Eclesiastés 9:5 - Bible in Tzeltal de Oxchuc y Tenejapa

⁵ Yan te mach'atic cuxulique, ya sna'ic te puersa quechel ya xlajique. Pero te mach'atic lajemiquixe, ma'yuc bi sna'ojic, soc ni ayuc bila ya staic, melel jc'axel ch'aybiliquix ta o'tanil.

Bible in Tzeltal Bachajón

⁵ Como te mach'atic cuxajtic ya sna'ic te ya me xchamic, pero te mach'atic chamenic mayuc bin ya sna'ic, soc mayuquix yan bin ya x'a'botic; ch'aybiliquix ta o'tanil.

Eclesiastés 9:5 Referans Kwoze

Isaías 26:14

Ja'ic lajemic stuquelic, ma ba ya xcha'cuxic xan; jc'axel nax ayic jich bit'il axinal, ma ba ya xjach'ic xan tel. Melel la awac'beyix castigo, la ajinix, la alajinix spisil soc te sna'jibale.

Eclesiastés 1:11

Te bitic c'axemiquix ch'ayemiquix ta o'tanil; te bitic ya to xc'ot ta pasel ja' ni me jich ya xch'ayic ta o'tanil; ja' nix jich te bitic ya to xchicnaje, ya me xch'ayic xan bael ta o'tanil.

Salmos 6:5

Ma'yuc jtuluc te mach'a lajemix a te ya to sna'at xane; ¿Ay bal mach'a ya xju' yalbat xan yutsil ac'oplal ta muquenal?

Hebreos 9:27

Jich bit'il jun nax buelta te ya xlajotique, soc patil ay ich'el ta c'op,

Job 14:21

Teme lec sc'oplal c'ot te snich'nabe, ma ba ya yaiy; teme tal wocol ta stojolic, ma ba ya sna' stuquel;

Eclesiastés 2:16

Melel ta patil ma'yuc bi ora ya xna'otix te mach'a ay sp'ijile, ja' nix jich ma'yuc mach'a ya xna'otix yu'un uuc te mach'a ma sna' q'uinale. Teme c'ax bael te c'aale, spisil ya xch'ay ta o'tanil. Te mach'a ay sp'ijile ya xlaj, ja' nix jich ya xlaj te mach'a ma sna' q'uinale. Pajal ya xch'ayic bael ta q'uinal”, xoon.

Salmos 109:15

Te smulic ayuc me ta yo'tan spisil ora te Cajwaltic; ac'a yich' ch'ayel ta lumq'uinal te sna'jibale.

Eclesiastés 8:10

Soc quiloj te ay ants-winic te amen yo'tane, te c'ubul la yac' sbaic ta stojol te ch'ul templo, pero te c'alal laje, bayal yutsil sc'oplal yu'unic la smuquic. Ta lum te banti la spas te bila amene, ma'yuc mach'a ya sna'ix te bila la spase. Ja' me te ma'yuc swentaile,

Isaías 63:16

Ja' tatilat cu'untic. Manchuc me ma sna' jbatic stuquel te Abraham, ni Israel ma sna'otic te jo'otique; ja'uc me to, ja'at Cajwal, tatilat atuquel; ja'at nix J'ac'wanejat ta libre cu'untic a.

Eclesiastés 7:2

Ja' lec te bael ta muquenale; ma ja'uc lec te pas-q'uine. Melel te lajele, ja' slajibal spisil ants-winiquetic; te mach'atic cuxulique ya me sc'an ya sna'ic.

Job 30:23

Ya jna'ix te ya ac'an ya awaq'uix lajucone, ja' te banti chapal sc'oplal ya xc'ot spisil te bitic cuxajtique.

Eclesiastés 9:4

Pero ay to xan bila lec ya smaliy te mach'a cuxul toe. Melel ja' lec te ts'i' te cuxul toe; ma ja'uc lec te león-choj te lajemixe.

Eclesiastés 9:10

Spisil te bi ya xju' awu'un spasele, pasa me. Jun me awo'tan xapas, melel ta muquenal te banti quechel ya xbaate, ma'yuc bi ya xju'ix ta pasel tey a, soc ma'yuquix bi ay ta na'el, ma'yuquix bi ay ta nopel, soc ni ayuc xan swentail tey a te p'ijil c'ope.

2 Samuel 14:14

Jna'ojtic te jpisiltic ya xlajotic, jichotic te bit'il ja' te ya xmal ta lum, ma spasix ta tsobel. Pero te Diose ma'yuc mach'a ya slajinbey xcuxlejal, ya slebey bi ya yut ya yac' sujt'uc tel ta stojol, swenta yu'un te mach'a ch'ayem baele ma ba spisil ora c'ubul ay ta stojol a.

Salmos 88:13

Pero te jo'on, Cajwal, ya jc'oponat; ta buen sab ya calbat wocol ta atojol.

San Lucas 20:32

Patil laj uuc te antse.