Efesios 1:11 - Bible in Tzeltal de Oxchuc y Tenejapa

¹¹ Ta swenta bit'il jun c'oemotic soc Cristo, namey tsabilotic yu'un Dios te ya yac'botic quich'tic soc Cristo te sc'ulejale. Jich la xchap ta xjajch'ibal te Diose, soc ya yac' c'otuc ta pasel te sc'anjel yo'tan stuquele.

Nuevo Testamento Tzeltal de Amatenango

¹¹ Dios a stꞌujotik ta slijkibal to tal, yuꞌun te jun nax ya xkꞌootik sok te Cristo sok ya me xba kichꞌtik te jmajtantik te xatꞌbilotike. Jich tutꞌil snopoj stukel mismo te Diose, sok ya xkꞌot ta pasel yuꞌun spisil te tut lek ya yile.

Bible in Tzeltal Bachajón

¹¹ Ta scuenta Cristo ha nix hichotcotic la yac' te ya x'ac'ot quich'cotic bintic ay yu'un Dios, te bin ut'il namey tsahbilotcotic yu'un te mach'a ya yac' c'ohtuc ta pasel spisil bin ya sc'an yo'tan stuquel,

Efesios 1:11 Referans Kwoze

Romanos 8:28

Jna'ojtic stojol te mach'atic c'ux ta yo'tanic te Diose, ya x'ac'botic yu'un spisil bila leque, ja'ic me te mach'atic ic'bilic yu'un Dios te bit'il jich la sc'an yo'tan stuquele.

1 Pedro 1:4

Jich me ya yac'beyex awu'uninic te bila q'uejbil ta ch'ulchan yu'un te Diose. Ma sna' xjin, soc ma sna' sts'ilaj, soc ma sna' xlaj yutsilal te bila ya yac'beyexe.

Efesios 1:14

Te Ch'ul Espiritue, ja' seña te bila ya yac'botic quich'tic te Diose te c'alal ju'ix yu'un scoltayel spisil te mach'atic yu'une, swenta yu'un jich me ya jc'ajintaybeytic te yutsilale.

Efesios 3:11

Jich la spas te Diose, te xchapoj ta yo'tan swenta sbajt'el q'uinal stuquel. Ja' la yac' c'otuc ta pasel ta swenta te Cajwaltic Jesucristoe.

Efesios 1:5

Ta swenta xc'uxul yo'tan, te xjajch'ibal to chapal yu'un Dios te ya yic' yal-snich'aninotic ta swenta te Jesucristoe. Bayal sbujts' yo'tan te la yic'otic ta swenta te sc'anjel yo'tane.

Gálatas 3:18

Jich yu'un teme ta swenta mandalil te ay bendicione, jich ma ja'uquix ta swenta te bila la yal Dios ta stojol te Abrahame. Ja'uc me to, te Abraham ac'bot bendición yu'un Dios ta swenta nax te bit'il jich albot yu'une.

Hebreos 6:17

Jich nix la spas uuc te Diose. La sc'an yo'tan te ya sna'ic stojol te mach'atic ay bila ya x'ac'bot ta swentaic yu'une, te ma xch'ay te bila yaloje. Jich ma ja'uc nax la yich' alel, ja' nix la yal ta jamal stuquel.

Tito 3:7

swenta yu'un lec ya yilotic te Diose ta swenta nax te yutsil yo'tane. Jich me ay ta jwentatic te ya quich'tic jcuxlejaltic sbajt'el q'uinal, jich bit'il te maliybil cu'untique.

Romanos 8:17

Teme yal-snich'anotic te Diose, ja' cu'untic uuc te bila ay yu'un te Diose. Pajal me ya quich'tic soc Cristo teme pajal ya xc'ax jwocoltic jich te bit'il c'ax swocol stuquele. Jich me pajal ya quich'tic cutsilaltic soc.

Colosenses 1:12

Soc sbujts' awo'tanic ya me awalbeyic wocol ta stojol te Jtatic Diose. Ja' la xchapanotic swenta yu'un ya quich'tic te bila ya yac'botic te jayebotic te ch'ul lumotic yu'un Dios te ayotic ta bay te saquil q'uinale.

