Efesios 1:10 - Bible in Tzeltal de Oxchuc y Tenejapa

¹⁰ Ja' la xchap te c'alal ya sta yorail yu'une, ya me x'och ta swenta Cristo spisil te bitic ay ta ch'ulchane soc ta balumilal.

Nuevo Testamento Tzeltal de Amatenango

¹⁰ Te tut xchapoje ya me xkꞌot ta pasel te ya sta stiempoil yuꞌune. Dios ya me yakꞌ ta skuenta Cristo spisil te tutik ay ta chꞌulchan sok ta balmilal.

Bible in Tzeltal Bachajón

¹⁰ te ha ta scuenta Cristo ya stsob spisil bintic ay ta ch'ulchan soc spisil bintic ay ta bahlumilal te c'alal ya sta yorahil te chapal yu'une.

Efesios 1:10 Referans Kwoze

Colosenses 1:20

Soc ja' ta swenta Cristo te ya yac' junajuc ta stojol Dios spisil te bitic ay ta balumilale soc uuc te bitic ay ta ch'ulchane. Tey la yac' lamajuc q'uinal a ta swenta bit'il la smal xch'ich'el ta cruz.

Gálatas 4:4

Ja'uc me to, te c'alal la sta yorail yu'un te Diose, la sticun tel ta balumilal te Snich'ane. Alatayot yu'un jtul ants soc swentainot yu'un te mandalile.

Daniel 2:44

Te c'alal ay yat'elic ta muc' ajwalil ae, te Dios ta ch'ulchan ya me yac' ochel jtul jmandalteswanej te sbajt'el q'uinal ma ba ya xlaje, soc te ma'yuc bi ora ya x'u'uninot yu'un yan nación. Ja' me ya slajin ta jyalel te yantic ajwaliletique, ja' nax me muc' ajwalil ya xjil ta sbajt'el q'uinal stuquel.

San Marcos 1:15

Jich la yal: —C'otix yorail te bit'il ay ta ajwalinel te Diose. Jich yu'un sujt'esa awo'tanic ta stojol te Diose. Ch'uunaic me te lec yach'il c'ope —xi' te Jesuse.

Hebreos 1:2

Yan ta ora to te slajibal c'aal ayotique, la sc'oponotiquix ta swenta te Snich'ane. Dios la spas ch'ulchan balumilal ta swenta te Snich'ane, soc ja' yac'ojbey yu'unin spisil te bitic aye.

Colosenses 1:16

Ja' ta swenta Cristo te la xchicnantes spisil a te Diose, te bitic ay ta ch'ulchane soc te bitic ay ta balumilale, te bila chican ta ilele soc te bila ma chicanuc ta ilele, jich bit'il te jmandalteswanejetic, soc ajwaliletic, soc te mach'atic tulan yat'el yich'ojique, soc spisil te mach'atic ay yu'elique. Spisil la yich' chicnantesel ta swenta te Cristoe, soc spisil ay ta swenta stuquel.

1 Pedro 1:20

Chapalix yu'un Dios a te c'alal ma to pasbiluc a te ch'ulchan balumilale. Ja'uc me to, slajibal to ora chicnaj tel, swenta yu'un jich me ya awich'ic coltayel yu'un ta apisilic.

Efesios 3:15

te ja' ay ta swenta spisil ta jchajp te mach'atic ay yu'une, te ayic ta ch'ulchane soc te ayic ta balumilale.

Apocalipsis 5:9

La sc'ajintayic jcum yach'il c'ayoj: “Ay ta awenta atuquel te ya xju' awu'un stsaquel te balbil june soc sjamel te selloetique. Yu'un la awich' milel, soc ta swenta ach'ich'el la amanbeyix yu'unin Dios tsobol ta jchajp sts'umbal ants-winiquetic te yanyantic sc'opique soc te yanyantic slumalique soc te yanyantic nacionetic ta balumilale.

Efesios 1:22

La yac'bey scajtijibin yacan Cristo spisil te bitic aye. Soc nix te Cristo ja' jolol c'ot yu'un spisil te jch'uunjeletique.

1 Corintios 11:3

Ja'uc me to, ya jc'an te ya ana'ic stojol te ja' jolol yu'un spisil winiquetic te Cristoe, soc ja' jolol te winic yu'un te antse, soc ja' jolol yu'un Cristo te Diose.

Amós 9:11

Ya yal te Cajwaltic: —Ya me sta sc'aalelal te ya jpas ta yan buelta te sna David te jineme. Ya jmacbey te bay jinemic, ya jach te jinem ts'ajq'uetic. Jich nix ya jcha'pas xan te bit'il namey tele,

Génesis 49:10

Ma'yuc mach'a ya spojbey yat'el ta muc' ajwalil te Judá, ni ja'uc sbastón te yich'oj ta sc'ab, ja' to ya xtal te mach'a yu'un stuquel te at'ele, ja' te mach'a ya xch'uunbot smandal yu'un te lumetique.

Hebreos 11:40

yu'un ay yan te c'axem to xan ay yutsilal te xchajbanej te Diose. Melel ayotic ta yo'tan uuc te jo'otique. Jich ma stuqueluc nax te ya yich'ic utstesel ta jc'axele, melel jo'otic ya me quich'tic utstesel ta jc'axel uuc.

Colosenses 3:11

Ma'yuquix sc'oplal teme jyanlum o judio, te mach'a yich'oj circuncisión o te mach'a ma ba yich'oj circuncisión, soc lajix sc'oplal teme jyanlum soc teme bol winic, soc teme abate o teme libre aye. Te melel ja' nax ay sc'oplal te Cristoe, te ja' yu'un ta spisil soc ay ta swenta spisil.

Efesios 2:15

te Cristo la slajinbey sc'oplal te mandalil soc te bitic chapal yu'une. Jich jun nax la yac' ta yach'il te cha'chajp lume, jun nax c'ot ta stojol.

1 Corintios 10:11

Spisil in to, jich c'ot ta pasel ta stojolic, swenta yu'un ja' ejemplo ta jtojoltic, te ts'ibubil jilel ta swenta jcomeltic jo'otic te slajibal c'aal ayotiquixe.

San Mateo 25:32

Spisil ta jchajp nacionetic ya me yich'ic tsobel tel ta stojol. Cha'q'uejp ya sloq'ues a jich bit'il te jcanan-chije te jq'uejp ya yac' te chijetique soc jq'uejp ya yac' te tentsunetique.

Malaquías 3:1

Te Cajwaltic te Spisil ya xju' yu'un ya yal: —Ya me jticun tel j'alwanej cu'un swenta yu'un ya xchajbanbon jbe. Te Ajwalil te yacalex ta sleel te ja'exe, ora me ya x'ochix bael ta templo yu'un. Julelix tel te j'alwanej yu'un te tratoe, ja' te mach'a maliybil awu'unique —xi' te Cajwaltique.

Hebreos 9:10

Ja' nax ya yalbey sc'oplal te bila ya swe'ique soc te ya yuch'ique soc te bi yilel ya sc'an ya spoc sc'abique. Melel ja' nax ay sc'oplal ta pasel ta stojol Dios ja' to te la sta yorail te la yich' jeltayel yu'un te Diose.

Efesios 3:2

La awaiyiquix niwan stojol te ja' ta swenta yutsil yo'tan Dios te la yac'bonix ta jwenta spuquel te sc'oplal colel ta atojolique.