Efesios 1:17 - Bible in Tzeltal de Oxchuc y Tenejapa

¹⁷ Ya jc'anbey te Dios yu'un te Cajwaltic Jesucristo, ja' te Jtatic te bayal yutsilale, te yacuc yac'beyex te Espíritu yu'une. Ja' me ya yac'beyex sp'ijil awo'tanic, soc ya me yac'beyex ana'ic stojol ta lec, swenta yu'un jich me ya ana'beyic xan sba ta melel a.

Nuevo Testamento Tzeltal de Amatenango

¹⁷ Ya jkꞌanbe te Diose yuꞌun te Kajwaltik Jesucristoe, te Tatil te lom bayal slekilale, aꞌ yaꞌbeyex te pꞌijilil ta skuenta te Espiritue, skuenta yuꞌun jich ya anaꞌik a te tut ya yakꞌ ta naꞌele, y ya me anaꞌbeyik sba ta lek.

Bible in Tzeltal Bachajón

¹⁷ Ya jc'ambe te Dios yu'un te Cajwaltic Jesucristo, ha te Tatil yu'un utsilal, te yacuc ya'beyex espíritu yu'un p'ijil-o'tanil soc yu'un sna'el bin ac'bil ta na'el yu'un Dios, scuenta yu'un ya xhu' yac ana'beyic sba ta lec.

Efesios 1:17 Referans Kwoze

Isaías 11:2

Te Espíritu yu'un Dios spisil me ora ay ta stojol. Ya me yac'bey sp'ijil yo'tan, soc sp'ijil sjol, swenta ya yaiy tojteswanej soc yip yu'el. Ya me sna'bey sba te Cajwaltic soc ya me yich' ta muc'.

Proverbios 2:5

Jich me ya ana' a te bit'il ay ta ich'el ta muc' te Cajwaltique; jich me ya ata te bit'il ya ana'bey sba te Diose.

2 Pedro 1:3

Ta swenta yu'el te Diose, yac'ojbotiquix te bila ya xju' ya xcuxinotic yu'une soc te spisiluc ora ya jna'tic te Diose. La yac' jna'beytic sba te Mach'a la yic'otic ta stojol, ta swenta te smuc'ul yutsilal soc ta swenta te jchajp at'eliletic te la yac'botic quiltique.

2 Pedro 3:18

Ja'uc me to, na'beyaic xan sba ta lec te Cajwaltic Jesucristoe te Jcoltaywanej cu'untique. Ac'a esmajuc xan ta awo'tanic te xc'uxul yo'tane. Jelawen yutsilal sc'oplal stuquel te Cajwaltique ta ora to soc ta sbajt'el q'uinal. Jichuc.

Efesios 1:3

Jelawen yutsil te Diose, te Stat te Cajwaltic Jesucristoe, te la yac'botiquix spisil ta jchajp bendición te ay ta ch'ulchan ta swenta te Cristoe.

San Juan 17:3

Ja' ay xcuxlejalic sbajt'el q'uinal yu'un te ya sna'bat aba ja'at te jip jtul mero Diosate, soc te ya sna'beyic sba uuc te Jesucristo te la aticun tele.

San Mateo 11:27

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna'bey sba te Nich'anile; ja' nax ya sna'bey sba te Tatile. Soc ma'yuc mach'a ya sna'bey sba te Tatile; ja' nax stuquel te Nich'anile, soc uuc te mach'a jayeb ya yac'bey sna'bey sbae.

1 Corintios 2:10

Dios la yac'botiquix jna'tic stojol spisil in to, ta swenta te Espíritu yu'une. Melel te Ch'ul Espiritue, ya xju' yu'un te ya yac' ta na'el stojol spisile, manchuc teme ja' te bila muquen ay ta yo'tan stuquel te Diose.

Jeremías 24:7

Ya cac'bey sna'ic q'uinal ta lec, swenta yu'un ya me sna'bonic jba te jo'on Ajwalilon. Ja'ic me te lum cu'un, soc jo'on me Dioson yu'unic; melel ya me sujt'es yo'tanic ta jtojol ta spisil yo'tanic.

