Eclesiastés 9:3 - Bible in Tzeltal de Oxchuc y Tenejapa

³ Te bila amen ya xc'ax ta pasel ta balumilale, ja' te pajal quechel ya xc'ot ta swentaic spisilique. Soc yan xan, te bila ya snop ta sjol soc ta yo'tan te ants-winique, nojel ta bila amen; ja' te mulile, ja' u'uninbil yu'un ta sjol te jayeb c'aal cuxule. Te bila mero slajibale, ja' te c'oel ta muquenale.

Bible in Tzeltal Bachajón

³ Ta spisil te bin ay ta pasel ta ye'tal ch'ulchan, ha te bin chopol ini: ha te pajal quechel ya xc'oht ta stojol spisilic; soc te yo'tan te ants-winic nojel ta bin chopol soc sonsohil ta spisil scuxlejal, patil ya xbahtic ta banti ay te mach'atic chamenique.

Eclesiastés 9:3 Referans Kwoze

Jeremías 17:9

“Bayal ya xlo'laywan te o'tanile. Nojel ta mulil ta jyalel, ma'yuc yan bila pajal soc. Ma'yuc mach'a ay sp'ijil yu'un sna'el.

Eclesiastés 8:11

melel te bit'il ma ba la yich' castigo ta ora yu'un te bila amene, ay me mach'a ja' ya xbajt'ix yo'tan ta spasel te bila amene.

Tito 3:3

Melel te jo'otique jichotic ta neelal uuc. Ma jna'tic q'uinal, jc'axintay-mandalotic, jowejemotic, mosoinbilotic yu'un te bila ya smulan te jbaq'uetaltique. Jich ayotic tel ta spasel spisil ta jten mulil, bic'tal-o'tanil, jex-o'tantaywanej, talel c'axel lab-o'tantayej jbajtic.

2 Pedro 2:16

La yich' comel ta sleel smul yu'un te cojt' burra te uma'e, ja'uc me to, c'opoj jich bit'il ants-winic te burrae. Jich la scom te j'alwanej te manchuc ya spas te bila amene.

Hechos 26:24

Te bit'il jich yac ta yalel a te Pabloe, te Festo tulan c'opoj yu'un: —Pablo, bolobix ajol yu'un te bayal junetic la anopixe —la yut.

Hechos 12:23

Ta ora nax tal jtul ch'ul abat yu'un te Cajwaltique, la yejch'entes te Herodese, scaj te ma ja'uc la yac' ta ich'el ta muc' te Diose. Jich laj ta ti'el yu'un yalja. Jc'axel laj yu'un.

San Lucas 15:17

“Ta patil la snop ta yo'tan, jich la yal: “Te jtate ay bayal yaj'at'el soc ay bayal swe'elic. Yan te jo'one, ya xlajon ta wi'nal li'to.

San Lucas 6:11

Te mach'atic stsoboj sbaique, bayal ilinic yu'un. Jajch' sjojc'obey sbaic te bila ya yutic te Jesuse.

Eclesiastés 12:7

Te c'alal ya xc'axe, te ts'ubil lume ya sujt' xan bael ta lum, jich nix te bit'il ay ta neelal to; te ch'ulelale ya sujt' xan bael ta stojol Dios, melel ja' nix la yac' a.

Eclesiastés 9:2

Melel pajal yacalic ta maliyel yu'un lajel ta spisilic, manchuc me tojic o ma tojuque; manchuc me lec o ma lecuc; manchuc me lecubtesbil o ma lecubtesbiluque; manchuc me ya yac' milbil majt'anil, o ma ba ya yaq'ue; ja' nix jich te mach'a ma'yuc smule, o ja' te mach'a ay smule; te ay bi jc'axel xchapoje, o ja' te mach'a ma'yuc bi jc'axel xchapoje.

Eclesiastés 7:25

Och cat'elin sleel ta sna'el, ochon ta snopel, ta sleel bi p'ijil c'op ya jta xan. C'ot ta co'tan te mero ma lecuc te bol-o'tanile, soc te jowil jol te mero amen ya cac' jbajtique.

