Eclesiastés 9:2 - Bible in Tzeltal de Oxchuc y Tenejapa

² Melel pajal yacalic ta maliyel yu'un lajel ta spisilic, manchuc me tojic o ma tojuque; manchuc me lec o ma lecuc; manchuc me lecubtesbil o ma lecubtesbiluque; manchuc me ya yac' milbil majt'anil, o ma ba ya yaq'ue; ja' nix jich te mach'a ma'yuc smule, o ja' te mach'a ay smule; te ay bi jc'axel xchapoje, o ja' te mach'a ma'yuc bi jc'axel xchapoje.

Bible in Tzeltal Bachajón

² Pajal quechel ya xc'oht ta stojol spisilic: te mach'a toj yo'tan soc te mach'a chopol yo'tan, te mach'a lec yo'tan soc te mach'a ma lecuc yo'tan; te mach'a sac yo'tan soc te mach'a ma ba sac yo'tan, te mach'a ya yac' milbil mahtanil soc te mach'a ma ba ya yac' milbil mahtanil; te bin ya xc'oht ta stojol te mach'a lec yo'tan hich nix ya xc'oht ta stojol te jmulawil, soc te mach'a ay bin ya yal ta jamal hich nix te mach'a ya xi' te ay bin ya yal ta jamal.

Eclesiastés 9:2 Referans Kwoze

Malaquías 3:18

Jich yu'un te ja'ex ya me ana'ic stojol ta yan buelta, te yan yilel te mach'a leque soc te mach'a amene, soc yan yilel te mach'a ya squejan sba ta xch'uunel Dios soc te mach'a ma squejan sba ta stojole —xi' te Cajwaltique.

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

Salmos 73:3

Melel xti'ton jajch'el co'tan yu'un te la quil te xquechcon ta esmajel sbiluquic te mach'atic toybaetic soc te mach'atic amen yo'tanique.

Job 9:22

Pajal nix spisil. Jich ya yal te co'tane: “Te Diose, pajal ya slajin mach'atic ay smulic soc mach'atic ma'yuc smulic,” xi'.

Malaquías 3:15

Jo'otic quilojtic te ja' bin nax yo'tanic ta beel te toybaetique; soc te mach'atic amen yat'elic lec ya xloq'uic stuquelic te ya yilbeyic yo'tan Dios, ni jtebuc castigo ya yich' stuquelic”, xaex ta yalel —xi' te Diose.

Eclesiastés 7:18

Ja' lec teme ya atsac in to, soc ma me xcol bael ta ac'ab te yane. Te mach'a ya yich' ta muc' te Diose, spisil me lec ya xc'ot yu'un stuquel.

Eclesiastés 7:2

Ja' lec te bael ta muquenale; ma ja'uc lec te pas-q'uine. Melel te lajele, ja' slajibal spisil ants-winiquetic; te mach'atic cuxulique ya me sc'an ya sna'ic.

Eclesiastés 6:6

Melel manchuc me cuxin cha'mil ja'wil, pero teme ma ba la yaiybey yutsilal te sbiluque, tojol c'oem. Ta slajibal, pajal ya xbajt'ic ta jun nax yawil ta spisilic.

Eclesiastés 2:26

Melel te Diose, ja' ya yac'bey sp'ijil yo'tan soc sp'ijil sjol soc yutsil q'uinal yaiy te mach'a lec ta site. Pero te mach'a ya sle smule, ya yac'bey c'axuc swocol ta stsobel sc'ulejal, yu'un patil ja' ya yac'bey te mach'a lec ta site. ¡Ja' nix te mero tojol ta jyalel ta pasele, te ja' pajal soc te yacuc jtsactic te iq'ue!

Génesis 24:3

ya me awalbon ta stojol te Cajwaltic, te Dios yu'un ch'ulchan soc balumilal, te bit'il ma ba tey ya alebon yinam jnich'an te bay yantsil-nich'anic te cananeoetic te ayon ta yolilique.

1 Samuel 14:26

Te c'alal c'otic te winiquetic tey ta toyem te'eltic, la yilic te ay xchabul ajachab yac ta malel coel ta lum tey a, pero ma'yuc mach'a la spas prueba yaiy ni jxujt'uc, scaj te ja' la xi'ic te bi jc'axel albilix yu'un te Saule.

Eclesiastés 3:19

Ta mero melel, te ants-winiquetic soc te chambalametic, pajal ay slajibalic, pajal ya xlajic bael. Melel te bit'il cuxulique, pajal ya yich'ic ic', soc ta swenta bit'il ya yich'ic ic' te cuxulique. Ma'yuc mach'a cajal, ni te ants-winic ni te chambalame: ta spisil, mero tojol ta jyalel.

Eclesiastés 9:3

Te bila amen ya xc'ax ta pasel ta balumilale, ja' te pajal quechel ya xc'ot ta swentaic spisilique. Soc yan xan, te bila ya snop ta sjol soc ta yo'tan te ants-winique, nojel ta bila amen; ja' te mulile, ja' u'uninbil yu'un ta sjol te jayeb c'aal cuxule. Te bila mero slajibale, ja' te c'oel ta muquenale.

Eclesiastés 9:11

Ta balumilal ay yan bila quiloj: Ma ja'uc te mach'a ya xju' yu'un animal te ya stsalawan ta animale, soc ni ja'uc te mach'atic ma sna'ic xiwel te ya tsalawanic ta guerra. Ma ja'uc spisil ora ay swe'el yu'un te mach'atic ay sp'ijilique, ni ja'uc jc'ulejetic te mach'atic ay snopjibal yu'unique, soc ni ja'uquic te mach'atic p'ijubtesbilic te buen maliybilique. Ta spisilic ta ch'in ajc' nax te jich ya xc'ot ta swentaique.

Jeremías 43:6

ja' te winiquetic, antsetic, alaletic, te yantsil-nich'nab te muc' ajwalil soc spisil te yantic, te ac'bot jilel ta swenta te anima Gedalías yu'un te Nabuzaradán, comandante yu'un te jcanantaywanejetic. Tey nix wentainbil a te Jeremías soc Baruc.