Efesios 3:5

Melel ta namey q'uinal tel jtul ma'yuc mach'a ac'bot sna' stojol te bila muquen aye. Yan ta ora to, ac'botix sna'ic ta swenta Espíritu te ch'ul jpuc-c'opetique soc te j'alwanejetique.

San Juan 20:17

La yal te Jesuse: —Ma me xapicon yu'un ma to moemucon bael ta bay te Jtate. Baan albeya te yantic quermanotaque ya me xmoon bael ta bay te Jtate te Atatic uuc te ja'exe, te Dios cu'une soc te Dios awu'unic uuc te ja'exe —xi'.

Hechos 6:10

Ja'uc me to, ma ju' yu'unic te la stsalic ta c'ope, melel ac'bot bayal sp'ijil yo'tan yu'un te Ch'ul Espíritu te c'alal yac ta c'ope.

San Mateo 6:13

Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene. [Melel te ja'ate muc' ajwalilat atuquel, soc ay awu'el, soc ay awutsilal sbajt'el q'uinal. Jichuc]”, xaex me ta sc'oponel te Diose.

San Juan 14:26

Te Jmuc'tesej-q'uinal awu'unique, ja' te Ch'ul Espíritu te ya sticunbeyex tel ta jwenta te Jtate. Ja' me ya yac'beyex anopic spisil stuquel, soc ja' me ya yac'beyex ana'ic stojol ta spisil te bi la calixe.

2 Corintios 12:1

Ma snujp'in te toyol q'uinal ya caiy yu'un te bit'il ayon ta q'uinale. Pero ya xtal ta co'tan te bila ac'boton quil ta jtelemal yilel yu'un te Cajwaltique, soc te bila ac'boton jna' yu'une.

San Lucas 21:15

Melel te jo'one, ya me cac'beyex p'ijil c'op soc ya me cac'beyex te bila ya awalic te ma xju' yu'un sujt'esel te acontroique, soc te ma xju' ta controc'optayel yu'unique.

Salmos 24:7

¡Jama abaic, ti'nailetic te sbajt'el q'uinal ayexe! ¡Jamaluc me ya xjilex, yu'un ya me x'och te Muc' Ajwalil te ay xojobil yutsilale!

1 Corintios 12:8

Ta swenta te Espiritue, ay mach'a ya x'ac'bot bayal sp'ijil ta c'op. Soc ja' nix ta swenta te Espiritue te ay mach'a ya x'ac'bot bayal sp'ijil ta q'uinale.

1 Corintios 2:8

Te ajwaliletic swenta in balumilal to, ma la sna'beyic swentail. Te yu'unuc la sna'ique, ma la smilic ta cruz te Ajwalil yu'un utsilal te jichuque.

Romanos 15:6

Jich me jun nax ac'opic ta yalel te bit'il jelawen yutsil te Diose te Stat te Cajwaltic Jesucristoe.

San Juan 16:3

Jich ya spasic yu'un xujt' ma sna'beyic sba te Jtate, soc ma sna'bonic jba uuc.

Daniel 10:1

Ta yoxebal ja'wil yat'el ta muc' ajwalil yu'un Persia te Ciroe, te Daniel, te Beltsasar yan sbiile, ay bila ac'bot yil ta mero melel, pero chujc'ul ta na'beyel swentail. Te Daniel la yac' yo'tan ta sna'el, jich ju' yu'un sna'beyel swentail te bila ac'bot yile.

Jeremías 31:34

Ma'yuquix mach'a ya xp'ijubtesot yu'un sjo'tac ni spat-xujc' ta swenta sna'belonic jba, melel spisilic me, bay muc'-biq'uit, ya me sna'bonic jba. Ya jpasbey perdón te bila amen spasoje, soc ma ba ya jna'bey xan te smulique. Jo'on Ajwalilon, jich ya cal —xi' te Cajwaltique.

