Efesios 1:1 - Bible in Tzeltal de Oxchuc y Tenejapa

¹ Jo'on Pabloon. Ayon ta jpuc-c'op yu'un Jesucristo ta swenta sc'anjel yo'tan te Diose. Ya jpatbeyex awo'tanic ja'ex te ch'ul lumex yu'un Dios soc te jun awo'tanic ta swenta Cristo Jesús te ayex ta lum Efeso.

Nuevo Testamento Tzeltal de Amatenango

¹ Joꞌon jPabloon, apostolon yuꞌun te Jesucristoe te jich a skꞌan yoꞌtan te Diose. La jtsꞌibay te karta to yuꞌun te jayebex ayex ta skuenta Dios sok te achꞌuunejik te Cristo Jesuse te ayex ta mukꞌul jtejklum Efeso.

Bible in Tzeltal Bachajón

¹ Pablo, jpuc-c'opon yu'un te Jesucristo ta scuenta sc'anojel yo'tan Dios, ta stojol te mach'atic ayic ta Éfeso te ch'uhltesbilic soc te jun yo'tanic ta stojol Cristo Jesús:

Efesios 1:1 Referans Kwoze

Colosenses 1:2

Ya jpatbeyex awo'tanic quermanotac, te ch'ul lumex yu'un te Diose soc te jun awo'tanic ach'uunejic te Cristo te ayex ta lum Colosae. Ac'a yac'beyex yutsil yo'tan soc lamal q'uinal ta atojolic te Jtatic Diose.

2 Corintios 1:1

Jo'on Pabloon. Ayon ta jpuc-c'op yu'un Jesucristo ta swenta sc'anjel yo'tan te Diose. Jo'on soc te quermanotic Timoteoe, ya jpatbeyex awo'tanic ja'ex te jch'uunjelex yu'un Dios te ayex ta lum Corinto soc spisil te mach'atic ch'ul lum yu'un Dios ta sq'uinal Acaya.

Gálatas 1:1

Jo'on Pabloon, jpuc-c'opon. Ma ta swentauc nax ants-winiquetic te la yac'bon cat'ele, ja' la yac'bon cat'el te Jesucristoe soc te Jtatic Diose, te la xcha'cuxes tel ta bay animaetic te Jesucristoe.

Romanos 1:1

Jo'on Pabloon, yabaton te Jesucristoe. La yic'on ta jpuc-c'op, tsabilon ta swenta yalel te lec yach'il c'op yu'un te Diose.

Romanos 1:7

Ya jpatbeyex awo'tanic ta apisilic te ayex ta lum Roma, te c'ux ya yaiyex ta yo'tan te Diose, soc te ic'bilex swenta ch'ul lum yu'un Dios ya xc'oex. Ayuc me yutsilal soc lamaluc me q'uinal ya awaiyic yu'un ta swenta te Jtatic Diose soc ta swenta te Cajwaltic Jesucristoe.

Efesios 6:21

Te quermanotic Tíquico te bayal c'ux ta co'tantique, te jun yo'tan yac'oj sba ta coltaywanej ta swenta te Cajwaltique, ja' me ya yalbeyex awaiyic spisil te bi quilel ayon li'to soc te bila yacon ta spasele.

1 Corintios 4:17

Ja' swentail te la jticunbeyex tel te Timoteo, te jun yo'tan ta stojol te Cajwaltique. Jich c'oem ta co'tan te bit'il jnich'an te c'ux ta co'tane. Ja' me ya yac'beyex juluc ta awo'tanic te bila la cac' ta nopel soc te bit'il at'ejone. Yu'un yiloj spisil te bit'il ya caiy p'ijubteswanej ta bay spisil te jch'uunjeletique.

San Lucas 16:10

“Te mach'a jun yo'tan ya swentain te bila ya x'ac'bot ta swenta jtebuque, ja' nanix jich jun yo'tan ya swentain teme ay bila bayal ya x'ac'bot ta swentae. Yan te mach'a ma junuc yo'tan ya swentain te bila ya x'ac'bot ta swenta jtebuque, ja' nanix jich ma junuc yo'tan ya swentain teme ay bi bayal ya x'ac'bot ta swentae.

Apocalipsis 2:10

Ma me xiwat yu'un te bit'il ya xc'ax bayal awocole. Melel te pucuje ya me yaq'uex ta chucjibal swenta yu'un jich me ya yilbeyex awo'tanic ta apisilic. Tey me ya xc'ax awocolic lajuneb c'aal a. Ja'uc me to, junuc me awo'tan ta jtojol, manchuc teme ya xlajat tey a. Jich me ya cac'bat acorona swenta cuxlejal.

