Efesios 1:12 - Bible in Tzeltal de Oxchuc y Tenejapa

¹² Yu'un jich la sc'an yo'tan te Diose, swenta yu'un te jo'otic te neel la jch'uuntic te Cristoe, ya me calbeytic te smuc'ul yutsilale te jayeb c'aal cuxulotique.

Nuevo Testamento Tzeltal de Amatenango

¹² Jich a spas, yuꞌun te joꞌotik te nail la jchꞌuuntik te Cristoe, jujun kꞌaal te kuxulotike ya me kalbetik te slekilal te Diose.

Bible in Tzeltal Bachajón

¹² scuenta yu'un ya xhalbot yutsil sc'oblal ta jcuentacotic, ho'otcotic te nahil smuc'ulinej co'tancotic te Cristohe.

Efesios 1:12 Referans Kwoze

Efesios 1:6

Swenta yu'un ya jc'ajintaybeytic yutsilal te Diose, yac'ojbotic bayal bendición ta swenta te Snich'an te bayal c'ux ta yo'tane.

2 Tesalonicenses 2:13

Jich yu'un, quermanotac, ya sc'an ya calbeytic wocol Dios ta awentaic, te c'uxex ta yo'tan te Cajwaltique, te bit'il xjajch'ibal to stsaojex Dios yu'un te ya xcolexe. Ja' ta swenta te Espíritu te ya xch'ultesbeyex awo'tanique, soc ja' ta swenta te ay xch'uunjel awo'tanic yu'un te smelelil c'ope.

Efesios 3:21

Ac'a chicnajuc yutsilal te Cristo Jesús ta yolil te jch'uunjeletique soc ta lamalam bael ta sbajt'el q'uinal. Jichuc.

Jeremías 23:6

Ta yorail te ay ta at'el ta muc' ajwalile, te Judá ya me xcol; jich nix te Israel, jun nax me yo'tan ta q'uinal. Ja' me sbiil ya awalbeyic in to: “Cajwaltic te toj ya yaiy tsalaw cu'untique” xaex me ta yalel —xi'.

Isaías 45:23

Jo'onix la jta jba ta alel jtuquel, la cal ta jamal te jo'on ya caiy tsalawe, te bila caloj ta jamal, ya me xc'ot ta pasel. La cal te ya me xtal squejan sbaic ta jtojol spisil te ants-winiquetique, soc ta spisilic ya me staonic ta alel.

Isaías 12:2

Ja' Dios te ya scoltayone, ja' smuc'ulinej co'tan, ma xiwon. Te Cajwale, ja' anjibal cu'un soc ja' me quip, ja' jcoltaywanej cu'un —xaex me.

Santiago 1:18

Ta swenta sc'anjel yo'tan stuquel te la yac' cha'ayinucotic xan ta swenta te smelelil c'ope, swenta yu'un sba sit yawal-sts'unub ya xc'ootic ta bay spisil te yat'el spasoje.

Isaías 11:10

Te bi c'aalil ya xc'ot ta pasele, ya xpulin te slojp' te' Isaí sbiil, te spul ya me xchicnaj jajch'el jichuc bandera, ta swenta señail ta stojol te lumetique. Te nacionetic ya me xba sleic; te awilal te banti aye, ay me yutsilal tey a.

Efesios 2:7

Jich me ya xchicnaj ta ilel ta patilal bael, te ay bayal yutsil yo'tan cu'untic te la xc'uxtayotic ta swenta te Cristo Jesuse.

San Juan 14:1

Te Jesús la yal: —Ma me xawac' woclajuc te awo'tanique. Ch'uunaic te Diose, soc ch'uunawonic uuc te jo'one.

Isaías 45:25

Ta jwenta jtuquel, jtsalwanej ya xc'otic ta loq'uel spisil te lum Israel, soc toyem nax me q'uinal yaiyic cu'un —xi' te Diose.

1 Pedro 1:21

Ja' ta swenta Cristo te ach'uunejiquix te Diose, te la yich' cha'cuxesel ta bay animaetic, soc te ac'ot ta ich'el ta muq'ue. Ja' swentail te awac'oj xch'uunjel awo'tanic soc smuc'ul awo'tanic ta stojol te Diose.

2 Timoteo 1:12

Ja' swentail te ay jwocol yu'un ta ora to. Ja'uc me to, ma ba ya xq'uexawon yu'un, melel ya jna' te mach'a jch'uuneje, soc xch'uunej co'tan te bit'il ay yu'el ta scanantayel te bila cac'ojix jilele ja' to te c'alal ya sta sc'aalelal te ya xcha'tal xane.