San Juan 14:17

ja' bi, ja' te Espíritu te ya yac' ta na'el te smelelil c'ope. Jich yu'un te mach'atic ayic ta swenta te balumilale, ma xju' ya yic' ta yo'tanic, yu'un ma chicanuc ya yilic soc ma sna'beyic sba. Yan te ja'exe ya ana'beyic sba, yu'un ya sjoinex soc ya me x'ain ta awo'tanic spisil ora.

San Mateo 16:17

La yal te Jesuse: —Bin nax me awutsil te ja'ate, Simón te snich'anat Jonase, te melel ma ants-winicuc te la yac'bat ana' yalel in to. Ja' la yac'bat ana' stojol te Jtat te ay ta ch'ulchane.

San Mateo 11:25

Ja' nix ta yorail a te jich la yal te Jesuse: —Jtat, te ajwalilat yu'un te ch'ulchane, te balumilale, jelawen yutsil awo'tan te ja' la awac'bey sna'ic stojol spisil in to te mach'atic alaletic c'oeme, ma ja'uc la awac'bey sna'ic stojol te mach'atic ay sp'ijilique soc te ya sna'ic q'uinal ta leque.

Jeremías 9:24

Teme ay mach'a toyol nax q'uinal ya yaiye, ja'uc me toyemuc nax q'uinal ya yaiy yu'un te ya sna'bon jbae, te ya sna' te jo'on Ajwalilon, te ya x'at'ejon ta balumilal soc xc'uxul co'tan, te toj ya caiy chajbanwaneje. Ja' me ya smulan co'tan. Jo'on Ajwalilon jich ya cal —xi'.

Jeremías 2:11

te ayuc jun nación te xch'uunej loc'ombaetic te la sjeliquix te yajcananique. Ja'uc me to puro lotil diosetic. Melel te lum cu'une la yijq'uitayon ta yo'tanic te jo'on yutsilalonique; ja' bajt'ix yo'tanic ta xch'uunel te loc'ombaetic te ma xtuun ta jyalele.

Salmos 24:10

¿Mach'a a te Muc' Ajwalil te ay xojobil yutsilal? Ja' te Cajwaltic te Spisil ya xju' yu'une. Ja' te Muc' Ajwalil te ay xojobil te yutsilale.

Apocalipsis 7:12

Jich la yalic: “¡Jichuc! Te bendicione, te ich'el ta muq'ue, te p'ijilile, te yalel wocole, te yutsilale, te yu'ele, soc te yipe, ja' ay ta swenta te Dios cu'untic sbajt'el q'uinale”, xiic.

Tito 1:1

Jo'on Pabloon te abaton yu'un te Diose, soc jpuc-c'opon yu'un te Jesucristoe, ticunbilon yu'un jich me ya staic xch'uunjel yo'tanic te mach'atic tsabilic yu'un te Diose, soc te jich ya cac'bey snopic te bit'il ay te smelelil c'ope,

Daniel 5:11

Li' nix ta banti yacat ta pasaw ta mandal ay jtul winic te wentainbil ta espíritu yu'un te ch'ul Diose. Te c'alal ja' ay ta muc' ajwalil a te atate, te winic ya calbate la yac' ta ilel sp'ijil sjol, buen lec snopjibal yu'un soc buen lec sp'ijil yo'tan jichuc diosetic. Ja' yu'un te atate, te muc' ajwalil Nabucodonosor, la yac'bey yat'el te winique ta swentainel te mach'atic ay sp'ijilic, soc te mach'atic ya sna'ic syoljoltayel, soc te mach'atic spisil ay bila sna'ojic, soc te mach'atic snopojic bitic ayic ta ch'ulchan ta spamal nación.

1 Crónicas 29:11

Cajwal, awu'un atuquel te ich'el ta muc', te awu'el, te xojobil awutsilal; atuquel ya xmandalajat soc atuquel ay awat'el. Melel spisil bitic ay ta ch'ulchan soc te bitic ay ta balumilal, ja'at awu'un. Atuquel ay awat'el ta mandalteswanej, cajalat yu'un spisil, Cajwal.

