Eclesiastés 9:8 - Bible in Tzeltal de Oxchuc y Tenejapa

⁸ Spisiluc me ora buen sac ac'u'-apac' ya alap, spisiluc me ora ya awac'bey perfume ajol.

Bible in Tzeltal Bachajón

⁸ Spisiluc me ora sac ac'u' apac' yac alap, soc spisiluc me ora ayuc perfume ta ajol.

Eclesiastés 9:8 Referans Kwoze

Apocalipsis 19:14

Ts'aclinot yu'un tsobol soldadoetic te ayic ta ch'ulchan. Slapojic lequil lino-pac' te buen saque, soc cajalic ta saquil caballoetic.

Apocalipsis 19:8

Ac'botix ta swenta slapel te lequil lino-pac' te sacleman naxe”, xiic ta c'op la caiy. Te lequil lino-paq'ue, ja' seña te bila lec spasojic ta q'uinal te mach'atic ch'ul lum yu'un te Diose.

Apocalipsis 7:9

Ta patil la quil ay bayal mach'atic talemic ta bay yanyantic nacionetic soc ta bay chajbalchajp sts'umbalic soc ta bay yanyantic slumalic soc ta bay yanyantic te sc'opique. Spisil tec'ajtic ta stojol te muc'ul nactijibale soc ta stojol te Alalchije. Bayalic ta c'axem to xan te ma xju' ta ajtayele. Sac te sc'u'-spac' slapojique, soc stuchojic palma ta sc'abic juju-jtul.

Apocalipsis 16:15

“Aiya awaiyic stojol, jich me ya xtalon te bit'il j'eleq'ue. Bin nax me yutsil te mach'a wiq'uil sit soc te slapoj sc'u' swenta yu'un ma me t'analuc ta comonsitil ya x'ilot yu'un ants-winiquetic te sbaq'uetale”, xi' te Cajwaltique.

Daniel 10:3

Ma ba la jwe' bujts'an we'elil, ma ba la jti' ti'bal, ma ba la cuch' vino, soc ma ba la cac'bey jba perfume te c'ax te oxeb semana.

Salmos 23:5

Achajbanejbon jwe'el ta mesa ta stojol te jcontrotaque. Amalojbonix perfume ta jol, soc la anojesbonix ta taza te bi ya cuch'e, yac ta malel loq'uel ta sti'il.

Ester 8:15

Te Mardoqueo loc' jajch'el ta spalacio te muc' ajwalil, slapoj najt'il c'u'il te ay syaxal soc te ay saquil swenta sc'u' muc' ajwalil, soc jun muc'ul corona pasbil ta oro soc jun smeyil pac' pasbil ta lino soc púrpura. Spisil te yajwal te lum Susa jajch'ic ta aw swenta sbujts' q'uinal la yaiyic.

2 Samuel 19:24

Jich nix te Mefi-boset, te snich'an Saúl, loc' ta stael te muc' ajwalile. Ja' to nix te bi c'aalil loc' bael te muc' ajwalile, asta ja' to c'alal lec sujt' tel, ma ba spocoj yacan, ma ba set'oj yisim, soc ma ba sac'oj sc'u'-spac'.

Rut 3:3

Jich yu'un ya me apas te bila ya calbate: Poca aba, atina perfume, soc lapa bael ta bay mero lec te ac'u'-apaq'ue. Ya me xbaat tey a; ja'uc me to, ma me xawac' yilat te Booz te c'alal ma to xlaj yo'tan ta we'el-uch'el a.

San Mateo 6:17

Yan te ja'exe, te c'alal ya apasic ayunoe, tesa ajolic, poca asitic.

Amós 6:6

Ta muc'ul copaetic ya awuch'ic a te vino, ya atuuntesic mero lequil perfumeetic. Ja' ma'yuc sc'oplal ta awo'tan te quechel ta jinel te lume.

2 Samuel 14:2

Ja' yu'un la sticun ta iq'uel tel jtul ants nainem ta Tecoa te mero ay sp'ijil yo'tan, jich la yalbey: —Pasa aba te ayat ta mel-o'tan, lapa c'u'il swenta mel-o'tan, ma me xawac'bey aba perfume. Melel ya me sc'an te jich ya awac' aba te bit'il ants te ayix bayal c'aal te ay ta mel-o'tan ta swenta te ay mach'a lajem yu'une.

San Lucas 7:46

Ma la amalbon aceite ta jol te ja'ate. Yan te antse, la smalbonix perfume ta cacan stuquel.