Colosenses 3:24

Yu'un ya ana'ic te ya yac'beyex amajt'anic juju-jtulex ta patilal te Diose. Melel ayex ta abatinel yu'un te Cristoe te ja' mero Awajwalique.

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

Hechos 20:32

“Ta ora to, quermanotac, ya caq'uex jilel ta canantayel yu'un te Diose soc te sc'op Dios te ayotic ta c'uxtayel yu'une. Ja' ay yip yu'el te ya xmuc'ubex yu'un ta swenta te Diose, soc ya me yac'beyex spisil bendición te yaloj te ya yac'bey te mach'atic ch'ultesbilique.

Hechos 2:23

Ja'uc me to, ta xjajch'ibal to tel ay ta yo'tan Dios te bit'il jich snopoj stuquele, la yac'beyex ta ac'abic te Jesús te la awac'beyic smilic ta cruz te mach'atic ma sna'beyic sba te Diose.

Hechos 20:27

melel spisil la calbeyex ta jamal te bila chapal yu'un te Diose. Ma'yuc bila la jmuc ta co'tan xujt'uc.

Hechos 4:28

Jich la spasic spisil te bila neel to chapal ta awo'tan te puersa jich ya xc'ot ta pasele.

Jeremías 32:19

Te ja'ate c'ax muc'at yu'un te bila achapoje soc bayal awu'el ta spasel te at'eliletic awu'une. Te ja'ate ya awil spisil te bitic ya spasic te ants-winiquetique, soc ya awac'bey stojic juju-jtul te yat'elic te bit'il ya sc'ane.

Salmos 37:18

Te Cajwaltic ya me scanantay te mach'atic lec yat'elic, soc stalel me ay stuquel te bila ya x'ac'bot yu'uninique.

1 Pedro 3:9

Teme ay mach'a amen te bila ya spasbeyexe, ma me xasujt'esbeyic spacol. Soc teme ay mach'a ya yixtac'optayexe, ma me xawixtac'optayic uuc. Ja' lec c'anbeyaic bendición ta stojol, melel ana'ojic te ja' swentail te ic'bilex yu'un Dios te ya x'ac'botex bendición uuc te ja'exe.

Romanos 11:34

Te melel jich ts'ibubil jilel: “¿Mach'a c'an ju'uc yu'un sna'el te bila snopoj te Cajwaltique? ¿Soc mach'a c'an ac'botuc consejo yu'un?

Zacarías 6:13

Ya me xcha'pas xan te templo yu'un Cajwaltic, soc ya me yich' ich'el ta muc', jich te bit'il ya x'ich'ot ta muc' te ajwalile. Ya me snajc'an sba ta smuc'ul nactijib ta mandalteswanej; soc ta xujc' te smuc'ul nactijibe, ya me snajc'an sba te sacerdote. Lamal me q'uinal ya yaiyic ta xchebalic’, uta me.

Jeremías 23:18

Ja'uc me to, ¿mach'a sna'oj te bila muquen ay ta yo'tan te Cajwaltique? ¿Mach'a yiloj soc mach'a yaiyojbey stojol te sc'ope? ¿Mach'a la yaiybey stojol?

Isaías 28:29

Jich nix me ya xchajban yat'el te Cajwaltic te Spisil ya xju' yu'une. Jchajp nax te bila chapal yu'une, ya me sc'otes ta pasel soc smuc'ul sp'ijil.

Isaías 5:19

Jich ya awalic te ja'exe: “Te Diose ac'a spas ta ora te yat'ele, swenta yu'un ya me quiltic; te Ch'ul Dios yu'un Israel ac'a sc'otes ta pasel ta ora te bitic xchapoje, swenta yu'un ya me jna'beytic sba”, xaex.

Deuteronomio 4:20

Te ja'exe la stsobex loq'uel tel ta Egipto te Cajwaltique, ta yutil horno yu'un yultesel taq'uin c'oem. Jich la yaq'uex te bit'il ayex ta ora in to: Ja'ex lumex yu'un stuquel.