Santiago 2:1

Ja'ex quermanotac, te ay xch'uunjel awo'tanic ta swenta te Cajwaltic Jesucristo te jelawen yutsilal stuquele, ma me tsabiluc nax awu'unic te mach'a lec ya awilique.

1 Corintios 14:6

Jich yu'un, quermanotac, ¿bila ya ataic a teme ya xtal jc'oponex ta yantic c'opiletique? Ma'yuc bi ya ataic a. Ja'uc me to, ay bila ya ataic a teme ja' ya calbeyex te bila yac'ojbon jna' te Diose, soc teme ya cac'beyex anopic te p'ijil c'ope, soc te sc'op te Diose, soc te nopjibale.

San Lucas 12:12

Melel te c'alal ya sta yorail te ya xc'opojexe, te Ch'ul Espíritu ya me yac'beyex ana'ic te bila ya xc'o awalique —xi' te Jesuse.

San Lucas 2:14

“¡Jelawen ay yutsilal te Dios te ay ta ch'ulchan! Ya yac' lamajuc q'uinal ta balumilal ta stojol spisil ants-winiquetic te ayic ta c'uxtayel yu'une”, xiic.

Salmos 29:3

Te sc'op Cajwaltic ya xchicnaj ta aiyel ta sba mar; te Dios jelawen yutsil ya st'omes chawuc; te Cajwaltic ay ta sba sjamalul te mare.

2 Timoteo 2:25

soc te lamal yo'tan ya stojobtes te mach'atic ya xcontroinwanique, soc ya smaliy yil teme ayuc bit'il ya sujt'es yo'tanic ta stojol te Diose swenta yu'un ya me sna'ic uuc te smelelil c'ope.

Romanos 1:28

In te bit'il ma la sc'an sna'beyic sba ta melel te Diose, jich ijq'uitayotic yu'un Dios. Jich jowejic ta jyalel, ja' la spasic te bila ma jichuc ya sc'an pasele.

Hechos 7:2

Te Esteban jajch' ta c'op: —Lec ay, jme'-jtat, quermanotac, ya calbeyex awaiyic. Te Dios te ay xojobil yutsilale, la yac' sba ta ilel ta stojol te jtatic Abraham te c'alal ay to ta Mesopotamia, te c'alal ma to xba ainuc ta lum Harán.

Éxodo 28:3

Ya me ata ta c'op spisilic te mach'atic ay sp'ijil yo'tanic, ja' te mach'atic cac'ojbeyix smajt'an ta spasele. Ja' me ya spasbeyic sc'u'-spac' te Aarón, jich me ya cu'unin ta abatinel ta sacerdoteil.

Job 42:5

Te ayix tel ora, ja' nax la caiybat ac'oplal ta jchiquin, pero yo'tic ya quilatix ta jsit.

Proverbios 18:15

Te mach'atic ay sp'ijil yo'tanic soc te mach'atic ay sp'ijil sjolique, ya staic te p'ijil c'op ya sleique.

Efesios 4:13

Ja' to teme jpisiltic jun nax ya xc'ootic ta swenta te xch'uunjel co'tantique, soc ja' to teme jna'ojbeytiquix sba ta lec te Snich'an Diose. Jich me lequil ants-winic ya xc'ootic ta stojol te Diose. Yan yan jtabel quiptic, ja' to teme la jtabeytic smuc'ul te Cristoe.

Filipenses 3:15

Jich yu'un, te jayebotic te ayix xch'uunjel co'tantic ta stojol te Diose, jich me ac'a jna'tic ta jpisiltic. Teme ay to ma jichuc anopojic te ja'exe, ja' me ya yac'beyex ana'ic te Diose.

San Mateo 20:33

La yalic: —Cajwal, ya jc'an ya ajambon jsit jo'otic —xiic.