Efesios 1:13 - Bible in Tzeltal de Oxchuc y Tenejapa

¹³ Wocol la yal te Cristoe, te la awaiyic stojol te smelelil c'ope, ja' bi, ja' te lec yach'il c'op yu'un te jcoleltique. Soc te c'alal la ach'uunic te Cristoe, la awiq'uic te Ch'ul Espíritu te ja' aselloilic te la yal Dios te ya yac'beyexe.

Nuevo Testamento Tzeltal de Amatenango

¹³ Y jich te jaꞌexe, kꞌalal la awaꞌiyik te skꞌoplal tut batsꞌi jiche te jaꞌ skꞌoplal te kolele y te la achꞌuunik te Cristoe, jich jun nax a kꞌoex sok. Sok la awikꞌik te Chꞌul Espíritu te jaꞌ amarkaik te jich yaloj Dios te ya yaꞌbeyexe.

Bible in Tzeltal Bachajón

¹³ Ha nix hichex te c'alal la awa'iyic te smelelil c'op, ha te lec yach'il c'op yu'un acolelic, te c'alal la ach'uhunic la awich'ic asellohilic, ha te Ch'ul Espíritu te halbil ya xtale.

Efesios 1:13 Referans Kwoze

2 Corintios 1:22

Jich yac'ojbotiquix quich'tic te selloe, soc yac'ojbotiquix ainuc ta co'tantic te Ch'ul Espiritue swenta seña te bila ya yac'botic xan ta patile.

Efesios 4:30

Ma me xawaq'uic ta mel-o'tan te Ch'ul Espíritu yu'un te Diose, te melel ja' sello awich'ojic yu'un Dios, ja' to teme la sta sc'aalelal te jc'axel ya xcolex yu'une.

2 Timoteo 2:19

Ja'uc me to, te yiptajib yac'oj te Diose, ma'yuc ta nijq'uesel stuquel. Ay sello yich'oj te jich ya yale: “Na'bil sbaic yu'un Dios te mach'atic yu'une”, xi'. Soc ya yal: “Spisil te mach'atic ya yalic wocol ta stojol te Cajwaltique, ac'a jiluc yu'unic spisil te mulile”, xi' xan.

1 Tesalonicenses 2:13

Jich yu'un, spisil ora ya calbey wocol Dios ta awentaic yu'un te bit'il la awich'ic ta muc' te c'op te la calbeyex awaiyique. La ach'uunic te ja' sc'op te Diose, ma la acuyic ta sc'op nax ants-winiquetic. Melel nix a te ja' sc'op Dios te la cale, te yaquix ta at'el ta awo'tanic ja'ex te ach'uunejique.

Romanos 4:11

La yich' te circuncisión ta swenta seña soc ja' sello yu'un te bit'il toj ilotix yu'un Dios ta swenta nax xch'uunjel yo'tan, te c'alal ma to ba yich'oj a te circuncisione. Ja' swentail te ja' tatil yu'un spisil te mach'atic xch'uunejic Dios te ma ba yich'ojic circuncisione. Jich yu'un te mach'atic ya yac' xch'uunjel yo'tanique, toj ya x'ilotic yu'un te Diose.

Tito 2:11

Melel la yaq'uix ta ilel te Diose te bit'il ay yutsil yo'tan cu'untic te bit'il ja' ta swenta te ayix colel yu'un ta stojol spisil te ants-winiquetique.

Gálatas 3:14

Jich c'ot ta pasel te bit'il albot yu'un Dios te Abraham te ya xc'ot ta swentaic bendición uuc te jyanlumetic ta swenta Cristo. Soc ta swenta xch'uunjel co'tantic ya quich'tic te Espíritu te yaloj Dios te ya yac'botique.

Joel 2:28

Jich ya yal te Cajwaltic: —C'alal ya xc'ax ta spisil te bitic la cale, spisil te ants-winiquetic ya me jmalbey ta stojolic te espíritu cu'une. Te aquerem-nich'nabic, te awantsil-nich'nabic ay me bi ya yalic ta jwenta, te mamaletic ay me bila ya swaichinic, te queremetic ay bitic ya x'ac'bot yilic ya yaiyic.

Romanos 1:16

Melel ma xq'uexawon yu'un te lec yach'il c'ope. Melel ja' ay yu'el yu'un te Diose, swenta yu'un jich ya xcolic spisil te mach'atic ya xch'uunique. Ja' neel te judioetique, soc uuc te jyanlumetique.

Hechos 2:33

Ic'ot moel c'alal ta swa'el sc'ab te Diose, soc ac'bot ta swenta te Ch'ul Espíritu yu'un te State. Jich la smalix ta jtojoltic te bit'il albil sc'oplale. Ja' meix te yacalex ta yilele soc te yacalex ta yaiyel stojole.

San Juan 14:26

Te Jmuc'tesej-q'uinal awu'unique, ja' te Ch'ul Espíritu te ya sticunbeyex tel ta jwenta te Jtate. Ja' me ya yac'beyex anopic spisil stuquel, soc ja' me ya yac'beyex ana'ic stojol ta spisil te bi la calixe.

San Juan 1:17

Melel ta swenta Moisés ac'bototic te mandalile. Yan te yutsil-o'tanile soc te bila melele, ja' chicnaj ta swenta stuquel te Jesucristoe.

