Efesios 1:14 - Bible in Tzeltal de Oxchuc y Tenejapa

¹⁴ Te Ch'ul Espiritue, ja' seña te bila ya yac'botic quich'tic te Diose te c'alal ju'ix yu'un scoltayel spisil te mach'atic yu'une, swenta yu'un jich me ya jc'ajintaybeytic te yutsilale.

Nuevo Testamento Tzeltal de Amatenango

¹⁴ Te Chꞌul Espiritue jaꞌ seña te ya kichꞌtik te majtanil te Dios ya yaꞌbotik kꞌalal ya stsꞌakay te machꞌatik ya yichꞌ koltayel yuꞌune. Yuꞌun jich me ya kalbetik te slekilale.

Bible in Tzeltal Bachajón

¹⁴ Te Ch'ul Espíritu ha seña te quich'ojtic te ya yac' ta na'el te ya me x'a'botic quich'tic te bin halbil yu'un Dios, ha to c'alal ya sta yorahil ya xcol ta libre te mach'atic yu'un Dios, scuenta halbeyel yutsil sc'oblal.

Efesios 1:14 Referans Kwoze

2 Corintios 5:5

Ja' swentail te Dios te jich la spasbotic te jich ya xc'ootic ta patil yu'une. Soc ja' nix yac'ojbotiquix te Ch'ul Espíritu, te ja' seña quich'ojtiquix te bila ya yac'botic xan quich'tic ta patile.

2 Corintios 1:22

Jich yac'ojbotiquix quich'tic te selloe, soc yac'ojbotiquix ainuc ta co'tantic te Ch'ul Espiritue swenta seña te bila ya yac'botic xan ta patile.

Efesios 4:30

Ma me xawaq'uic ta mel-o'tan te Ch'ul Espíritu yu'un te Diose, te melel ja' sello awich'ojic yu'un Dios, ja' to teme la sta sc'aalelal te jc'axel ya xcolex yu'une.

Gálatas 4:6

Ta swenta te bit'il yal-snich'anex te Diose, la sticun tel ainuc ta awo'tanic uuc te Espíritu yu'un te Snich'ane. Ja' swentail te jich ya xc'opoje: “¡Abba, Jtat!”, xi' ta stojol te Diose.

Romanos 8:23

Soc ma stuqueluc nax te yac ta woclajele. Jichotic uuc yacotic ta woclajel manchuc teme quic'ojtiquix te Espiritue, te ja' sbabial seña te jayeb bi ya yac'botic ta spisil te Diose. Jich bayal ayotic ta ajc'an jpisiltic te bit'il yacotic ta smaliyel te bi ora yal-snich'an Dios ya xc'ootique. Tey me ya xcolotic soc a te jbaq'uetaltique.

Efesios 1:12

Yu'un jich la sc'an yo'tan te Diose, swenta yu'un te jo'otic te neel la jch'uuntic te Cristoe, ya me calbeytic te smuc'ul yutsilale te jayeb c'aal cuxulotique.

Hechos 20:32

“Ta ora to, quermanotac, ya caq'uex jilel ta canantayel yu'un te Diose soc te sc'op Dios te ayotic ta c'uxtayel yu'une. Ja' ay yip yu'el te ya xmuc'ubex yu'un ta swenta te Diose, soc ya me yac'beyex spisil bendición te yaloj te ya yac'bey te mach'atic ch'ultesbilique.

Salmos 78:54

Te Dios la yic' tel te lum yu'un ta xch'ul-q'uinal, tey ta witstiquil te banti ja' nix yu'uninej stuquele.

Salmos 74:2

Na'a me te lum awu'un, ja' te manbil awu'un ta xjajch'ibal to tale, ja' te la acoltay loq'uel tel swenta yu'un awu'un ta xchajbal soc te sts'umbale; na'a me te wits Sión te banti nainate.

1 Pedro 2:9

Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.

Hechos 20:28

Jich yu'un tsajtaya me abaic ja'ex, soc canantayaic ta stsojbol te chijetic ta banti yac'ojbeyex awat'elic ta scanantayel te Ch'ul Espiritue. Canantayaic te jch'uunjeletic yu'un te Cajwaltic te manbil ta xch'ich'el yu'une.

San Lucas 21:28

Teme jajch' ta chicnajel te señailetique, toj me x'atejc'an abaic. Toya ajolic yu'un nopolix tel te acolelique —xi' te Jesuse.

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

Efesios 1:11

Ta swenta bit'il jun c'oemotic soc Cristo, namey tsabilotic yu'un Dios te ya yac'botic quich'tic soc Cristo te sc'ulejale. Jich la xchap ta xjajch'ibal te Diose, soc ya yac' c'otuc ta pasel te sc'anjel yo'tan stuquele.