Proverbios 14:32

Te mach'a amen yo'tan, ya me xjinot yu'un te bila ma lecuc ya spase; yan te mach'a lec yo'tane, ja' ya xcanantayot yu'un te slequil yo'tane.

Salmos 51:5

Ta mero melel, amenonix a te c'alal ayinone; ayonix ta mulil a te c'alal ayon to ta xch'ujt' a te jme'e.

Job 15:16

ja'uc to balix a jiche te winic te boloben soc te ilaybil sba, te ya yuch' c'oem te bila amen te bit'il ay ta uch'el te ja'e.

Génesis 8:21

Te Cajwaltic la yaiybey sbujts' yic' te milbil smajt'ane, jich yu'un la yal ta yo'tan: “Ma'yuc bi ora ya cac'bey xan castigo te balumilal ta scaj te ants-winiquetique, melel ta yalalil to tel mero ma lecuc te bitic ya snopilay ta yo'tanic. Ma ba ya jtup' xan bitic cuxajtic ta q'uinal jich bit'il te la jpasixe.

Hechos 26:11

Bayal buelta la cac'bey castigo ta sinagogaetic. La cac' puersa ta stoybac'optayel. Scaj te bayal jajch'em slab co'tan yu'unique, jich boon ta yuts'inel ta bay slumalic te jyanlumetique.

Génesis 6:5

La yil te Cajwaltic te bit'il toyix te bila amen ya spasic te mach'atic ayic ta balumilale, soc la yil te bit'il ma lecuc te bitic ya snopilay ta yo'tanic spisil ora.

Eclesiastés 2:14

Te mach'a ay sp'ijile, buen lec ya stuuntes te site; yan te mach'a ma sna' q'uinal yac ta beel ta ijc' q'uinal stuquel. Pero la jna' te pajal spisil, melel te bila ya xc'ot ta stojolique, ja' nix ya xc'ot ta jwenta uuc.

Eclesiastés 7:2

Ja' lec te bael ta muquenale; ma ja'uc lec te pas-q'uine. Melel te lajele, ja' slajibal spisil ants-winiquetic; te mach'atic cuxulique ya me sc'an ya sna'ic.

Eclesiastés 9:4

Pero ay to xan bila lec ya smaliy te mach'a cuxul toe. Melel ja' lec te ts'i' te cuxul toe; ma ja'uc lec te león-choj te lajemixe.

Jeremías 16:12

Te ja'exe c'ax to jich apasojic a te bit'il antiguo ame'-atatique; juju-jtul soc stulanil awo'tanic baex tey a ta bay la ac'anique, ni ma ba la ach'uunbonic te jc'ope.

Jeremías 17:10

Jo'on Ajwalilon, ya jna' stsajtayel te o'tanile soc ya jna' c'alal ta yutil o'tanil te bila yac sna'ele. Jich yu'un ya cac'bey stoj juju-jtul, ja' chican te bit'il ay te yat'elique —xi' te Cajwaltique.

Job 9:22

Pajal nix spisil. Jich ya yal te co'tane: “Te Diose, pajal ya slajin mach'atic ay smulic soc mach'atic ma'yuc smulic,” xi'.

Job 21:26

Pero ta muquenal ch'en spisilic pajal yilelic ya xc'otic; ta spisilic pajal ya xlajinotic ta yalja.

Salmos 64:7

Dios me ya x'ejch'entesotic yu'un ta yat'ejibal st'imalte'; ch'ayal me yo'tanic a ya x'ejch'entesotic.

Eclesiastés 9:11

Ta balumilal ay yan bila quiloj: Ma ja'uc te mach'a ya xju' yu'un animal te ya stsalawan ta animale, soc ni ja'uc te mach'atic ma sna'ic xiwel te ya tsalawanic ta guerra. Ma ja'uc spisil ora ay swe'el yu'un te mach'atic ay sp'ijilique, ni ja'uc jc'ulejetic te mach'atic ay snopjibal yu'unique, soc ni ja'uquic te mach'atic p'ijubtesbilic te buen maliybilique. Ta spisilic ta ch'in ajc' nax te jich ya xc'ot ta swentaique.