Apocalipsis 17:14

Ya me spasic guerra soc te Alalchije, ja'uc me to, ya stsalotic yu'un. Melel ja' Ajwalil yu'un te ajwaliletique, soc ja' Muc' Ajwalil yu'un te muc' ajwaliletique. Te mach'atic sjoinej sbaic soque, tsabilic soc ic'bilic yu'un te Diose, soc jun yo'tanic ta stojol —la yuton.

Gálatas 3:9

Jich pajal ay bendición ta stojolic soc Abraham spisil mach'atic te pajal ay xch'uunjel yo'tanic ta stojol te Diose.

Romanos 8:1

Jich yu'un ta ora to, te mach'atic ayic ta swenta te Cristo Jesuse, ma'yuquix ta swentaic te castigo yu'un te smulique. [Ja' te mach'atic ma ba st'unojix pasel te bila swenta nax te sbaq'uetale, te ja' st'unojix ta pasel te bila swenta te Espiritue.]

Hechos 16:15

Jich ac'bot yich' ja' soc spisil te mach'a ay yu'un ta snae. Soc jich la yalbotic wocol: —Teme ana'ojiquix stojol te jun co'tan jch'uunejix te Cajwaltique, la' me talan, ainanic ta jna —xi'. Ma ba laj yo'tan. Puersa la yic'otic bael te ba ainucotic ta snae.

Apocalipsis 2:13

Jo'on quilojbat te awat'ele, soc ya jna' te banti nainemate soc ta banti ay smuc'ul nactijib te Satanase. Ja'uc me to, jun awo'tan awich'ojbon ta muc' te jbiile, ma ba amucojon ta awo'tan te bit'il ay xch'uunjel awo'tan cu'une, ni ja'uc te bi ora ac'ot ta lajel ta awolilic te Antipase, te jun yo'tan ta jtojol te la xch'uun milel tey a ta banti nainem te Satanase.

Números 12:7

Yan te cabat Moisés ma jichuc ya jpasbey stuquel. Jun yo'tan ta jtojol, c'ax jich a te bit'il spisil te yantic abatetic cu'une,

1 Corintios 4:12

Soc lubenotiquix ta at'el ta jc'abtic. Ayotic ta bolc'optayel, ja'uc me to, ya jc'anbeytic bendición ta stojolic. Bayal jwocoltic ta uts'inel yu'unic, ja'uc me to, cujch'em cu'untic.

Hechos 9:13

C'alal jich la yaiy te Ananiase, jich la yal: —Cajwal, tsobol mach'a yalojbon sc'oplal te bit'il ay te winique te bayal bila amen spasojbeyix te mach'atic ch'ul lum awu'un ta bay Jerusalén.

Hechos 18:19

Te c'alal c'ot ta lum Efeso, tey la yijq'uitay jilel a te Priscila soc te Aquilae. Te Pabloe bajt' ta bay te sinagogae. Tey ayanic soc a te judioetic te stsoboj sbaique.

Hechos 18:21

Jich la sc'opon jilel soc la yalbey yaiyic: —Ya sc'an te ayon ta Jerusalén ta spasel te q'uin te nopolixe, ja'uc me to, teme jich ya sc'an te Diose, ya me xtal quilex yan buelta —la yut jilel. Och ta barco, la yijq'uitay jilel te lum Efeso.

Gálatas 3:26

Jich yu'un apisilic yal-snich'anexix te Diose, ta swenta te xch'uunjel awo'tanic ta stojol te Cristo Jesuse.

Gálatas 3:28

Jich ma'yuquix judio, o griego, soc ma'yuquix moso o teme ay ta libre, soc ma'yuquix sc'oplal teme winic o teme antse. Melel jun nax c'oemex ta apisilic ta stojol te Cristo Jesuse.

Efesios 1:15

La caiyix stojol te bit'il ay xch'uunjel awo'tanic ta swenta te Cajwaltic Jesuse soc te bit'il c'ux ya awaiy ta awo'tanic spisil te mach'atic ch'ul lum yu'un te Diose.

Efesios 2:6

Jich la xcha'cuxesotic soc Cristo Jesús, soc ja' nanix jich la snajc'anotic soc Cristo Jesús ta bay ch'ulchan.

Efesios 2:10

Melel ja' yat'elotic stuquel te Diose. La xchicnantesotic ta swenta Cristo Jesús, swenta yu'un ya jpastic te lequil at'elil te chajbanbil ta neelal to yu'un te Diose, swenta yu'un ja' me ya jt'untic ta beel stuquel.

Efesios 2:13

Ta ora to ta swenta Cristo Jesús, manchuc teme q'uejel ayex ta neelal toe, ja'uc me to, la awich'iquix noptsanel ta swenta bit'il la smal xch'ich'el te Cristoe.