San Lucas 24:49

Soc ya calbeyex awaiyic, jo'on ya jticunbeyex tel te bila yaloj te Jtate. Jich yu'un te ja'exe, ainanic li'to ta Jerusalén, ja' to c'alal ya xjul ta awentaic te yu'el Dios te ya xtal ta toyole —xi' te Jesuse.

Salmos 119:43

Ma me x'apojbon loq'uel ta que te smelelil ac'ope, melel ja' me yipinej co'tan te bitic chajbanbil awu'une.

1 Pedro 2:10

Te ja'exe ma ba lumex yu'un Dios ta neelal to. Yan ta ora to, lum c'oemexix yu'un te Diose. Ta neelal to ma la ataic c'uxtayel. Yan ta ora to, la ataiquix c'uxtayel yu'un te Diose.

Romanos 6:17

Wocol la yalbotic te Diose, manchuc teme ayex ta mosoil yu'un mulil ta neelale, ja'uc me to, ach'uunejiquix soc awo'tanic te bit'il ay te p'ijubtesel te ac'ot ta awentaic snopele.

Hechos 1:4

Te c'alal sjoinej to te jnopojeletic yu'une, la yalbey mandal te ma ba ya yijq'uitayic te lum Jerusalene. Jich la yalbey yaiyic: —Ya me amaliyic te bila yaloj te Jtate, te la calbeyex awaiyique.

San Juan 15:26

“C'alal ya xtal te Jmuc'tesej-q'uinal awu'unic te ya jticunbeyex tel ta swenta te Jtate, ja' me ya yalbon jc'oplal stuquel. Ja' te Espíritu yu'un te bila melele te talem ta stojol te Jtate.

Hechos 13:26

“Quermanotac, te yal-snich'anex te Abrahame soc ja'ex ta apisilic te awich'ojic ta muc' te Diose, julix ta alel ta atojolic te bit'il ay sc'oplal te colele.

San Juan 6:27

Ma me ja'uc xawat'elinic sleel te awe'elic te lajel lajel aye. Ja' ya sc'an ya awat'elinic sleel te awe'elic te stalel ma xlaj sbajt'el q'uinale te ja' ya yac'beyex te Nich'anile, melel te Jtatic Diose la yaq'uix ta ilel te bin nax yo'tan yu'une —xi' te Jesuse.

San Lucas 11:13

Melel te ja'exe, manchuc teme amen te awo'tanique, ya nax ana'ic yaq'uel te bila lec ta stojol te awal-anich'anique. ¿Ja'uc to bal a te Jtatic te ay ta ch'ulchane? Ya me yac'bey te Ch'ul Espíritu te mach'a ya sc'anbeye —xi' te Jesuse.

Apocalipsis 7:2

Soc la quil yan ch'ul abat te moj tel ta bay sloq'uib c'aal. Yich'oj tel ta sc'ab te sello yu'un te cuxul Diose. Ja' in ch'ul abat to tulan awun ta yawtayel te chantul ch'ul abatetic te yich'oj yat'elic ta lajinwanej ta bay lum q'uinal soc ta bay te mare.

Santiago 1:18

Ta swenta sc'anjel yo'tan stuquel te la yac' cha'ayinucotic xan ta swenta te smelelil c'ope, swenta yu'un sba sit yawal-sts'unub ya xc'ootic ta bay spisil te yat'el spasoje.

Hebreos 2:3

¿Bit'il c'an jcoltay loq'uel jbajtic uuc teme ma'yuc sc'oplal ta co'tantic te jcoleltic te c'ax muc' sc'oplale? Yu'un ja' nix Cajwaltic te la xcholbey sc'oplal ta neelal te jcoleltique. Te mach'atic la yaiybeyic stojol te sc'ope, ja'ic la yalbotic te bit'il smelelil c'op te bila la yale.

2 Timoteo 3:15

Melel ta awalalil to ana'oj te bila ts'ibubil jilel ta Xch'ul Sjun te Diose, te ja' ya yac'bat sp'ijil awo'tan te bit'il ya xcolat ta swenta xch'uunjel awo'tan ta stojol te Cristo Jesuse.

2 Timoteo 2:15

Antaya me te bit'il lec ya xc'oat ta loq'uel te c'alal ya atejc'an aba ta stojol te Diose. Jich bit'il te mach'a lec ya x'at'ej te ma sta q'uexlal yu'un te yat'el soc te stojil ya yac' ta nopel te smelelil c'ope.

Efesios 4:21

teme melel te awaiyojbeyiquix stojol sc'oplal soc teme la awich'iquix p'ijubtesel ta swenta, jich te bit'il ay sc'oplal ta mero melel te Jesuse.

2 Corintios 6:7

soc smelelil te bila ya caltique, soc quich'ojbeytic yu'el te Diose. Ja' cat'ejibtic te bit'il toj ayotic ta q'uinale, ja' ya caiytic tsalaw a soc ja' jmajq'uiltic, ta wa'el ta q'uexen.

San Juan 3:33

Yan teme ay mach'a ya xch'uune, ya yac' ta na'el te bit'il melel te bila ya yal te Diose.

Santiago 1:21

Jich yu'un ijq'uitayaic te bila ilaybile soc spisil ta jchajp te bila amen ta pasele. Peq'ueluc me xawac' abaic ta yaiyel stojol te sc'op Dios te ya yich' ts'unel ta awo'tanic soc te ya xcol ach'ulelic yu'une.