Proverbios 8:14

Jo'on ay ta jwenta te bila lec ya yich' chapele, jo'on ya cac' c'otuc ta pasel, jo'on te chajbajibalon soc te ay quipe.

Santiago 2:5

Quermanotac te bayal c'uxex ta co'tane, aiya awaiyic stojol in to: ¿Ma bal ja'uc tsabilic yu'un Dios te mach'atic me'ba ayic li'to ta balumilale? Melel ja' sc'ulejalic ya xc'ot te ay xch'uunjel yo'tanique, soc te ya x'ac'bot ainuquic tey a ta bay ay ta ajwalil te Diose, jich te bit'il yalojbey sc'oplal spisil te mach'atic c'ux ya yaiyic ta yo'tanic te Diose.

Efesios 1:8

Soc la yac'botic ta c'axem to xan spisil te sp'ijil co'tantic soc sp'ijil joltic.

Job 12:13

Pero te Diose ay sp'ijil soc spisil ya xju' yu'un stuquel. Ay bila ya xchap, soc te bila ya xchape, ya xc'ot ta pasel yu'un.

Job 33:29

“Te Dios ay jich ya spasbey jun cheb buelta te ants-winique;

Isaías 25:1

Cajwal, ja'at Diosat cu'un; ya jtoyesbat ac'oplal soc ya calbey yutsilal te abiile. Melel la apasix te bitic chapal awu'un te jchajbic nax ae, stalel ayic, ma xyanaj te bitic chajbanbil awu'un ta namey q'uinal tele.

Hechos 13:48

Te c'alal la yaiyic stojol in to te jyanlumetique, bin nax yo'tanic yu'un soc jajch' yalic te bin nax yutsil sc'op te Cajwaltique. Spisil la xch'uunic te mach'a jayeb tsabilic yu'un te ya xcuxinic sbajt'el q'uinale.

Romanos 8:29

Melel te mach'atic namey to na'bil sbaic yu'un te Diose, xjajch'ibal to tel chapal sc'oplalic yu'un Dios te bit'il pajal yilelic ya xc'ot soc te Snich'ane, swenta yu'un ja' sbabial ya xc'ot ta yolil te tsobol yijts'inabe.

Romanos 8:30

Te mach'atic xjajch'ibal to tel jich chapal sc'oplalic yu'un Diose, ja'ic te la yich'ic iq'uel yu'une. In te bit'il la yich'ic iq'uel yu'une, Dios la yac' ta libre yu'un smulic. In te mach'atic la yac' ta libre yu'un smulic, la yac'bey yich'ic te yutsilale.

Romanos 9:11

Ja'uc me to, te c'alal ma to x'ayinic a soc ma'yuc bila spasojic ta bay leque soc ta bay amene, jich albot yu'un Dios te Rebecae: “Te ijts'inale ya me smosoin te sbanquile”, te xi' sc'oplale. Ja' pajal soc te bit'il jich ts'ibubil jilel ta Sjun te Diose: “Te Jacobe, c'ux la caiy ta co'tan. Yan te Esaú, la jp'aj ta co'tan stuquel”, te xie. Jich chican ta jamal te bit'il ay ta swenta stsael stuquel te mach'a ya yic' te Diose, chican te bila snopoj ta yo'tan stuquel. Ma ba ya yich' ta wenta te bila ya spasique.

Efesios 1:9

La yac'botiquix jna'tic stojol te sc'anjel yo'tan te muquen aye, ja' bi, ja' te bila la xchap stuquele.

Efesios 1:18

Soc ya jc'anbey Dios te yacuc sjambeyex asitic soc te ya yac'beyex sp'ijil awo'tanic, swenta yu'un jich me ya ana'ic stojol te bit'il ya xc'ootic yu'un ta jpisiltic te ic'bilotic yu'une, soc jich me ya xc'ot ta awo'tanic te bit'il jelawen yutsilal te sc'ulejal te ya yac'botic ta patil jo'otic te ch'ul lumotic yu'un te Diose,

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.