Efesios 1:15 - Bible in Tzeltal de Oxchuc y Tenejapa

¹⁵ La caiyix stojol te bit'il ay xch'uunjel awo'tanic ta swenta te Cajwaltic Jesuse soc te bit'il c'ux ya awaiy ta awo'tanic spisil te mach'atic ch'ul lum yu'un te Diose.

Nuevo Testamento Tzeltal de Amatenango

¹⁵ Yuꞌun la jnaꞌix te jaꞌex te ay xchꞌuunel awoꞌtanik ta skuenta te Kajwaltik Jesuse y sok ay xkꞌuxul awoꞌtanik ta stojol spisil te machꞌatik yuꞌun te Diose.

Bible in Tzeltal Bachajón

¹⁵ Ha scuentahil ini, te c'alal la jca'iy te ay sch'uhunel awo'tanic ta stojol te Cajwaltic Jesús soc te c'ux ta awo'tanic spisil te mach'atic ch'uhltesbilic,

Efesios 1:15 Referans Kwoze

Filemón 1:5

Yu'un caiyoj stojol te bit'il ay xc'uxul awo'tan ta stojol te mach'atic ch'ul lum yu'un te Diose, soc te ay xch'uunjel awo'tan ta stojol te Cajwalic Jesuse.

Hebreos 6:10

Melel te Diose, ma xch'ay ta yo'tan te awat'elique soc te xc'uxul awo'tan awac'ojic ta ilel ta stojol Cajwaltic te c'alal la acoltayic te mach'atic ch'ul lum yu'un te Diose, soc te ma ba acomoj abaic ta spasele.

2 Tesalonicenses 1:3

Quermanotac, spisil ora ya calbey wocol Dios ta awentaic yu'un te bit'il yac ta esmajel xch'uunjel awo'tanic, soc te bit'il talel c'axel c'ux ya awaiy abaic juju-jtulex soc te yantique.

1 Juan 4:21

Melel jich la yalbotic mandal te Diose: “Te mach'a c'ux ya yaiy ta yo'tan te Diose, c'uxuc me ac'a yaiy ta yo'tan uuc te yermanoe”, te xie.

1 Juan 3:17

Te mach'a ay bila ay yu'un li' ta balumilal to, teme ya yil te yermano te ma'yuc bi ay yu'une, teme ma ba ya xc'uxtaye, yu'un nanix ma c'uxuc ya yaiy ta yo'tan a te Diose.

1 Pedro 1:22

Jich yu'un utstesbilix acuxlejalic ta swenta te bit'il la ach'uuniquix te smelelil c'op [ta swenta te Ch'ul Espiritue,] swenta yu'un smelelil te c'ux ya awaiy abaic soc te awermanotaque. Jich yu'un ya sc'an te talel c'axel c'ux ya awaiy abaic, ma me ayuc bila ay ta awo'tanic juju-jtulex.

1 Timoteo 1:14

Jich esmaj ta c'axem to xan ta jtojol te yutsil yo'tan te Cajwaltique, soc la yac'bon xch'uunjel co'tan soc xc'uxul co'tan ta swenta te Cristo Jesuse.

1 Timoteo 1:5

Te bi swentailuc in mandal to, ja' te xc'uxul-o'tanil te ayinem ta bay lequil-o'tanil, soc te lequil nopjibale, soc te xch'uunjel-o'tanil ta melel.

1 Tesalonicenses 4:9

Ja'uc me to, ma yejt'aluc te ya calbeyex xan ta jun te bit'il ya sc'an te c'ux ya caiy jbajtic ta co'tantic soc te quermanotactique, te melel p'ijubtesbilex yu'un Dios te bit'il ya sc'an te c'ux ya awaiy abaique.

1 Tesalonicenses 1:3

Ja' ya xjul ta co'tan te bit'il ay xch'uunjel awo'tanic ta stojol te Jtatic Diose, soc te bit'il awac'oj abaic ta abatinel soc te xc'uxul awo'tanique, soc te bit'il jun awo'tan yaquex ta smaliyel te bi ora ya xtal te Cajwaltic Jesucristoe.

Gálatas 5:6

Melel ta swenta te Cristo Jesuse, jich ma'yuc sc'oplal teme quich'ojtic circuncisión o teme ma ba quich'ojtique. Te bila ay sc'oplale, ja' te ay xch'uunjel co'tantique. In te xch'uunjel co'tantique, ya yac' cuxinucotic soc xc'uxul co'tantic.

Salmos 16:3

Te yajcananic te ay ta jlumale, bayal yu'el ta sc'opic, jich ya yalic te mach'atic bin nax yo'tanic yu'un.

Hechos 20:21

Jamal la calbey yaiy te judioetique soc te jyanlumetique, te ya sc'an ya sujt'es yo'tanic ta stojol Dios soc te ya yac' xch'uunjel yo'tanic ta stojol te Cajwaltic Jesucristoe.

Romanos 1:8

Te bila sbabial ya cale ja' te ya calbey bayal wocol te Dios ta awentaic ta stojol te Jesucristoe, yu'un la caiyix stojol te bit'il ayix xch'uunjel awo'tanique, melel pujq'uemix ac'oplalic ta bayuc ta spamal balumilal.

Efesios 1:1

Jo'on Pabloon. Ayon ta jpuc-c'op yu'un Jesucristo ta swenta sc'anjel yo'tan te Diose. Ya jpatbeyex awo'tanic ja'ex te ch'ul lumex yu'un Dios soc te jun awo'tanic ta swenta Cristo Jesús te ayex ta lum Efeso.

Efesios 3:18

jich me ya xju' awu'unic sna'el stojol ta lec soc spisil te mach'atic ch'ul lum yu'un Dios te jich sjamalul soc snajt'il soc sc'ubulil soc stoylejal te xc'uxul yo'tan cu'untique.