Eclesiastés 9:9 - Bible in Tzeltal de Oxchuc y Tenejapa

⁹ Binuc nax me awo'tan ya x'ainat soc awinam, ta spisil ora te ay acuxlejal te ma'yuc swentaile, te ja' ya yac'bat te Dios ta balumilale. Melel ja' nax me ya ata yu'un te bayal at'el la apas ta balumilal.

Bible in Tzeltal Bachajón

⁹ Tse'eluc me awo'tan soc awihnam te c'ux ta awo'tan, ta spisil acuxlejal te mayuc scuentahil, te ya'beyejat ta ye'tal ch'ulchan. Ha me te bin a'bilat te c'alal cuxulat soc te tulan ya x'a'tejat ta ye'tal te ch'ulchane.

Eclesiastés 9:9 Referans Kwoze

Eclesiastés 2:10

Ma'yuc bi ora ma la jmulan te bila la smulan te co'tane, soc ma'yuc bi ora ma ba la cac'bey te co'tan te bila la smulane. La caiybey sbujts' soc co'tan ta spisil te cat'ele, ja' stojol jc'ab c'ot ta spisil.

Malaquías 2:15

¿Yu'un bal ma junuc nax Dios la spasbey sbaq'uetal soc xch'ulel? Te bi ya sc'an te Diose, ja' ya sc'an te sts'umbal te ch'ultesbile. Canantaya abaic ta lec soc awo'tanic, swenta yu'un ma me ayuc ya xch'ay te ac'op la awal ta jamal ta stojol te awinam la ata c'alal queremat to a.

Eclesiastés 6:12

Ta mero melel, ma'yuc mach'a ya sna' bila lec ta stojol te ants-winic te jayeb c'aal ajtaybil te xcuxlejal te tojol c'oeme. Te jayeb c'aal ac'bil xcuxlejale, jich me ya xc'ax te bit'il axinale. ¿Mach'a ya x'albot yaiy yu'un te bila ya xc'ot ta pasel ta balumilal te c'alal lajemixe?

Eclesiastés 3:13

Melel te ya xwe'otic ya x'uch'otic, soc teme ya jmulantic te bitic ya xloc' a te cat'eltique, yu'un ja' nix te Dios te jich yac'ojbotique.

Eclesiastés 7:15

Ta spisil in to quilojix te jayebix c'aal cuxulon te mero ma'yuc swentail ya caiy te jcuxlejale, mero tojol ta jyalel. Ay mach'atic lajiquix bael, manchuc me lec yo'tanic, soc ay mach'atic mero amen yo'tanic, pero manchuc me mero amen yo'tanic, bayal ja'wil cuxinic.

Eclesiastés 5:18

Te jo'one la jta ta na'el te bila lec ya sc'an pasel soc te bi mero t'ujbile: Ja' te we'el-uch'ele, soc te ya jc'ases co'tantic ta stuuntesel te sit te cat'eltique, te c'ax bayal jwocoltic ta at'el yu'un te jayeb nax c'aal la yac' cuxinucotic ta balumilal te Diose. Ja' nax cu'untic abi.

Eclesiastés 3:22

La jna'beyix swentail ta lec, te ma'yuc bi mero t'ujbil ta mulanel te ya yaiybey yutsilal te winique, ja' nax te ya stuuntes te yat'ele. Ja' nax yu'un abi, melel ma'yuc mach'a ya xbajt'ic ta iq'uel tel yu'un, te ya xtal yil xan te bi ya xc'ot ta pasel te c'alal lajemixe.

Eclesiastés 2:24

Te bi mero lec ya sc'an ya spas te winique, ja' te ya xwe' ya x'uch'e, ac'a yaiybey yutsilal te yat'ele. Jna'oj te spisil talem ta stojol te Diose.

Proverbios 19:14

Ta swenta sme'-stat ya yich' sna soc sc'ulejal te quereme; soc ta swenta Cajwaltic te ya x'ac'bot yinamin te ants te ay sp'ijile.

Proverbios 18:22

Teme la sta yinam te winique, ja' me la staix te bila leque; ja' me la yich'ix a te c'uxtayel yu'un te Diose.

Salmos 144:4

Te xcuxlejal te ants-winiquetic jich bit'il ya jic' co'tantic; te xcuxlejalic jich nax ya xc'ax te bit'il axinal.

Salmos 39:5

Mero com te jcuxlejal awac'ojbone; mero jxujt' c'oem ta atojol te jcuxlejale. Melel spisil ants-winiquetic jich nax c'oem xcuxlejalic te bit'il jic'-o'tanile.

Génesis 26:8

Jalajemix bayal c'aal tey a te Isaaque. Jun buelta te Abimelec te ajwalil yu'un te filisteoetic, la yil ta ventana, yac ta smeyel Rebeca te Isaaque.