bal ma ba c'oem ta awo'tan te ja' swentail te bit'il ayat ta c'uxtayel yu'une te yacuc asujt'es awo'tan ta stojol te Diose?

Romanos 11:29

Melel teme Dios la yal te ya xc'uxtaywane, soc te ay mach'a ya x'ic'ot yu'une, ma ba ya sujt'es sc'op stuquel te Diose.

Colosenses 1:12

Soc sbujts' awo'tanic ya me awalbeyic wocol ta stojol te Jtatic Diose. Ja' la xchapanotic swenta yu'un ya quich'tic te bila ya yac'botic te jayebotic te ch'ul lumotic yu'un Dios te ayotic ta bay te saquil q'uinale.

Colosenses 1:27

Jich la sc'an yo'tan Dios te ya yac'botic jna'tic in c'op to te muquen aye, ja' te c'op te jelawen yutsil ta aiyel stojol yu'un spisil te jyanlumetique: Ja' te bit'il ya x'ain ta awo'tanic te Cristoe, swenta yu'un jun awo'tanic ta smaliyel te ya awich'ic ta patil te yutsilal te Diose.

Colosenses 2:2

Yu'un ya jc'an te ya yich' yip awo'tanic, soc te jc'axel jun awo'tan abaic ya xc'oex yu'un te c'ux ya awaiy abaique. Jich me ya ataic te smuc'ul awo'tanic te bit'il ts'acal ya ana'iquix te bit'il ay te muquen c'op yu'un te Jtatic Diose, te ja' nix te sc'oplal te Cristoe.